دۇيسەنبى, 14 قازان 2019
ساڭلاق 1000 0 پىكىر 17 شىلدە, 2019 ساعات 12:14

ۋنيۆەرسيادا جۇلدەگەرلەرىنە قانشا سىياقى بەرىلەدى؟

عالىمجان قىرىقباي

14 شىلدە يتاليانىڭ نەاپول قالاسىندا وتكەن جازعى ۋنيۆەرسيادا ويىندارى اياقتالدى. قازاقستان قۇراماسى بۇل جارىستا جەتى مەدال جەڭىپ الدى.

ءبارىمىز بىلەتىندەي، وليمپيادا، ازيا ويىندارى، ۋنيۆەرسيادا سىندى ءىرى حالىقارالىق دودالاردا جۇلدە سالعان قازاقستاندىق سپورتشىلارعا ەل ۇكىمەتى بەلگىلى مولشەردە سىياقى بەرەدى. ەندى نەاپول تورىندە مەدال العان قازاقستاندىق ستۋدەنتتەردىڭ قانشا سىياقى الاتىنىن ەسەپتەپ كورەيىك:

ۇكىمەتتىڭ 2014 جىلى 19 جەلتوقسانداعى № 1345 قاۋلىسىنا جانە 2017 جىلى 28 قاراشاداعى № 786 وزگەرتۋلەرىنە سايكەس سپورتشىلارعا اقشالاي سىياقى تولەۋ قاراستىرىلعان: بىرىنشى ورىن ءۇشىن - 15 مىڭ دوللار، ەكىنشى - 10 مىڭ دوللار، ءۇشىنشى - 5 مىڭ دوللار. سونىمەن قاتار، باپكەرلەر دە ءتيىستى مولشەردە سىياقى الادى. قاۋلى بويىنشا، جەكە جاتتىقتىرۋشىعا سپورتشى جۇلدەسىنىڭ 80% -ى بەرىلەدى.

وسى بويىنشا ەسەپتەگەندە، قازاقستان ۇكىمەتى جۇلدەگەر سپورتشىلارعا تولەيتىن سىياقىنىڭ جالپى سوماسى 53 ملن. 886 مىڭ تەڭگە بولادى.

وسى كەزەكتى ۋنيۆەرسياداعا قازاقستان اتىنان 94 سپورتشى قاتىسىپ، جەتى مەدال يەلەندى. جالعىز «التىندى» دزيۋدوشى عالىمجان قىرىقباي جەڭىپ الدى. كۇمىس مەدال: گيمناستشى ناريمان قۇربانوۆ پەن ميلادا كاريمي، جەڭىل اتلەت ميحايل ليتۆين، تاەكۆوندوشى سمايىل دۇيسەباي (87 كەلىگە دەيىن) جانە زويا كراۆچەنكو (ستەندتىك اتۋ). ال سارسەنكۇل رىسبەكوۆا (ستەندتىك اتۋ) قولا جۇلدەگەر اتاندى. ءبىزدىڭ ستۋدەنت سپورتشىلار جالپى كوماندالىق ەسەپتە 25-ءشى ورىن الدى.

ال وسىدان ەكى جىل بۇرىن تايبەيدە وتكەن ۋنيۆەرسيادا ويىندارىندا قازاقستاندىق سپورتشىلار ءۇش «التىن»، التى كۇمىس جانە جەتى قولا مەدال يەلەنگەن ەدى. التىن مەدالدەر سانى بويىنشا ەڭ ۇلكەن كورسەتكىش 2015 جىلى وتكەن ۋنيۆەرسيادا كەزىندە تىركەلدى. كۆاندجۋدا (وڭتسۇتىك كورەيا) ءبىزدىڭ سپورتشىلار التى التىن مەدال جەڭىپ العان بولاتىن.

قۋانىش قاپپاس

Abai.kz

0 پىكىر