20 ماۋسىم كۇنى ماڭعىستاۋ اۋدانىنىڭ اكىمى قارمىس بوحانوۆپەن جەرگىلىكتى حالىق الەۋمەتتىك جاعدايلارىنىڭ تومەندىگىن، كۇنەن-كۇنگە ازىق-تۇلىكتىڭ، ەڭ قاجەتتى تاۋارلاردىڭ قىمباتتاپ جاتقاندىعىن، ەرەۋىلدەپ جاتقان مۇنايشىلاردىڭ تالاپتارىنىڭ ورىندالۋىن، اۋىلداعى تسەمەنت زاۋىتىن قىتايلار الىپ، جۇمىسقا جەرگىلىكتى حالىقتى ەمەس، زاڭسىز كەلگەن قىتايلىقتاردى الىپ جاتقانىن، جەرگىلىكتى تۇرعىنداردان تەك قانا جاس قىزداردى الامىز دەپ باسىنعاندىقتارىن ايتىپ كەزدەسكەن. 22 كۇنى ءىس-ساپارمەن كەلەتىن وبلىس اكىمى قىرىمبەك كوشەرباەۆپەن كەزدەستىرۋىن سۇراعان، ول وبلىس اكىمىنىڭ حالىقپەن كەزدەسە المايتىنىن ايتقان.

حالىق وبلىس اكىمى قىرىمبەك كوشەرباەۆ بىزبەن كەزدەسەدى دەگەن ۇمىتپەن اكىمشىلىك الدىنا 22 ماۋسىم كۇنى جينالعان ەدى، ول شەتپە پوسەلكىسىندە سالىنعان اۋرۋحانا مەن بالاباقشانى سالتاناتتى تۇردە اشىپ 4 مينۋت ءسوز سويلەپ، سوسىن ارتقى ەسىكتەن شىعىپ حالىقپەن كەزدەسپەي كەتتى.  بۇل نەنى؟ حالىقتى مەنسىنبەۋ مە، الدە قورىققانى ما؟

20 ماۋسىم كۇنى ماڭعىستاۋ اۋدانىنىڭ اكىمى قارمىس بوحانوۆپەن جەرگىلىكتى حالىق الەۋمەتتىك جاعدايلارىنىڭ تومەندىگىن، كۇنەن-كۇنگە ازىق-تۇلىكتىڭ، ەڭ قاجەتتى تاۋارلاردىڭ قىمباتتاپ جاتقاندىعىن، ەرەۋىلدەپ جاتقان مۇنايشىلاردىڭ تالاپتارىنىڭ ورىندالۋىن، اۋىلداعى تسەمەنت زاۋىتىن قىتايلار الىپ، جۇمىسقا جەرگىلىكتى حالىقتى ەمەس، زاڭسىز كەلگەن قىتايلىقتاردى الىپ جاتقانىن، جەرگىلىكتى تۇرعىنداردان تەك قانا جاس قىزداردى الامىز دەپ باسىنعاندىقتارىن ايتىپ كەزدەسكەن. 22 كۇنى ءىس-ساپارمەن كەلەتىن وبلىس اكىمى قىرىمبەك كوشەرباەۆپەن كەزدەستىرۋىن سۇراعان، ول وبلىس اكىمىنىڭ حالىقپەن كەزدەسە المايتىنىن ايتقان.

حالىق وبلىس اكىمى قىرىمبەك كوشەرباەۆ بىزبەن كەزدەسەدى دەگەن ۇمىتپەن اكىمشىلىك الدىنا 22 ماۋسىم كۇنى جينالعان ەدى، ول شەتپە پوسەلكىسىندە سالىنعان اۋرۋحانا مەن بالاباقشانى سالتاناتتى تۇردە اشىپ 4 مينۋت ءسوز سويلەپ، سوسىن ارتقى ەسىكتەن شىعىپ حالىقپەن كەزدەسپەي كەتتى.  بۇل نەنى؟ حالىقتى مەنسىنبەۋ مە، الدە قورىققانى ما؟

ەسەسىنە جۇرتشىلىق جينالىپ تۇرعان جەرگە ءبىر اۆتوبۋس ارنايى جاساق ساربازدارىن اكەلىپ، سترەبيتەل ۇشاعىن حالىقتىڭ ۇستىنە 200 مەترگە دەيىن جاقىنداتىپ ۇشىردى. سوعىس باستالىپ كەتتى مە دەپ ۇيدەگى قارتتار قورقىپ، بەسىكتەگى بالا شوشىعان، ۇشاقتىڭ گۇرىلىنەن ۇيلەردىڭ سىلاعى قۇلاپ تۇسكەن. وسىلايشا بيلىك اشىنىپ وتىرعان ماڭعىستاۋدىڭ حالقىن  ونان سايىن اشىندىرىپ وتىر. بۇل قىلىقتارىن تەلەديداردا اسقار قونىسباەۆ دەگەن «ويىن، جاتتىعۋ» دەپ ءتۇسىندىردى. سوندا حالىقپەن وسىلايشا ويىن ويناعانى ما؟ وسىدان كەيىن قىرىمبەك كوشەرباەۆ قالاي وبلىس اكىمى بولادى؟ ول ورىنىن بوساتۋى كەرەك.

ماڭعىستاۋ اۋدانىنىڭ ورتالىعى شەتپە پوسەلكىسىندە «كاسپي» تسەمەنت زاۋىتىنىڭ قۇرىلىسى ءجۇرىپ جاتىر. ونى قىتايلىق «Sinoma Cpi» قۇرىلىس كومپانياسى شامامەن ءۇش اي بۇرىن باستاپ، ىلعي قىتايلاردى اكەلىپ جۇمىس ىستەتكەن. قىتايلاردىڭ وكتەمسىپ كەتكەنىنە اشۋلانعان حالىق ماۋسىمنىڭ ورتاسىنان باستاپ تولقۋدا بولىپ، ونى پوليتسيا كۇشپەن باسىپ وتىردى. اقىرى شىلدەنىڭ باسىندا حالىقتىڭ تالابى بويىنشا كوشى-قون پوليتسياسى قىتاي كومپانياسىنا تەكسەرۋ جۇرگىزگەن. تەكسەرۋ بارىسىندا جۇمىسشىلاردىڭ كوپشىلىگى قوناقتىق ۆيزامەن كەلگەن جانە ۆيزالارىنىڭ ۋاقىتى ءوتىپ كەتكەنى انىقتالعان. ولاردىڭ الدى ەلدەرىنە قايتارىلا باستادى، بىراق ورنىنا باسقا قىتايلىقتار كەلمەسىنە ەشكىم كەپىلدىك بەرە المايدى. قىتايلار وبلىسقا جاسىرىن جولمەن كەلىپ جاتىر، كەيبىر دەرەك كوزدەرىنە قاراعاندا، ولار جابىق اۆتوكولىكپەن «جۇك» بولىپ كەلەتىن كورىنەدى. وسىنىڭ بارلىعىن نەگە قۇزىرلى ورىندار تەكسەرمەيدى، بۇل بىزگە مۇلدەم تۇسىنىكسىز. ايتەۋىر حالىق كوتەرىلگەن سوڭ قيمىلداعان ءتۇر كورسەتىپ جاتىر.

P.S.

وسىدان 1 اي بۇرىن جاڭاوزەن قالاسىنا بارۋ ءۇشىن سۋمكا كوتەرگەن ەكى قىتاي تاكسي جالدايدى. جولدا كولىكتى قايتا-قايتا توقتاتىپ، سۋمكالارىن الىپ شىعىپ كۇبىرلەسىپ-كۇبىرلەسىپ قايتا وتىرادى. جۇرگىزۋشى بايقاپ قاراسا ەكەۋى جول بويىنا ۋىستاپ كەنە شاشادى ەكەن. جۇرگىزۋشى بۇل تۋرالى ورگاندارعا حابارلاعان، ولاردى پوليتسيا الىپ كەتتى دەگەن حابار بولدى، ارتى نە بولدى بەلگىسىز. ءومىر بويى تۇيەلى مەكەندە تۇرىپ جاتقان حالىق كەنەدەن اۋرۋ جۇعادى دەگەندى بىلمەۋشى ەدى. سوڭعى كەزدە ءار ايماقتا كەنە شاققاننان بولىپ جۇقپالى اۋرۋ تاري باستاۋىنىڭ كىلتيپانى قىتايلار ەمەس پە دەگەن وي كەلەدى. ايتەۋىر ماڭعىستاۋ كيەلى دە قاسيەتتى مەكەن بولعاندىقتان ءبىر اللانىڭ ءوزى جار بولعان شىعار، اۋرۋ شىقپادى، حالىق سوعان دا  شۇكىرشىلىك ايتىپ وتىر.

www.masa.kz ينتەرنەت گازەتى