استانا. 13 شىلدە. قازاقپارات -  قازاقستان الەمدە تەڭدەسى جوق «بايقوڭىر» عارىش ايلاعى ارقىلى تورتكۇل الەمگە تانىمال.

تاۋەلسىزدىگىمىزگە 20 جىل تولسا دا عارىش سالاسىنىڭ سان قىرىن مەڭگەرگەن وتاندىق ماماندارىمىزبەن ماقتانا المايمىز. ويتكەنى ەلىمىزدە كادر دايارلاۋ ءىسى ءالى دە بولسا جولعا قويىلماعان. اتالمىش ماسەلەدەن شىعۋدىڭ جولىن العاش بولىپ لەۆ گۋميلەۆ اتىنداعى ەۋرازيا ۇلتتىق ۋنيۆەرسيتەتى قولعا الۋدا.

بەيسەنبى، 14 شىلدە كۇنى لەۆ گۋميلەۆ اتىنداعى ەۋرازيا ۇلتتىق ۋنيۆەرسيتەتىندە ۋكراينانىڭ جەتەكشى وقۋ ورنى ولەس گونچار اتىنداعى  دنەپ­رو­پەت­روۆس­ك ۇلتتىق ۋنيۆەرسيتەتىمەن بىرىگىپ دايىندالعان ەۇۋ-دىڭ 3 ماگيسترانتى مەن 2 باكالاۆر تۇلەگىنە ديپلوم تابىستالماق.

شاراعا ۋكراينانىڭ دنەپ­رو­پەت­روۆس­ك ۇلتتىق ۋنيۆەرسيتەتىنىڭ ءبىر توپ عالىمدارى پەترەنكو الەكساندر نيكولاەۆيچ، ميتيكوۆ يۋري الەكسەەۆيچ، بۋچارسكي ۆالەري لەونيدوۆيچ، لابۋتكينا تاتيانا ۆيكتوروۆنا، سانين اناتولي فەدوروۆيچ قاتىسپاق.

استانا. 13 شىلدە. قازاقپارات -  قازاقستان الەمدە تەڭدەسى جوق «بايقوڭىر» عارىش ايلاعى ارقىلى تورتكۇل الەمگە تانىمال.

تاۋەلسىزدىگىمىزگە 20 جىل تولسا دا عارىش سالاسىنىڭ سان قىرىن مەڭگەرگەن وتاندىق ماماندارىمىزبەن ماقتانا المايمىز. ويتكەنى ەلىمىزدە كادر دايارلاۋ ءىسى ءالى دە بولسا جولعا قويىلماعان. اتالمىش ماسەلەدەن شىعۋدىڭ جولىن العاش بولىپ لەۆ گۋميلەۆ اتىنداعى ەۋرازيا ۇلتتىق ۋنيۆەرسيتەتى قولعا الۋدا.

بەيسەنبى، 14 شىلدە كۇنى لەۆ گۋميلەۆ اتىنداعى ەۋرازيا ۇلتتىق ۋنيۆەرسيتەتىندە ۋكراينانىڭ جەتەكشى وقۋ ورنى ولەس گونچار اتىنداعى  دنەپ­رو­پەت­روۆس­ك ۇلتتىق ۋنيۆەرسيتەتىمەن بىرىگىپ دايىندالعان ەۇۋ-دىڭ 3 ماگيسترانتى مەن 2 باكالاۆر تۇلەگىنە ديپلوم تابىستالماق.

شاراعا ۋكراينانىڭ دنەپ­رو­پەت­روۆس­ك ۇلتتىق ۋنيۆەرسيتەتىنىڭ ءبىر توپ عالىمدارى پەترەنكو الەكساندر نيكولاەۆيچ، ميتيكوۆ يۋري الەكسەەۆيچ، بۋچارسكي ۆالەري لەونيدوۆيچ، لابۋتكينا تاتيانا ۆيكتوروۆنا، سانين اناتولي فەدوروۆيچ قاتىسپاق.

2009 جىلدىڭ ناۋرىز ايىندا ولەس گونچار اتىنداعى  دنەپ­رو­پەت­روۆس­ك ۇلتتىق ۋنيۆەرسيتەتىمەن عارىش سالاسىندا بىرىگىپ مامان دايارلاۋ تۋرالى كەلىسىمگە قول قويعاننان كەيىن لەۆ گۋميلەۆ اتىنداعى ەۋرازيا ۇلتتىق ۋنيۆەرسيتەتى ءوز قارجىسىمەن ۋكراينانىڭ اتالمىش وقۋ ورنىنا ستۋدەنتتەرىن وقۋعا جىبەرە باستادى. بۇگىندە اتالمىش ارىپتەستىك بايلانىس ءوز جەمىسىن بەرۋدە. ءبىتىرۋشى تۇلەكتەر اراسىنان عارىش سالاسىن تەرەڭ مەڭگەرگەن تۇلەكتەر ىرىكتەلىپ الىنىپ، جۇمىسقا قابىلدانباق. ال قىركۇيەك ايىندا 18 ستۋدەنت عارىش سالاسى بويىنشا دنەپ­رو­پەت­روۆس­ك ۇلتتىق ۋنيۆەرسيتەتىنە جولداما الىپ، ءبىلىمىن شىڭدايتىن بولادى.

لەۆ گۋميلەۆ اتىنداعى ەۇۋ-دا قازعارىش باسشىسى ت.مۇساباەۆتىڭ قاتىسۋىمەن عارىش سالاسىنا قاجەتتى «تەمپۋس» باعدارلاماسىمەن بەكىتىلگەن عارىشتىق اپپاراتتاردى جوبالاۋشى زەرتحانا جاساقتالدى. سونداي-اق، مامان دايارلاۋعا قاتىستى بارلىق جاعداي جاسالۋدا. قىركۇيەك ايىنان باستاپ ەۇۋ-دا «عارىشتىق تەحنيكا جانە تەحنولوگيالار» حالىقارالىق كافەدراسى جۇمىسىن كافەدرا ودان ءارى جانداندىرا تۇسپەك.

اتالمىش جۇمىستىڭ بارلىعى دا ەلباسى ن.نازارباەۆتىڭ ەلدى يندۋستريالاندىرۋ تۋرالى باعدارلاماسىندا كوزدەلگەن تاپسىرمالار نەگىزىندە جۇزەگە اسۋدا.