سەنبى, 24 تامىز 2019
انىق 462 0 پىكىر 14 تامىز, 2019 ساعات 10:27

تجد باسشىسى الماتىداعى سەل قاۋپى جونىندە مالىمدەمە جاسادى

قارعالى بوگەتىنەن تجد باستىعى:

2019 جىلدىڭ 14 تامىزىندا ناۋرىزباي اۋدانىندا شاعىن سەل ءجۇردى. حالىقتى حاباردار ەتىپ ۇلگەردىك. زارداپ شەككەندەردى جينايتىن پۋنكت پەن ەۆاكۋاتسيالاۋ پۋنكتتەرىن انىقتادىق. ەنەرگەتيكا قىزمەتتەرىنە جارىق پەن گازدى وشىرۋگە بۇيرىق بەرىلدى. ەسكەرتۋ، حالىقتى شىعارامىز. قالالىق توتەنشە جاعدايلار دەپارتامەنتى قارعالى وزەنى ارناسىنىڭ تومەنگى ايماقتارى، ياعني اۋەزوۆ جانە الاتاۋ اۋداندارىنىڭ تۇرعىندارىنا حابار بەرۋدە. قالانىڭ بارلىق قىزمەتتەرى جۇمىلدىرىلدى. جاقىن ماڭداعى ەلدى-مەكەندەرگە تونەر قاۋىپ جوق.

ەۆاكۋاتسيالىق پۋنكتتەر:

1. ەسكى اكىمدىك. جاندوسوۆ-رىسكۋلاۆ.

2. شاحمەردەنوۆاداعى 175 مەكتەپ

3. 158 مەكتەپ. جاندوسوۆ-ياسساۋي

ايتا كەتەيىك، بۇگىن تاڭەرتەڭ ناۋرىزباي اۋدانىندا قارعالى وزەنى بويىندا از مولشەردە سەل ءجۇردى.

بۇل تۋرالى قالالىق تجد قىزمەتى حالىقتى قۇلاقتاندىرىپ ۇلگەردى. كەيىن سەل ءجۇرۋ قاۋپىنە بايلانىستى ناۋرىزباي اۋدانىندا ەۆاكۋاتسيالاۋ پۋنكتتەرى بەلگىلەندى. الماتى اكىمى باقىتجان ساعىنتاەۆ ناۋرىزباي اۋدانىنداعى سەل ورنىنا باردى.

Abai.kz

0 پىكىر