قازاقستاننىڭ سىرتقى ىستەر ءمينيسترى ەرجان قازىحانوۆ ەۋروپالىق ساپارىنىڭ ەكىنشى كۇنى، 19 شىلدەدە لوندوندا بريتاندىق ارىپتەسى ۋيليام حەيگمەن كەلىسسوز وتكىزىپ، قازاقستان-بريتان ديالوگىنىڭ اعىمداعى جاعدايىن جانە دامۋ كەلەشەگىن تالقىلادى.

ساۋدا-ەكونوميكالىق جانە گۋمانيتارلىق سالالارداعى ىنتىماقتاستىقتىڭ جوعارى دەڭگەيىن، پارلامەنتارالىق دەڭگەيدەگى قارىم-قاتىناستاردى، حالىقارالىق مازمۇنداعى كوپتەگەن ماسەلەلەر بويىنشا استانا مەن لوندون ۇستانىمدارىنىڭ ۇقساستىعىن اتاپ كورسەتكەن مينيسترلەر، ەكىجاقتى قارىم-قاتىناستىڭ قازىرگى دامۋ دەڭگەيىنە قاناعاتتانارلىق ءبىلدىردى. ەكونوميكالىق سالاداعى ىنتىماقتاستىققا توقتالعان تاراپتار، ەكى ەلدىڭ ۇكىمەتتەرى قابىلداپ جاتقان داعدارىسقا قارسى شارالار بويىنشا پىكىرلەر الماستى.

ە.قازىحانوۆ ۇلىبريتانيا پرەمەر-ءمينيسترى دەۆيد كەمەروندى ەكىجاقتى قارىم-قاتىناس تاريحىنداعى ءبىرىنشى رەسمي ساپارىنا پرەزيدەنت نۇرسۇلتان نازارباەۆتىڭ شاقىرۋىن قۋاتتادى جانە بۇل كەزدەسۋدىڭ قارىم-قاتىناستىڭ بارلىق اۋقىمى بويىنشا ىنتىماقتاستىققا ۇلكەن سەرپىن بەرەتىندىگىنە ءۇمىت ءبىلدىردى.

كەزدەسۋ بارىسىندا مينيسترلەر سونداي-اق جاھاندىق جانە وزەكتى قاۋىپسىزدىك ماسەلەلەرىن قامتيتىن حالىقارالىق قارىم-قاتىناستاردىڭ ءتۇيىندى پروبلەمالارى بويىنشا پىكىر الماستى.

قازاقستاننىڭ سىرتقى ىستەر ءمينيسترى ەرجان قازىحانوۆ ەۋروپالىق ساپارىنىڭ ەكىنشى كۇنى، 19 شىلدەدە لوندوندا بريتاندىق ارىپتەسى ۋيليام حەيگمەن كەلىسسوز وتكىزىپ، قازاقستان-بريتان ديالوگىنىڭ اعىمداعى جاعدايىن جانە دامۋ كەلەشەگىن تالقىلادى.

ساۋدا-ەكونوميكالىق جانە گۋمانيتارلىق سالالارداعى ىنتىماقتاستىقتىڭ جوعارى دەڭگەيىن، پارلامەنتارالىق دەڭگەيدەگى قارىم-قاتىناستاردى، حالىقارالىق مازمۇنداعى كوپتەگەن ماسەلەلەر بويىنشا استانا مەن لوندون ۇستانىمدارىنىڭ ۇقساستىعىن اتاپ كورسەتكەن مينيسترلەر، ەكىجاقتى قارىم-قاتىناستىڭ قازىرگى دامۋ دەڭگەيىنە قاناعاتتانارلىق ءبىلدىردى. ەكونوميكالىق سالاداعى ىنتىماقتاستىققا توقتالعان تاراپتار، ەكى ەلدىڭ ۇكىمەتتەرى قابىلداپ جاتقان داعدارىسقا قارسى شارالار بويىنشا پىكىرلەر الماستى.

ە.قازىحانوۆ ۇلىبريتانيا پرەمەر-ءمينيسترى دەۆيد كەمەروندى ەكىجاقتى قارىم-قاتىناس تاريحىنداعى ءبىرىنشى رەسمي ساپارىنا پرەزيدەنت نۇرسۇلتان نازارباەۆتىڭ شاقىرۋىن قۋاتتادى جانە بۇل كەزدەسۋدىڭ قارىم-قاتىناستىڭ بارلىق اۋقىمى بويىنشا ىنتىماقتاستىققا ۇلكەن سەرپىن بەرەتىندىگىنە ءۇمىت ءبىلدىردى.

كەزدەسۋ بارىسىندا مينيسترلەر سونداي-اق جاھاندىق جانە وزەكتى قاۋىپسىزدىك ماسەلەلەرىن قامتيتىن حالىقارالىق قارىم-قاتىناستاردىڭ ءتۇيىندى پروبلەمالارى بويىنشا پىكىر الماستى.

قازاقستان ءمينيسترى سول كۇنى لوندوندا لوردتار پالاتاسىنىڭ «دوڭگەلەك ۇستەل» وتىرىسىنا قاتىستى. ە.قازىحانوۆ شاراعا قاتىسۋشىلاردىڭ الدىندا سويلەگەن سوزىندە قازاقستاننىڭ يسلام ىنتىماقتاستىعى ۇيىمىنىڭ توراعالىعىنداعى باسىمدىقتارىنا توقتالىپ ءوتتى. ءجارىسسوز بارىسىندا ينۆەستيتسيالىق ىنتىماقتاستىقتى دامىتۋ، قازاقستانداعى ىسكەرلىك احۋالدى ودان ءارى جاقسارتۋ ماسەلەلەرىنە، تەحنولوگيالار سالاسىنداعى پەرسپەكتيۆالارعا نازار اۋدارىلدى.

قازاقپارات