قازاقستان مۇسىلماندارى ءدىني باسقارماسى جانە ورتا ازيا مۇفتيلەر كەڭەسىنىڭ توراعاسى، باس ءمۇفتي شەيح ءابساتتار قاجى دەربىسالى  رەسپۋبليكانىڭ ساۋدا ورىندارىندا رامازان ايىندا الكوگولدىك ىشىمدىكتەر ستاپاي، ازىق-تۇلىككە باعانى تومەندەتۋگە شاقىردى.

كيەلى رامازان ايى وسى جىلى 1 تامىزدا باستالادى.

«مۇمكىندىگى بار وتانداستارىمدى وسىناۋ قاسيەتتى دە، بەرەكەگە تولى ايدا اللا رازىلىعى ءۇشىن يگى ىستەردى مەيلىنشە كوبىرەك جاساۋعا شاقىرامىن. جىل سايىن رامازان ايى كەلۋىمەن دۇكەندەر مەن بازارلاردا ازىق-تۇلىك باعالارىنىڭ كۇرت قىمباتتاپ كەتەتىنىن كورىپ ءجۇرمىز. بۇل، ارينە، حالىقتىڭ ورىندى نارازىلىعىن تۋعىزادى. مۇباراك ايدا كاسىپكەر مۇسىلمان باۋىرلارىمدى جاساعان يەمىزدىڭ مەيىرىمىن تىلەپ، ازىق-تۇلىكتىڭ، قوناقۇيلەر مەن قوعامدىق قىزمەتتەردىڭ باعاسىن 10 پايىزعا جەڭىلدەتۋگە شاقىرامىن. قوعامدىق كولىكتەردە ءجۇرۋ اقىسى، كوممۋنالدىق تولەماقىلار جانە تەلەكوممۋنيكاتسيالىق بايلانىس تاريفتەرى  دە وسىلاي تومەندەتىلسە»، - دەپ ايتىلعان قمدب-نىڭ رەسمي سايتىندا جاريالانعان قازاقستاننىڭ باس ءمۋفتيىنىڭ ۇندەۋىندە.

قازاقستان مۇسىلماندارى ءدىني باسقارماسى جانە ورتا ازيا مۇفتيلەر كەڭەسىنىڭ توراعاسى، باس ءمۇفتي شەيح ءابساتتار قاجى دەربىسالى  رەسپۋبليكانىڭ ساۋدا ورىندارىندا رامازان ايىندا الكوگولدىك ىشىمدىكتەر ستاپاي، ازىق-تۇلىككە باعانى تومەندەتۋگە شاقىردى.

كيەلى رامازان ايى وسى جىلى 1 تامىزدا باستالادى.

«مۇمكىندىگى بار وتانداستارىمدى وسىناۋ قاسيەتتى دە، بەرەكەگە تولى ايدا اللا رازىلىعى ءۇشىن يگى ىستەردى مەيلىنشە كوبىرەك جاساۋعا شاقىرامىن. جىل سايىن رامازان ايى كەلۋىمەن دۇكەندەر مەن بازارلاردا ازىق-تۇلىك باعالارىنىڭ كۇرت قىمباتتاپ كەتەتىنىن كورىپ ءجۇرمىز. بۇل، ارينە، حالىقتىڭ ورىندى نارازىلىعىن تۋعىزادى. مۇباراك ايدا كاسىپكەر مۇسىلمان باۋىرلارىمدى جاساعان يەمىزدىڭ مەيىرىمىن تىلەپ، ازىق-تۇلىكتىڭ، قوناقۇيلەر مەن قوعامدىق قىزمەتتەردىڭ باعاسىن 10 پايىزعا جەڭىلدەتۋگە شاقىرامىن. قوعامدىق كولىكتەردە ءجۇرۋ اقىسى، كوممۋنالدىق تولەماقىلار جانە تەلەكوممۋنيكاتسيالىق بايلانىس تاريفتەرى  دە وسىلاي تومەندەتىلسە»، - دەپ ايتىلعان قمدب-نىڭ رەسمي سايتىندا جاريالانعان قازاقستاننىڭ باس ءمۋفتيىنىڭ ۇندەۋىندە.

«جۇرتىمىز قاسيەتتى ايدا اللا تاعالانىڭ اشۋى مەن قاھارىن تۋدىرۋعا سەبەپشى اراق-شاراپتان، شاريعاتىمىز تىيىم سالعان باسقا دا حارام ءىس-ارەكەتتەردەن اۋلاق بولسا دەگەن تىلەگىم بار. مەيرامحانالار مەن جيىن-تويلاردا ىشكىلىكتىڭ ەشبىر ءتۇرى ىشىلمەسە، دۇكەندەردە ساتىلماسا. سەبەبى، ارداقتى مۇحاممەد (س.ع.س.) پايعامبارىمىزدىڭ قۇدسي حاديسىندە اللا تاعالا ىشىمدىك ىشكەندى، ىشكىزگەندى، ساتقاندى، ساتىپ العاندى، سونداي-اق ونى جاساپ شىعارعاندى لاعىنەتتەگەن»، - دەدى دەربەسالى قازاقستاندىقتارعا.

قاسيەتتى قۇران كارىمدە: «ءاي، يمان كەلتىرگەندەر! اراق ءىشۋ، قۇمار ويناۋ، بۇتتارعا تابىنۋ جانە بال اشاتىن وقتار - لاستىق، شايتاننىڭ iستەرi. مۇراتقا جەتەم دەسەڭدەر ولاردان اۋلاق بولىڭدار»، - دەلىنگەن («مايدا» سۇرەسi, 90-91 ايات).

بۇل ۇندەۋ بارشا ادامزات بالاسىنا مول ريزىق بەرۋشى اللا تاعالانىڭ رازىلىعىنا ءبىزدىڭ جۇرتىمىز مۇنان ءارى قاراي دا بولەنىپ، ساۋابىنا يە بولا بەرسە دەگەن ىزگى ماقساتتان تۋىپ وتىر. ساۋاپتى امالدار جاساۋدىڭ ءساتىن قولدان شىعارىپ المايىق، اعايىن!

استانا، 21 ءشىل - قازاقستان جاڭالىقتارى اا.

newskaz.kz