جۇما, 29 ناۋرىز 2024
2924 0 پىكىر 21 تامىز, 2019 ساعات 15:04

قىزىلوردالىق قۇرىلىسشىلار ارىس قالاسىن قالپىنا كەلتىرۋ جۇمىستارىن تامامدادى

بۇگىنگى تاڭدا وڭىردەگى قۇرىلىس كومپانيالارى ارىس قالاسىندا جارىلىس سالدارىنان زارداپ شەككەن تۇرعىن ۇيلەردى قالپىنا كەلتىرۋ جۇمىستارىن قىزىلوردالىق قۇرىلىس كومپانيالارى تولىق تامامدالدى، - دەپ حابارلايدى اباي-اقپارات.

بۇل جونىندە وبلىستىق ءماسليحاتتىڭ 35 كەزەكتەن تىس سەسسياسىندا وبلىس اكىمى قۋانىشبەك ىسقاقوۆ:

– 17 تامىزدا سەنبى كۇنى پرەزيدەنت تاپسىرماسىنا سايكەس قازاقستان رەسپۋبليكاسىنىڭ پرەمەر-ءمينيسترى اسقار ۇزاقبايۇلى مامين تۇركىستان وبلىسىندا جۇمىس ساپارمەن بولدى. جۇمىس ساپارى بارىسىندا اسقار ۇزاقبايۇلىنا ارىس قالاسىنداعى قالپىنا كەلتىرۋ جۇمىستارىنىڭ بارىسى تۋرالى باياندادىم. سىر قۇرىلىسشىلارىنا جانە حالقىنا قيىن جاعدايدا قولداۋ جاساعانى ءۇشىن پرەمەر-مينيستر ءوز ريزاشىلىعىن ءبىلدىردى، - دەپ اتاپ ءوتتى.

سونداي-اق، ايماق باسشىسى ارىس قالاسىنداعى تۇرعىن ۇيلەردى قالپىنا كەلتىرۋ جۇمىستارىن جىلدام ءارى ساپالى ورىنداعانى ءۇشىن قىزىلوردالىق قۇرىش قولدى قۇرىلىسشىلارعا العىس ءبىلدىردى.

ەستەرىڭىزگە سالا كەتەيىك، سەنبى كۇنى ءوڭىر باسشىسى قۋانىشبەك ىسقاقوۆ جۇمىس ساپارىمەن تۇركىستان وبلىسىنا بارىپ، وندا جوندەۋ جۇمىستارىنىڭ ناتيجەسىن كوزبەن كورىپ كەلگەن ەدى. قىزىلوردا وبلىسىنا ارىس قالاسىنداعى № 6 ۋچاسكە بولىنگەن، وندا 14 كوشەدە 268 تۇرعىن ءۇي، 5 الەۋمەتتىك جانە 10 كوممەرتسيالىق نىسان ورنالاسقان. بۇگىنگى كۇنى قالپىنا كەلتىرىلمەيتىن ۇيلەردىڭ ءبىرى بۇزىلىپ، ونىڭ تۇرعىندارى ءۇشىن جاڭا ءۇي ساتىپ الىندى، باسقا ءۇيدىڭ تۇرعىندارى ءۇشىن (93 جاستاعى اجە، ونىڭ 60 جاستاعى مۇگەدەك ۇلى جانە 19 جاستاعى نەمەرەسى) جانە ءبىر اۋلادا تۇرۋعا جارامسىز 2 ءۇيدىڭ تۇرعىندارى ءۇشىن جاڭا تۇرعىن ۇيلەر ساتىپ الىندى. قالعان 264 ءۇي تولىعىمەن قالپىنا كەلتىرىلدى. بولىنگەن ۇيلەردى قالپىنا كەلتىرۋ جۇمىستارىنا سىر ەلىنەن 20 قۇرىلىس كومپانياسى جۇمىلدىرىلعان بولاتىن.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2271
عيبىرات

قايسار رۋحتى عازيز جان

مۇحتار قۇل-مۇحاممەد 3584