قر تۇڭعىش پرەزيدەنتى نۇرسۇلتان نازارباەۆ ەل حالقىنىڭ سالاۋاتتى ءومىر سالتىن ۇستانۋىن ءاردايىم ايتىپ جۇرەدى. حالىقتىڭ بەلسەندى تۇردە سپورتپەن اينالىسىپ، تۇرمىس دەڭگەيىن جوعارلارتۋىن ءجىتى باقىلاۋدا ۇستايدى. ەلباسىنىڭ بۇل باستاماسى ەل كولەمىندە كەڭ قولداۋعا بولەنىپ وتىر. 

قىزىلوردا قالاسىندا «قاۋىپسىز جاز» اكتسياسى اياسىندا ۆەلومارافون ءوتتى. بۇل تۋرالى تجد ءباسپاسوز قىزمەتى حابارلادى.

وعان قىزىلوردا وبلىسى تجد جانە وعان قاراستى بولىمشەلەردىڭ 50-گە جۋىق قىزمەتكەرلەرى بەلسەندى قاتىستى. شارانى قىزىلوردا وبلىسى تجد باستىعى ازاماتتىق قورعاۋ پولكوۆنيگى ومار بەرجانوۆ اشىپ، مارافونعا قاتىسۋشىلارعا ساتتىلىك تىلەدى.

ۆەلومارافون «سۋدا قۇتقارۋ ستاناسى» عيماراتىنان باستاۋ الىپ، «سىر انا» ەسكەرتكىشى كەشەنىندە مارەگە جەتتى.

مارافوننىڭ قاتىسۋشىلارى سىرداريا وزەنىنىڭ جاعالاۋىن تازالاۋعا اتسالىسىپ جاتقان «#Birge #TazaQazaqstan» قالالىق ەكولوگيالىق اكتسياسىنىڭ قاتىسۋشىلارىنا، قىزىلوردا قالاسىنىڭ تۇرعىندارىنا، ەرىكتىلەرگە، قوعام قايراتكەرلەرىنە، وبلىس بەلسەندىلەرىنە «سۋ ايدىندارىنداعى قاۋىپسىزدىك ەرەجەلەرى» تاقىرىبىنداعى جادىنامالاردى تاراتتى.

Abai.kz