مەملەكەت باسشىسى قاسىم-جومارت توقاەۆ بيلىك وكىلدەرىنىڭ، اسىرەسە، جەرگىلىكتى اتقارۋشى ورگان جاۋاپتىلارىنىڭ حالىقپەن ەتەنە جاقىن بولۋىن تالاپ ەتكەن بولاتىن. مەملەكەتتىك قىزمەتكەرلەردىڭ حالىق پەن بيلىك اراسىندا كوپىر بولۋىن شىن مانىندە جۇزەگە اسىرۋدىڭ ماڭىزى زور. 

قىزىلوردا وبلىسىندا مەملەكەتتىك ورگانداردىڭ اشىقتىعىن، جاريالىلىعىن قامتاماسىز ەتۋ جانە اكىمشىلىك كەدەرگىلەردىڭ الدىن الۋ ماقساتىندا «Open space» جۇمىس فورماتىن تاجىريبەگە ەنگىزۋ جۇمىستارى جۇرگىزىلۋدە.

بۇگىنگى تاڭدا، وبلىس بويىنشا بارلىعى 21 مەملەكەتتىك ورگان مەن ۇيىمدار وسىنداي فورماتقا كوشىپ، اينەكتەلگەن اشىق الاڭدا جۇمىسىن جاساۋدا.

وسى كەزگە دەيىن «Open space» فورماتى قىزىلوردا قالاسىنا قاراستى تاسبوگەت كەنتىنىڭ اكىمدىگىنە تاجىريبەگە ەنگىزگەن بولسا، اۋىلدىق وكرۋگتەر اراسىندا ءبىرىنشى بولىپ اقسۋات اۋىلدىق وكرۋگىنىڭ اكىمدىگى اشىق الاڭ فورماتىنا كوشىپ، ءوز جۇمىسىن باستادى.

«Openspace - قىزمەتكەرلەردىڭ جۇمىس ورىندارىن ءبىر اشىق الاڭدا ۇيىمداستىرۋ. جۇمىس بولمەلەرى اينەكتەلگەن شىنى قابىرعالاردان جاسالادى. بۇل جۇمىس فورماتى ۇجىمنىڭ ۇيىمشىلدىعىنا، قىزمەتكەرلەردىڭ كوممۋنيكابەلدىك قاسيەتتەرىنە جانە باسشىنىڭ كوپتەگەن جۇمىس ساتتەرىنە قاتىسۋىنا وڭ ىقپال ەتەدى.

ۋاقىت وتكەن سايىن باسشىلارعا قويىلاتىن تالاپتار مەن مىندەتتەر ارتىپ وتىر. باسشىلاردىڭ كۇندەلىكتى جۇمىسىنا قوعامدىق باقىلاۋ كۇشەيۋدە. سوندىقتان جان-جاقتى الىپ قارايتىن بولساق، مەملەكەتتىك ورگاندار ءۇشىن بۇل وتە ءتيىمدى جۇمىس جاساۋ فورماتى.

بۇل ءبىر جاعىنان جەرگىلىكتى اكىمدىكتەردىڭ اشىقتىقتى مەن جاريالىعىن بىلدىرسە، ەكىنشى جاعىنان اكىمدىككە كەلگەن ازاماتتار ءۇشىن وتە قولايلى دەپ ەسەپتەيمىز»، - دەيدى «اقمەشىت - ادالدىق الاڭى» جوبالىق كەڭسەسىنىڭ جەتەكشىسى جاندوس تۇسماعامبەتوۆ.

Abai.kz