4-6 قىركۇيەك كۇندەرى نۇر-سۇلتان قالاسىندا قازاقستان جازۋشىلار وداعىنىڭ ۇيىمداستىرۋىمەن «ازيا ەلدەرى قالامگەرلەرىنىڭ I فورۋمى» وتەدى. وعان 44 مەملەكەتتىڭ قالامگەرلەرى مەن قر جازۋشىلار وداعىنىڭ وكىلدەرى قاتىسادى.

تۇڭعىش رەت ۇيىمداستىرىلىپ وتىرعان بۇل فورۋم ازيا كونتينەنتىندە ورنالاسقان ەلدەر اراسىنداعى ادەبي-مادەني بايلانىستاردى نىعايتۋ، ودان ءارى دامىتۋ ءھام تاۋەلسىز ەلىمىزدىڭ بۇگىنگى كەسكىن-كەلبەتىن، قازاقستاننىڭ ادەبيەتىن، رۋحاني قۇندىلىقتارىن پاش ەتۋ، ادەبي ۇدەرىستىڭ دامۋىنا قاتىستى ازيا ەلدەرىمەن تاجىريبە الماسۋ سىندى بىرقاتار ماقسات-مىندەتتەردى كوزدەيدى.

ازيا ەلدەرى قالامگەرلەرىنىڭ ءى فورۋمىندا اتالمىش قۇرلىقتى مەكەن ەتكەن 44 مەملەكەتتەن الەمگە بەدەلدى حالىقارالىق سىيلىقتاردىڭ جۇلدەگەرلەرى، ۇلتتىق، مەملەكەتتىك سىيلىقتاردىڭ يەگەرلەرى ءھام جازۋشىلار وداعى مەن اسسوتسياتسيالارىنىڭ توراعالارى سىندى 260 قالامگەر مەن 1500-گە جۋىق قوناق كەلەدى دەپ كۇتىلۋدە.

ايتا كەتەيىك، اتالعان فورۋمنىڭ العاشقى قوناقتارى نۇر-سۇلتان قالاسىنا كەلە باستادى. سونىمەن، ازيا قالامگەرلەرىنىڭ فورۋمىنا شەتەلدەن كىمدەر كەلەدى؟ ءبىز شولىپ شىقتىق...

قىتايدان:

ماجيت اكبار

جازۋشى. قىتايدىڭ مەملەكەتتىك سىيلىعىنىڭ يەگەرى. ابايدىڭ قاراسوزدەرىن قىتاي تىلىنە اۋدارعان.

ليۋ ليان چەن

جازۋشى. شىڭجاڭ جازۋشىلار وداعى باسقارماسى توراعاسىنىڭ ورىنباسارى، 20-دان استام كىتاپتىڭ اۆتورى. «فەنگ مۋ»، «لۋ شۋن»، «باي حۋا» اتتى ادەبي سىيلىقتاردىڭ يەگەرى.

Cيۋي كە

جازۋشى. لۋ شۋن اتىنداعى ادەبيەت ينستيتۋتى ديرەكتورىنىڭ ورىنباسارى. وننان استام كىتاپتىڭ اۆتورى. «لۋ شۋن» ادەبي سىيلىعىنىڭ يەگەرى.

موڭعوليادان:

گۋن اجاۆىن ايۋرزانا

جازۋشى. ون رومان، سەگىز ولەڭ كىتابى، كوپتەگەن عىلىمي ماقالالار مەن اۋدارمالار اۆتورى.

وڭتۇستىك كورەيادان:

كو ىن

كورنەكتى اقىن. پروزايك. ادەبيەت نوميناتسياسى بويىنشا نوبەل سىيلىعىنا بىرنەشە رەت ۇمىتكەر بولعان. «مانحە»، «التىن ءتاج»، گريففين پوەتيكالىق جۇلدەلەرىنىڭ يەگەرى.

بانگلادەشتەن:

اكبار احسان

اتاقتى بانگلادەش اقىنى جانە جازۋشىسى. داككا ادەبي فەستيۆالىنىڭ ديرەكتورى.

ءۇندىستاننان:

ميترا امار

ءۇندىستاننىڭ كورنەكتى جازۋشىسى. ول «دۋرباپۋترا» رومانى ءۇشىن ساحيتيا اكادەمياسى سىيلىعىمەن ماراپاتتالعان. «بانكيم پۋراسكار» وڭتۇستىك ازيا حالىقارالىق سىيلىعىنىڭ لاۋرەاتى.

برۋنەيدەن:

الياس ااممتون

اتاقتى برۋنەي جازۋشىسى. برۋنەي ادەبيەتىندەگى قازىرگى زاماننىڭ ەڭ جارقىن وكىلى. 23 كىتاپتىڭ اۆتورى. «Be the 1 percent» جوباسىنىڭ اۆتورى جانە جەتەكشىسى.

موحد داۋد كاترينا

برۋنەيدىڭ تانىمال جازۋشىسى. برۋنەي-دارۋسسالام ۋنيۆەرسيتەتىنىڭ ونەر جانە الەۋمەتتىك عىلىمدار فاكۋلتەتىنىڭ دوتسەنتى.

نەپالدان:

پوحرەل سۋمان

جازۋشى، اۋدارماشى، پوليگلوت. SAARC حالىقارالىق وڭتۇستىك-شىعىس ازيا ادەبيەتى سىيلىعىن ەكى رەت العان جالعىز جازۋشى. ول وڭتۇستىك ازيانىڭ ەڭ ماڭىزدى شىعارماشىلىق داۋىستارىنىڭ ءبىرى بولىپ سانالادى. Parikalpna سىيلىعىنىڭ يەگەرى. «نەپال جىلىنىڭ ادامى» اتاعىنىڭ يەگەرى. ونىڭ پوەزياسى تريبحۋۆان ۋنيۆەرسيتەتى مەن نەپالداعى پۋرۆانچال ۋنيۆەرسيتەتىندەگى ءتىل مەن ادەبيەتتى زەرتتەۋ باعدارلاماسىنا ەنگەن.

سۋبەدي ابحي

اقىن، دراماتۋرگ، ءتىل مامانى. SAARC ادەبي سىيلىعىنىڭ لاۋرەاتى. وڭتۇستىك كاۆي سيدديحاران سىيلىعىنىڭ يەگەرى.

اۋعانىستاننان:

موحاممادي موحامماد رەزا

اۋعانستان جازۋشىلار وداعىنىڭ توراعاسى. بەدەلدى ۇلتتىق جانە حالىقارالىق ماراپاتتاردىڭ لاۋرەاتى. پۋشتۋن تىلىندە جازاتىن ەڭ وقىلىمدى اۆتورلاردىڭ ءبىرى.

شري-لانكادان:

مۋدانناياكە سۋررەش

شري-لانكانىڭ ايگىلى جازۋشىسى جانە ستسەناريسى. مەملەكەتتىك شري-لانكا ادەبي سىيلىعىنىڭ لاۋرەاتى. گراتيەن حالىقارالىق سىيلىعىنا ۇسىنىلعان. وڭتۇستىك ازيا ادەبيەتىنە قوسقان ۇلەسى ءۇشىن ءۇندى DSC سىيلىعىنىڭ لاۋرەاتى.

جاياسەكارا پرەماتيلاكا

جازۋشى. سىنشىلار مەن وقىرمانداردىڭ جوعارى باعاسىنا يە بولعان بەس اڭگىمەلەر جيناعىنىڭ جانە بەس روماننىڭ اۆتورى. «Ikbithiwa ohu Marapiha» رومانى Godage ادەبي فەستيۆالىندە جىلدىڭ ۇزدىك رومانى دەپ تانىلدى. ونىڭ بارلىق دەرلىك كىتاپتارى ءوز ەلىندە وتكىزىلگەن ايگىلى ادەبي فەستيۆالدەردىڭ قىسقا تىزىمىندە بولعان.

ميانمادان:

ۆين تين تين

جازۋشى. مەملەكەتتىك ادەبي سىيلىقتىڭ، تاۋ پاير لەي اۋنگ زايدىڭ «اسپاننىڭ ۇستىندەگى جاڭبىر جانە باسقا دا قىسقا اڭگىمەلەر» اڭگىمەلەر جيناعى ءۇشىن ۇلتتىق ادەبي سىيلىقتىڭ يەگەرى.

مالايزيادان:

احماد كامال ابدۋللاح

اقىن، نوۆەلليست، دراماتۋرگ، ادەبي سىنشى. مالايزيانىڭ ۇلتتىق جازۋشىسى. «رازدۋمە»، «پەرەداچا دەل»، «مەديتاتسيا»، «ەرا»، «كاكتۋسى»، «ماياتنيك»، «بەلايا گاۆان» جيناقتارىنىڭ اۆتورى. مالايزيا ۇلتتىق جۇلدەسىنىڭ ءۇش دۇركىن جۇلدەگەرى. وڭتۇستىك-شىعىس ازيا، ماسترا ادەبي جۇلدەلەرىنىڭ يەگەرى.

ساللەح مۋحامماد حادجي

جازۋشى. مىناداي كورنەكتى جۇلدەلەردىڭ يەگەرى: ASEAN ادەبي سىيلىعى; وڭتۇستىك-شىعىس ازيا ادەبي سىيلىعى; ماسترا ادەبي سىيلىعى. مالايزيانىڭ حالىق جازۋشىسى.

فيليپيننەن:

پينتەرو الدرين

فيليپپيندىك اقىن. ۇلتتىق بەدەلدى ادەبي سىيلىقتاردىڭ لاۋرەاتى. Linangan sa Imahen, Retorika, at Anyo (LIRA) پوەتيكا ۇيىمىنىڭ ديرەكتورى.

الماريو ۆيردجيليو

اقىن، سىنشى جانە اۋدارماشى. Wikang Filipino (KWF) كوميسسيا توراعاسى. مادەنيەت جانە ونەر جونىندەگى ۇلتتىق كوميسسيانىڭ توراعاسى. Linangan sa Imahen, Retorika, at Anyo (LIRA) اقىندار ۇيىمىنىڭ نەگىزىن قالاۋشى.

يندونەزيادان:

كۋرنيا انتون

جازۋشى جانە اۋدارماشى. 2017 جىلى يندونەزيا وكىلى رەتىندە ۆەنتيانداعى (لاوس) ASEAN جازۋشىلار سيمپوزيۋمىنا قاتىستى. نابوكوۆتىڭ لوليتا جانە تاعى باسقا روماندارىن اۋدارعان. كىتاپتارى: «Gerimis Kenangan» «Insomnia» «Sweet Poisonous Love».

ساەروزي حابيبۋرراحمان

يندونەزيالىق جازۋشى جانە اقىن. ەسترادالىق ادەبيەتتىڭ جەتەكشى شەبەرلەرىنىڭ ءبىرى. ماراپاتتارى: Pena Award (پرەميا «پەرو»); The Most Favorite Book and Writer; IBF Award.

لاودان:

لۋانگرات سۋبانح

سۋبانح مىرزا قازىر 20-عا جۋىق ولەڭدەر مەن بالالار كىتابىنىڭ، سونىڭ ىشىندە حەۋا حاوكاردتىڭ، حونگلين پحەنمەۋانگتىڭ، سۋپحاسيت چاركانىڭ اۆتورى. ول قازىر لاو جازۋشىلار قاۋىمداستىعىنىڭ ۆيتسە-پرەزيدەنتى جانە ءومىرىنىڭ جارتىسىنان كوبىن ادەبي ىستەرگە ارناعاننان كەيىن بالالار مادەني ورتالىعىنىڭ ديرەكتورى قىزمەتىن اتقارادى.

تايلاندتان:

چۋتيما سەۆيكۋل

جازۋشى. جۋرناليست. بەلگىلى جۋرنالدار مەن جۋرنالداردا جاريالانعان بىرنەشە كىتاپتاردىڭ جانە باسقا ادەبي شىعارمالاردىڭ اۆتورى.

پيتپرەچا دجيراناند

جازۋشى، كينو پروديۋسەرى.

كامبودجادان:

ساممانگ چان

كامبودجا كورولدىگى كحمەر جازۋشىلار قاۋىمداستىعىنىڭ مۇشەسى.

پرانيت پروەنگ

كامبودجا كورولدىگى كحمەر جازۋشىلار قاۋىمداستىعىنىڭ پرەزيدەنتى.

ۆەتنامنان:

كيۋ بيچ حاۋ

جازۋشى. ۆەتنام جازۋشىلار قاۋىمداستىعىنىڭ مۇشەسى. ۆەتنام جازۋشىلار قاۋىمداستىعى حالىقارالىق قاتىناستار ءبولىمىنىڭ اتقارۋشى كومەكشىسى. ماراپاتتارى: 1992 ج. «تيان-فونگ» گازەتى مەن نگۋەن دۋ مەكتەبىنىڭ جاستارعا ارنالعان ادەبي سىيلىعى. 2007 جىلى «ادەبي گازەت» ۇيىمداستىرعان قىسقا اڭگىمەلەر بايقاۋىنداعى ەكىنشى ورىنداعى سىيلىق. كىتاپتارى: «ماحاببات جولى»، «قىزىقتى ارمان»، «ءومىردى وزگەرتۋ»، «اقىلدى ايەل».

حۋان دۋك

جازۋشى. ۆەتنام جازۋشىلار قاۋىمداستىعىنىڭ مۇشەسى. ادەبيەت سالاسىنداعى سىيلىقتارى: «جەلسىز ەسىك» رومانى ءۇشىن ۆەتنام جازۋشىلار قاۋىمداستىعىنىڭ ادەبي سىيلىعى; «تەگى جوق ادام» كىتابى ءۇشىن ىشكى ىستەر مينيسترلىگىنىڭ سىيلىعى. قورعانىس مينيسترلىگىنىڭ ەكى ادەبي سىيلىعى; ونەر جانە ادەبيەت سالاسىنداعى مەملەكەتتىك سىيلىق. «نەمەسە ەسىك»، «تەگى جوق ادام»، «ادامنىڭ ءپروفيلى»، «اۋىل بولىكتەرى»، «ءبىر اياقتى قولا ءمۇسىن» روماندارىنىڭ اۆتورى.

تاجىكستاننان:

كەلدي گۇلنازار

تاجىكستاننىڭ حالىق اقىنى. كسرو جانە تاجىكستان جازۋشىلار وداعىنىڭ مۇشەسى، تاجىكستان جۋرناليستەر وداعىنىڭ مۇشەسى، تاجىكستان رەسپۋبليكاسىنىڭ مەملەكەتتىك گيمنىنىڭ سوزدەرىنىڭ اۆتورى رەتىندە تانىمال. رۋداكي مەملەكەتتىك سىيلىعىنىڭ لاۋرەاتى. تۋرسۋنزادە سىيلىعىنىڭ يەگەرى. تاجىكستان كومسومول سىيلىعىنىڭ يەگەرى.

كوسيم نيزوم

اقىن. تاجىكستاننىڭ حالىق اقىنى. تاجىكستان جازۋشىلار وداعىنىڭ توراعاسى. ابۋابدۋللو رۋداكي اتىنداعى تاجىكستان مەملەكەتتىك سىيلىعىنىڭ لاۋرەاتى، تمد مەملەكەتارالىق «دوستاستىق جۇلدىزدارى» سىيلىعىنىڭ لاۋرەاتى، وزبەكستان رەسپۋبليكاسىنىڭ «مەحنات شۋحراتي» وردەنىنىڭ يەگەرى. ون بەس ولەڭ جيناعىنىڭ، ادەبي جانە پۋبليتسيستيكالىق ماقالالاردىڭ اۆتورى.

قىرعىزستاننان:

قالىبەكوۆ نۇرلان

اقىن جانە اۋدارماشى. قىرعىزستان ۇلتتىق جازۋشىلار وداعىنىڭ توراعاسى. م.جۇماباەۆ پەن م.ماقاتاەۆتىڭ كىتاپتارىن اۋدارعان.

رىسكۋلوۆ اكبار

اقىن. قىرعىزستان مەملەكەتتىك سىيلىعىنىڭ لاۋرەاتى، قازاقستاننىڭ مادەنيەت قايراتكەرى. «مەزگىل جەبەسى» پوەتيكالىق جيناعىنىڭ جانە «اتەكەڭنىڭ اق بولاتى» رومانىنىڭ اۆتورى.

وزبەكستاننان:

حوجيماتوۆ مينحوجيددين

اقىن، جازۋشى. وزبەكستان جازۋشىلار وداعى توراعاسىنىڭ ءبىرىنشى ورىنباسارى.

رەسەيدەن:

اناتولي كيم

جازۋشى، دراماتۋرگ، اۋدارماشى، ستسەناريست. قازاقستان رەسپۋبليكاسىنىڭ 2-دارەجەلى «قۇرمەت بەلگىسى» وردەنىنىڭ كاۆالەرى، سونىمەن قاتار الەمدىك مادەنيەتكە قوسقان ۇلەسى ءۇشىن كورەيا رەسپۋبليكاسى پرەزيدەنتىنىڭ مونگونگ التىن مەدالىمەن ماراپاتتالعان. «گولۋبوي وستروۆ»، «چەتىرە يسپوۆەدي»، «سولوۆينوە ەحو»، «نەفريتوۆىي پوياس»، «سوبيراتەلي تراۆ»، «ۆكۋس تەرنا نا راسسۆەتە»، بۋدەم كروتكيمي، كاك دەتي» كىتاپتارىنىڭ اۆتورى.

دميتري ۆودەننيكوۆ

اقىن «تەرريتوريا» فەستيۆالى اياسىندا رەسەي اقىندارىنىڭ پاتشاسى بولىپ تاعايىندالعان.

ياكۋتيادان:

ناتاليا حارلامپەۆا

ياكۋتيانىڭ حالىق اقىنى. ياكۋتيا جازۋشىلار وداعىنىڭ باسقارما توراعاسى، رەسەي جازۋشىلار وداعىنىڭ حاتشىسى، ساحا رەسپۋبليكاسى رۋحانيات اكادەمياسىنىڭ اكادەميگى (ياكۋتيا). «الاش» ادەبي سىيلىعىنىڭ لاۋرەاتى، 25 پوەزيا جانە جۋرناليستيكا كىتابىنىڭ اۆتورى.

تاتارستاننان:

دانيل ساليحوۆ

جازۋشى، دراماتۋرگ. تاتارستان رەسپۋبليكاسى جازۋشىلار وداعىنىڭ توراعاسى. تاتارستان جانە رەسەي رەسپۋبليكالارىنىڭ مادەنيەت قايراتكەرى. «وشيبكي مولودوستي»، «تاتارسكايا كنيگا»، «سلۋچاينايا وستانوۆكا»، «ماگاريف» ، «وكنا گيليازا»، سبورنيك پەس نا رۋسسكوم يازىكە، «كامەننىي سۋندۋك»، «تاتارسكايا كنيگا»، «سبورنيك پەس نا باشكيرسكوم يازىكە»، «باشكيرسكايا كنيگا» كىتاپتارىنىڭ اۆتورى.

باشقۇرتستاننان:

زاكي اليباەۆ

جازۋشى. باشقۇرتستان رەسپۋبليكاسى جازۋشىلار وداعى باسقارماسىنىڭ توراعاسى.

يەمەننەن:

الي ال مۋكري

بەلگىلى يەمەن جازۋشىسى. اراب بۋكەرىنىڭ نومينانتى.

ناديا الكوكاباني

اتاقتى يەمەندىك جازۋشى. ال-كوكاباني يەمەندە دە، ودان تىسقارى جەرلەردە دە بىرقاتار ادەبي ماراپاتتاردىڭ يەگەرى. ولاردىڭ قاتارىندا سۋاد اس-ساباح سىيلىعى، يەمەن پرەزيدەنتىنىڭ جاس جازۋشىلارعا ارنالعان سىيلىعىنىڭ جانە اراب ونەرى مەن مادەنيەتى قورىنىڭ گرانتىنىڭ يەگەرى.

كۋۆەيتتەن:

ساۋد ال سانوۋسي

اتاقتى كۋۆەيت جازۋشىسى جانە جۋرناليست. اراب بۋكەرى سىيلىعىنىڭ يەگەرى. ونىڭ ايگىلى «اينا تۇتقىنى» رومانى لەيلا وسمان سىيلىعىنا يە بولدى. ونىڭ يمميگرانتتارعا ارنالعان «بامبۋك ساباعى» اتتى رومانى اراب كوركەم ادەبيەتى حالىقارالىق سىيلىعىنا يە بولدى.

ال ەسسا بوتاينا

جازۋشى. وننان استام كىتاپتاردىڭ اۆتورى، ەكى مەملەكەتتىك سىيلىقتىڭ يەگەرى، شەيح زايد كىتاپ سىيلىعىنىڭ ۇزاق تىزىمىنە ەنگەن.

ءازىربايجاننان:

انار رزاەۆ

ءازىربايجاننىڭ حالىق جازۋشىسى، رەجيسسەر جانە ستسەناريست، قوعام قايراتكەرى. ازەربايجان ادەبيەتىن دامىتۋداعى ەرەكشە ەڭبەگى ءۇشىن گەيدار اليەۆ اتىنداعى سىيلىقتىڭ يەگەرى. ءازىربايجان رەسپۋبليكاسى پرەزيدەنتىنىڭ قۇرمەت گراموتاسىمەن ماراپاتتالعان.

حايال رزا

تانىمال ازەربايجاندىق اقىن. ازەربايجان جازۋشىلار وداعىنىڭ ءباسپاسوز قىزمەتىنىڭ جەتەكشىسى. بەس پوەتيكالىق كىتاپتىڭ اۆتورى. «جاڭا عاسىر اقىنى»، «ەڭ ۇزدىك اقىن» حالىقارالىق سىيلىقتارىنىڭ يەگەرى.

كاتاردان:

ال مالكي موزا

جازۋشى. نوبەل سىيلىعىنىڭ كانديداتى. كاتار ۋنيۆەرسيتەتىنىڭ دوتسەنتى. بىرنەشە كىتاپتىڭ اۆتورى. پارسى شىعاناعى اراب مەملەكەتتەرىنىڭ ارىپتەستىك كەڭەسىندە العاشقى ايەل كانديداتتىققا الىنعان. اقش عىلىمي دارەجەسىن العان كاتارداعى العاشقى پسيحوتەراپەۆت-دارىگەر.

وماننان:

سايد مۋحامماد ال ساكۆيلي

جازۋشى. ومان سۇلتاناتى جازۋشىلار وداعىنىڭ پرەزيدەنتى. اراب جازۋشىلار وداعى توراعاسىنىڭ ورىنباسارى.

ال زايدي حالفان حاماد

بەلگىلى وماندىق جازۋشى ءارى جۋرناليست. «Al-Watan» گازەتىنىڭ باس رەداكتورى.

بىرىككەن اراب امىرلىكتەرىنەن:

ال نۋگمان نۋرا

جازۋشى. ءباا بالالار ادەبيەتىنىڭ وكىلى. بالالار ادەبيەتى ۇلتتىق سىيلىعىنىڭ لاۋرەاتى. مارتەبەلى شەيح دجاۆاحەر بينت موحاممەد ال-كاسيمي اكىمشىلىك كەڭەسىنىڭ ديرەكتورى.

ال زاحەري ناسەر

جازۋشى. ءباا جازۋشىلار وداعىنىڭ توراعاسى.

ساۋد ارابياسىنان:

ال موحايميد يۋسۋف

جازۋشى جانە جۋرناليست. Divan al Arab سىيلىعىنىڭ جانە ەگيپەت جۋرناليستەر وداعىنىڭ اراب مادەنيەتىنە شىعارماشىلىق ۇلەسى ءۇشىن سىيلىعىنىڭ لاۋرەاتى. Pushcart سىيلىعىنىڭ يەگەرى. اراب تىلىندەگى ەڭ ۇزدىك رومان نوميناتسياسى بويىنشا ابۋ-ال-كاسيم اشاببي سىيلىعىنىڭ لاۋرەاتى. ول 2010 جىلى يان ميحالسكيدىڭ ادەبيەت سىيلىعىنا ۇمىتكەرلەردىڭ قىسقا تىزىمىندە بولدى.

احمەد ال مۋللا

اتاقتى اراب اقىنى جانە جازۋشىسى. ساۋد ارابياسىنىڭ مادەنيەت جانە ونەر قوعامىنىڭ ديرەكتورى. مادەنيەت جانە ونەر بويىنشا كەڭەسشى (ابدۋلازيز كورولىنىڭ ورتالىعى). ادەبيەت كلۋبىنىڭ اتقارۋشى ديرەكتورى جانە باسقارما مۇشەسى. پوەزيا فەستيۆالىنىڭ ديرەكتورى. اقىن مۇحاممەد التوبايت سىيلىعىنىڭ يەگەرى.

گرۋزيادان:

گوناشۆيلي ماكۆالا

جازۋشى، دراماتۋرگ، اقىن. گرۋزيا جازۋشىلار وداعىنىڭ توراعاسى. بالالارعا ارنالعان پوەزيا، دراماتۋرگيا، پوۆەستەر مەن ولەڭدەر جيناقتارىنىڭ اۆتورى. گالاكتيون تابيدزە سىيلىعىنىڭ، اننا كالاندادزە جانە يليا چاۆچاۆادزە سىيلىقتارىنىڭ يەگەرى. م.گوناشۆيليدىڭ ەڭبەكتەرى ورىس، ۋكراين، بولگار، يتاليان جانە اعىلشىن تىلدەرىنە اۋدارىلعان.

كەكەليدزە گەورگي

اتاقتى گرۋزين اقىنى، ەسسەيست، تەلەجۇرگىزۋشى. سابا سىيلىعىنىڭ لاۋرەاتى; «التىن قانات» سىيلىعىنىڭ يەگەرى; م.مۋشۆيگ اتىنداعى حالىقارالىق سىيلىقتىڭ يەگەرى.

باحرەيننەن:

ابدۋللا بۋمادان حاسان

بۇرىنعى گەنەرال حاتشى.

يوردانيادان:

بۋستاني حيشام

اتاقتى يوردانيالىق اقىن جانە جازۋشى. «سەزىمدى قابىلداۋ» كىتابى (Syracuse University Press, 2015) اركانزاس ۋنيۆەرسيتەتىنىڭ ماراپاتىن الدى. روكفەللەر قورىنىڭ سۋرەتشىلەرى مەن جازۋشىلارىنا ارنالعان بەللاگي رەزيدەنتسياسىندا تۇرۋ گرانتىنىن يەگەرى.

يراننان:

كيەساري سايد حودي

جازۋشى. يران جازۋشىلار قاۋىمداستىعىنىڭ توراعاسى. بىرقاتار بەدەلدى مەملەكەتتىك سىيلىقتارىنىڭ لاۋرەاتى. قازىرگى يران پروزاسىنىڭ كورنەكتى وكىلدەرىنىڭ ءبىرى.

احمادي دجاۆاد

جازۋشى. يران جازۋشىلار قاۋىمداستىعىنىڭ مۇشەسى. بىرقاتار بەدەلدى مەملەكەتتىك سىيلىقتارىنىڭ لاۋرەاتى. قازىرگى يران پروزاسىنىڭ كورنەكتى وكىلدەرىنىڭ ءبىرى.

تۇركيادان:

ومەروگلۋ ياكۋپ

جازۋشى. ەۋرازيا جازۋشىلار وداعىنىڭ جەتەكشىسى. ول ءار ءتۇرلى ەلدەردىڭ مادەنيەت جانە ونەر سالاسىنداعى بىرقاتار ماراپاتتارىمەن ماراپاتتالعان. ەۋروپالىق ونەر جانە ادەبيەت اكادەمياسىنىڭ مۇشەسى.

پارماكسىز مەحمەد نۋري

اقىن. ILESAM توراعاسى. تۇرىك پوەزياسى مەن مادەنيەتىنە قىزمەت ەتكەنى ءۇشىن، سونداي-اق احمەت تۋفان شەنتيۋرك سىيلىقتارىنىڭ لاۋرەاتى.

ليۆاننان:

يۋسەف مۋرتادا

جازۋشى. ادەبيەت سالاسى بويىنشا ليۆان مەملەكتتىك سىيلىعىنىڭ لاۋرەاتى.

سيريادان:

نابيل المۋلحەم

جازۋشى. بىرقاتار رومانتيكالىق شىعارمالاردىڭ اۆتورى. بەرليندە تۇرادى.

تاقىرىپقا تۇزدىق:

العاش رەت وتكىزىلگەلى وتىرعان ازيا قالامگەرلەرىنىڭ فورۋمىندا نوبەل سىيلىعىنىڭ ۇمىتكەرلەرى دە بار. ولار: موڭعوليانىڭ كورنەكتى اقىنى مەند وەو، كاتارلىق جازۋشى ال مالكي موزا جانە نوبەل سىيلىعىنىڭ بىرنەشە مارتە ۇمىتكەرى بولعان وڭتۇستىك كورەيالىق اقىن كو ىن.

ال ەكى كۇندىڭ فورۋم بارىسىندا 12 بايانداما جاسالادى دەپ كۇتىلۋدە. ولار:

تولەن ابدىك، قازاقستاندىق جازۋشى - عالامتوردىڭ ادەبيەتكە اكەلگەن جاڭالىعى مەن كەمشىلىكتەرى جانە بولاشاعى;

ياكۋپ ومەروگلۋ, تۇركيالىق جازۋشى  - ازيا قالامگەرلەرى شىعارمالارىنداعى جاھاندىق قاقتىعىس زارداپتارىنىڭ كورىنىس تابۋى;

اناتلوي كيم, رەسەيلىك جازۋشى - قارۋ مەن قالام، دامۋ مەن سەنىم;

يبراگيم ناسراللا - وتكەن عاسىرلاردا جوعالعان تىلدەر مەن ۇلتتىق ادەبيەتتەر;

يۋسەف ال موحايميد، ساۋديالىق جازۋشى - تەرروريزممەن ك.رەس جانە ونداعى ادەبيەتتىڭ ءرولى;

مۋحامماد حادجي ساللەح, مالايزيالىق جازۋشى - وڭتۇستىك-شىعىس ازيا ادەبيەتىندەگى بايانداۋ ءادىسى جانە ونىڭ ماڭىزى;

ولجاس سۇلەيمەنوۆ, قازاقستاندىق اقىن - قازىرگى ازيا قالامگەرلەرىنىڭ قوعامداعى ورنى مەن ءرولى;

انار رزاەۆ, ازىربايجاندىق جازۋشى - تۇركى حالىقتارىنىڭ ادەبي مۇراسى;

امار ميترا, ۇندىستاندىق جازۋشى - ازيا حالىقتارىنا ورتاق ميفتىك ەلەمەنتتەردىڭ زاماناۋي ادەبيەتتەگى كورىنىستەرى;

مەند وەو, نوبەل سىيلىعىنىڭ ۇمىتكەرى، موڭعوليالىق اقىن - الەم ادەبيەتىندەگى ازيا ادامىنىڭ وبرازى;

موزا ال مالكي, نوبەل سىيلىعىنىڭ ۇمىتكەرى، كاتارلىق جازۋشى - الەم ادەبيەتىندەگى ازيا ادامىنىڭ وبرازى;

كو ىن, نوبەل سىيلىعىنىڭ ۇمىتكەرى، وڭتۇستىك كورەيالىق اقىن - 21 عاسىر پوەزياسىنداعى جالعىزدىق.

Abai.kz