ەرلان قارين. تاڭبالى تاس
شىلدەنىڭ ورتاسىندا، كوپتەن كۇتكەن موڭعولياعا ساپارىمىزدىڭ ءساتى ءتۇسىپ، استانادان وسكەمەنگە جول تارتتىق. بۇل جولى ساپارىمىزعا سەبەپ بولعان - ەلىمىزدىڭ تاۋەلسىزدىگىنىڭ 20 جىلدىعىنا وراي الىستاعى قانداستارىمىزعا «نۇر وتان» پارتياسى اتىنان جىبەرىلگەن جاڭا كىتاپتار، اۋەندەردىڭ جيناعى مەن فيلمدەردى جەتكىزۋ ماسەلەلەرىن ۇيلەستىرۋ.
وسكەمەننەن بايان ولگەيگە اپتاسىنا ەكى رەت سكات اۋەكومپانياسىنىڭ ان-24 ۇشاعى قاتىنايدى. ايتەۋىر، جولىمىز بولىپ، ءۇش بيلەت قولىمىزعا ءتيدى. جۇك پەن ادامعا لىق تولى ۇشاق، اۋەگە زورعا كوتەرىلگەندەي بولسا دا، ءبىر جارىم ساعات ىشىندە التاي تاۋلارىن اسىپ، ولگەيگە جەتكىزدى.
ايماق باسشىلىعى اۋەجايدا قارسى الىپ، جۇمىس ماسەلەلەرىنىڭ ءبىرازىن سول جەردە تالقىلاپ، قالعانىن جەرگىلىكتى ءباسپاسوز ورتالىعىنىڭ جەتەكشىسى، بەلگىلى عالىم، اقىن سۇراعان راحمەتۇلىنىڭ ۇيىنە بارىپ اقىلداستىق. قىسقاسى، ەلدەن جىبەرىلگەن كىتاپتار مەن باسقا دا قۇندى دۇنيەنى ولگەيدەگى ءبىر مادەني ورتالىقتا شوعىرلاندىرماي، ايماق بويىنشا ۇلەستىرۋگە كەلىستىك.
شىلدەنىڭ ورتاسىندا، كوپتەن كۇتكەن موڭعولياعا ساپارىمىزدىڭ ءساتى ءتۇسىپ، استانادان وسكەمەنگە جول تارتتىق. بۇل جولى ساپارىمىزعا سەبەپ بولعان - ەلىمىزدىڭ تاۋەلسىزدىگىنىڭ 20 جىلدىعىنا وراي الىستاعى قانداستارىمىزعا «نۇر وتان» پارتياسى اتىنان جىبەرىلگەن جاڭا كىتاپتار، اۋەندەردىڭ جيناعى مەن فيلمدەردى جەتكىزۋ ماسەلەلەرىن ۇيلەستىرۋ.
وسكەمەننەن بايان ولگەيگە اپتاسىنا ەكى رەت سكات اۋەكومپانياسىنىڭ ان-24 ۇشاعى قاتىنايدى. ايتەۋىر، جولىمىز بولىپ، ءۇش بيلەت قولىمىزعا ءتيدى. جۇك پەن ادامعا لىق تولى ۇشاق، اۋەگە زورعا كوتەرىلگەندەي بولسا دا، ءبىر جارىم ساعات ىشىندە التاي تاۋلارىن اسىپ، ولگەيگە جەتكىزدى.
ايماق باسشىلىعى اۋەجايدا قارسى الىپ، جۇمىس ماسەلەلەرىنىڭ ءبىرازىن سول جەردە تالقىلاپ، قالعانىن جەرگىلىكتى ءباسپاسوز ورتالىعىنىڭ جەتەكشىسى، بەلگىلى عالىم، اقىن سۇراعان راحمەتۇلىنىڭ ۇيىنە بارىپ اقىلداستىق. قىسقاسى، ەلدەن جىبەرىلگەن كىتاپتار مەن باسقا دا قۇندى دۇنيەنى ولگەيدەگى ءبىر مادەني ورتالىقتا شوعىرلاندىرماي، ايماق بويىنشا ۇلەستىرۋگە كەلىستىك.
ساپارىمىزدىڭ ەكىنشى ماقساتى - ايماقتاعى بالبال تاستاردى فوتو جانە ۆيدەواپپاراتقا ءتۇسىرۋ. ۋاقىت ازدىعىنان جولعا ءتۇنى بويى ءجۇرىپ وتىرساق تا كەشكە شىعاتىن بولدىق، سەبەبى بالبالداردىڭ بارلىعى شىعىسقا قاراي ورنالاسقان، سوندىقتان فوتوعا تۇسىرۋگە ەڭ ىڭعايلى ۋاقىت تاڭعى ساعات 4 پەن 9-دىڭ اراسى.
جولدا ۇلاڭقۇس - قازاقشا قىزىقايىن ەلدى مەكەنىنە كىرىپ، كولىگىمىزگە جانارماي قۇيىپ الدىق.
جول بويى، ءبىزدى ەرتىپ كەلە جاتقان جاناربەك اقىبيۇلى جەرگىلىكتى جەرگە قاتىستى ءتۇرلى اڭىز-اڭگىمەلەرمەن، قىزىقتى حيكايالاردى ايتىپ، ديكتوفونىمىز تىنىمسىز 5-6 ساعات جازىپ كەلدى. سونىڭ ارقاسىندا جولدىڭ اۋىرلىعىن دا، ءتۇرلى قاۋىپتى كەدەرگىلەردى دە سەزبەي، تۇنگى 3-تە جەبەت قايىرقان دەگەن جەرگە جەتتىك. الدىن الا جيناعان دەرەككە سايكەس بۇل جەردە ءۇش بالبال تاس بار كورىنەدى.
تاڭعى 5-تە جاناربەك ەكۋىمىز تۇرىپ الىپ، اققول وزەنىن كەشىپ، الگى تاستاردى سۋرەتكە تۇسىرە باستادىق.
بالبالدار نەگىزى جاقسى ساقتالعان ەكەن. ماڭايدا اۋىل دا، جايىلعان مال دا كورىنبەيدى، مۇمكىن سونىڭ ارقاسىندا دا شىعار.
ال مىنا تاس - ءتىپتى وزگەشە كورىندى. ەڭ الدىمەن، وڭىمەن. باسقا بالبالدارعا قاراعاندا قاراتاستان جاسالعان ەكەن.
مىنا سۋرەتتى فەيسبۋككە ىلگەنىمدە، استىنا بىلاي دەپ جازدىم: كوكتۇرىكتىڭ قاسىنداعى كوكبورى. جاناربەك بەلگىلى بلوگشى، لاقاپ اتى - كوكبورى.
تاستاردى ءتۇسىرىپ بولىپ، ەندى جينالىپ جاتقان ساتتە جاناربەك قارسى تاۋدىڭ ەتەگىندەگى تاستاعى سۋرەتتەردى قاراپ قايتايىق دەگەن ۇسىنىس جاسادى. ءسويتىپ، "مىنە عانا تۇر" دەگەن جەرىنە 7 شاقىرىمداي جاياۋ ورمەلەدىك. بىراق، ەسەسىنە شىنىمەن دە تاڭقالدىراتىنداي تاستاعى ەجەلگى سۋرەتشىلەردىڭ گاللەرەياسىنا كەزىكتىك.
مىسالى، مىنا ءبىر جارىم مەتردەي تاستاعى الىپ سۋرەت.
نەمەسە قوداستىڭ سۋرەتى.
ايبالتا ۇستاعان جاۋىنگەر
اتتاردىڭ اسەمدەلگەنى دە اڭعارتتى ءبىزدى.
جاناربەك ەكەۋىمىز تاستاعى سۋرەتتەردى سارتىلداتا كەلىپ تۇسىرە باستادىق.
مىنا بۇعىنىڭ سۋرەتى ەرەكشە ادەمى بولعانى ءبىر بولەك، ەكىنشى جاعىنان مازمۇنى دا كۇردەلى - الدىندا شاۋىپ بارا جاتقان يا يت، يا قاسقىر، جانە ساداق تارتىپ، كوزدەپ تۇرعان اڭشىنىڭ بەينەسى.
ءوز باسىم، مەنى ەرەكشە تاڭقالدىرعان سۋرەت - بۇل بارىستىڭ سۋرەتى.
بارىستىڭ تاۋەشكىلەرمەن بىرگە تاعى ءبىر سۋرەتى.
ءشيبورى
جەبەت قايىرحان تەڭىز دەڭگەيىنەن 3600 مەتر جوعارى ورنالاسقان. بۇل جەردە ءتورت مەملەكەتتىڭ شەكاراسى قيىلىسادى - موڭعوليا، قازاقستان، قىتاي جانە رەسەي.
تاستاعى سۋرەتتەردى تاماشالاپ ءجۇرىپ، ۋاقىتتىڭ دا تەز وتكەنىن بايقاماي قالىپپىز. لاگەرگە قايتىپ كەلىپ، بۇلاقتاعى سۋمەن ءشايدى قايناتىپ الىپ، تاڭعى اسىمىزدى ءىشىپ، قايتا جولعا شىقتىق.
تاۋدىڭ اراسىندا سپۋتنيك بايلانىسىنىڭ ءوزى دە دۇرىس ۇستامايدى. ەركىن سايلاۋۇلى سپۋتنيك تەلەفونىنىڭ انتەنناسىن ءۇندى مۇحيتىنىڭ باعىتىن اۋلاپ بايلانىس قۇرماقشى.
كۇندىز ءجۇرىسىمىز جىلدام - ەكى ساعاتتىڭ ىشىندە قارا جاماتى دەگەن جەردەگى بالبالعا دا جەتتىك.
مەنىڭ ماقساتىم - تالتۇسكە دەيىن فوتواپپاراتقا ءتۇسىرىپ ۇلگەرۋ.
بۇل تاستىڭ ەرەكشەلىگى - بالبالدىڭ ۇستىندەگى سۋرەتتەر
بىراق قايقايعان مۇرتى مەن ساقالىنىڭ ءوزى دە ەرەكشە
ەكسپەديتسيا مۇشەلەرى
قارا جاماتىدان بىردەن ولگەيگە قايتىپ ورالدىق. ايماق باسشىلىعىمەن كەزدەسۋدەن باسقا سارسەن امانجولوۆ اتىنداعى شىعىس قازاقستان ۋنيۆەرسيتەتىنىڭ بايان ولگەيدەگى فيليالىنىڭ قىزمەتكەرلەرىمەن كەزدەسۋ، جەرگىلىكتى راديوعا سۇحبات بەرۋ جوسپارلانعان بولاتىن.
ولگەيدە ءار كەلگەن سايىن سۇرەكە اۋلاسىنا كيىز ءۇي تىگىپ قارسى الادى، بۇل جولى دا سول ۇيدە جاتتىق. بۇرىن كەلگەندە اڭعارماي، تەك وسى رەتتە عانا ىلىنگەن تۇسكيىزدەرگە كوزىم ءتۇستى.
سۇراستىرساق، ونىڭ بارلىعىن جەڭگەمىز راۋشان بازارحانقىزى ءوز قولىمەن جاساعان ەكەن.
قايتار كۇنى سۇرەكەڭ ءبىر اڭشىنىڭ ۇيىنە اپارماق بولىپ ەدى، بىراق اقساقالدى كەزىكتىرە المادىق. جازىداعى سۋرەت ەرىكسىز وزىنە نازار اۋدارتتى.
اۋلادا - ۇيشىكتە قاسقىردىڭ بولتىرىگى، جانىندا بۇركىت.
ۇلكەيگەسىن، قاسقىردى اتىپ تەرىسىن الادى نەمەسە بۇركىتشىلەر جارىسى كەزىندە بۇركىتىن سالادى.
قاسىمىزداعى ءانۋار اقىن بىردەن - "اجالى مەن جەمى قاتار جاتىر ەكەن" دەپ ديكتوفونىنا داۋىستاپ ەرتەڭگى جول كۇندەلىگىنە ءتۇرتىپ قويدى.
سوندىقتان، بۇل شاعىن فوتورەپورتاج بيىلعى موڭعولياعا ساپارىمىزدىڭ تەك شاعىن سۋرەتتەمەسى عانا، اماندىق بولسا، تولىق نۇسقاسىن جۋىردا ءبىر باسىلىمداردا جاريالايمىز.
