جۇما, 20 قىركۇيەك 2019
46 - ءسوز 1026 33 پىكىر 10 قىركۇيەك, 2019 ساعات 11:38

ازيا جازۋشىلارى فورۋمى نە بەردى؟

1) 46 جىل بۇرىن ءالىمجانوۆتىڭ ۇيىمداستىرۋىمەن وتكەن ازيا-افريكا قالامگەرلەرىنىڭ فورۋمى ءالى كۇنگە اۋىزدان تۇسپەي كەلەدى. 1991 جىلدان بەرى قازاق جازۋشىلارى ەشكىممەن كەزدەسىپ، جۇزدەسكەن جوق! ازيا ادەبيەتىندە نە بولىپ جاتىر دەپ باس قاتىرعان ەمەس. بۇل فورۋم قازاق قالامگەرلەرىنە ۇلكەن مۇمكىندىك بەردى. قازاق قالامگەرلەرى جو باسشىلىعىنا وسى مۇمكىندىكتى بەرگەنىنە راحمەت ايتۋلارى كەرەك، ەگەر ول مۇمكىندىكتى پايدالانا الماسا، ءوزىنىڭ سورى! اقشاسىن ەسەپتەپ، ايتەۋىر كۇيە جاعىپ قالۋ. سول باياعى، كورەالماۋشىلىق، ىشتارلىق!

2) فورۋم اياسىندا ونداعان ەلدەردىڭ جازۋشىلار وداعىمەن ەكىجاقتى ىنتىماقتاستىق تۋرالى مەموراندۋمدارعا قول قويىلدى. وسى مەموراندۋمدار نەگىزىندە ءبىراز جۇمىس (اسىرەسە، اۋدارما سالاسىندا) اتقارىلاتىن بولادى.

3) قازاق قالامگەرلەرىن ازيا مەملەكەتتەرىنە تانىستىردى. ءوز كەزەگىندە ازيانىڭ تۇكپىر-تۇكپىرىنەن كەلگەن جازۋشىلار تەك قازاق قالامگەرلەرىمەن ەمەس، ءبىر-بىرىمەن تانىسىپ، پىكىر الماستى.

4) ازيا قالامگەرلەرىنىڭ ءبىرازى قازاقستانعا العاش كەلدى، ولاردىڭ قازاق ەلىنەن، ونىڭ ادەبيەتى، مادەنيەتى مەن ونەرىنەن ۇلكەەەەەن اسەر الىپ قايتقانىنا كۋا بولدىق.

5) قازاقتىڭ جاس اقىن-جازۋشىلارى ۇلكەن تاجىريبەدەن ءوتتى.

6) فورۋم باستان-اياق تەك قازاق تىلىندە ءوتتى، قازاق تىلىندە حالىقارالىق شارا ۇيىمداستىرۋعا بولاتىنىن دالەلدەپ بەردى. قازاقتىلدى اۋدارماشىلار مۇنداي حالىقارالىق شارالاردىڭ ەسىگىنەن سىعالاپ قايتۋشى ەدىك، بۇرىندارى.
ەسكە تۇسكەندەرى وسى، قالعانىن كەيىن جازامىن.

جانىبەك كوپجاساردىڭ facebook پاراقشاسىنان

Abai.kz

33 پىكىر