بەيسەنبى, 28 ناۋرىز 2024
ايماق 4721 0 پىكىر 16 قىركۇيەك, 2019 ساعات 14:17

قىزىلوردا وبلىسىندا جىلۋ ءتاريفى كوتەرىلمەيدى

قىزىلوردا وبلىسىندا جىلۋ بەرۋ ماۋسىمىنا دايىندىق شارالارى قارقىندى جۇرگىزىلۋدە. سالا ماماندارى ارنايى نىساندارداعى جوندەۋ جۇمىسى اياقتالۋعا جاقىن ەكەندەگىن جەتكىزدى، - دەپ حابارلايدى اباي-اقپارات.

قازىرگى كۇنى ايماقتاعى كوممۋنالدىق كاسىپورىندار مەن الەۋمەتتىك نىسانداردا جىلۋ ماۋسىمىنا دايىندىق جۇمىستارى جوسپارعا سايكەس اتقارىلۋدا.

– ونىڭ ىشىندە «قىزىلوردا جىلۋ ەلەكتر ورتالىعىندا» – 99, قىزىلوردا ەلەكتر تاراتۋ توراپتارى كومپانياسىندا – 95, «قىزىلوردا سۋ جۇيەسى» مەكەمەسىندە 100 پروتسەنتكە ورىندالدى، - دەپ اتاپ ءوتتى وبلىس اكىمىنىڭ ورىنباسارى مارات دەلمۇحانوۆ.

ال وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىعى باسقارماسىنىڭ باسشىسى مەدەت ۋساين:

– قىزىلوردا قالاسى، بەلكول كەنتىندەگى كازاندىقتى تابيعي گازعا اۋىستىرۋ ماقساتىندا 183 ملن تەڭگە ءبولىنىپ، قۇرىلىس-مونتاج جۇمىستارى جۇرۋدە، - دەپ اتاپ ءوتتى.

قىزىلوردا وبلىسىنداعى الەۋمەتتىك نىساندارىنا 37 مىڭ توننا كومىر، 22 مىڭ توننا ديزەل وتىنى قاجەت. قازىرگى كۇنى بەلگىلەنگەن مەكەمەلەر جەتكىزىپ بەرۋ جۇمىستارى جۇرۋدە.

باسقارما باسشىسى ءوز سوزىندە:

– قويمادا قاجەتتى كومىردىڭ ازىرگە – 92, سۇيىق وتىننىڭ 90 پروتسەنتى بار. وبلىستاعى 31 قابىلداۋ پۋنكتىندە كومىر 13-16 مىڭ تەڭگە ارالىعىندا ساۋدالانىپ جاتىر. شۇباركول كومىرى – 14900 تەڭگە، قاراجىرا كومىرى – 15625 تەڭگە، مايكوبەن كومىرى – 16000 تەڭگە، بوگاتىر، جالىن كومىرى 13125 تەڭگەدەن ساتىلۋدا. الايدا، حالىق ونى ساتىپ الۋعا اسىعار ەمەس. جىلداعى ادەتپەن كۇن سۋىعان كەزدە عانا قيمىلداعان جاعدايدا كەزەك كوبەيىپ، قيىندىق تۋىنداۋى مۇمكىن. سوندىقتان قىستىڭ قامىنا وسى باستان كىرىسكەن ءجون، - دەدى.

ال تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتىنىڭ قىزىلوردا وبلىسى بويىنشا دەپارتامەنتىنىڭ باسشىسى گۇلميرا وتەگەنوۆا قىزىلوردا وبلىسىندا جىلۋ باعاسى جىل اياعىنا دەيىن وزگەرمەيتىنىن حابارلادى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3511