ءبىزدىڭ ەڭبەك ۇجىمىنىڭ ءبىر توپ جۇمىسكەرلەرىنىڭ ەكى ايدان استام ۋاقىتتان بەرى زاڭسىز ەرەۋىلگە شىعىپ وتىرعانى سىزدەرگە بەلگىلى. ەرەۋىل بولعان ۋاقىت ىشىندە «قازمۇنايگاز» بارلاۋ ءوندىرۋ كومپانياسى» 519 مىڭ توننا مۇناي ءونىمىن جوعالتسا، مەملەكەت قازىناسى تۇسەتىن  23 ميلليارد تەڭگەلەي  سالىعىنان ايىرىلدى، ەڭ باستىسى سىزدەردىڭ وتباستارىڭىز ەكى ايدان بەرى جالاقىسىز قالدى.

جۇمىس بەرۋشى مەن  جەرگىلىكتى بيلىك ورگاندارى تاراپىنان وسى داۋعا قاتىستى جاعدايدى رەتتەۋ ءۇشىن بارلىق شارالار قاراستىرىلدى. مەملەكەتتىك ورگاندار مەن جۇمىس بەرۋشىنىڭ جانە قوعامدىق ۇيىمدار وكىلدەرى اۋىل - اۋىلدى ارالاپ،  اكتسياعا قاتىسقان جۇمىسكەرلەر جانە ولاردىڭ وتباسىلارىمەن ءتۇسىندىرۋ جۇمىستارىن جۇرگىزگەن بولاتىن. وسىنداي جۇمىستار ناتيجەسىندە، ەرەۋىلگە شىققان جۇمىسكەرلەردىڭ ءبىر بولىگى، وزدەرىنىڭ ىستەرى مەن  تالاپتارىنىڭ  زاڭسىزدىعىن ءتۇسىنىپ، جۇمىستارىنا شىقتى. دەگەنمەن جۇمىسكەرلەردىڭ بەلگىلى ءبىر بولىگى وزدەرىنىڭ ۇجىمداستارىن جولدارىنان جاڭىلدىرىپ، الدەنەدەن ۇمىتتەنگەن كۇيىندە  زاڭسىز ەرەۋىلگە قاتىسۋدا. بۇدان ءارى وسىلاي بولا بەرمەيدى، مەن، جۇمىس بەرۋشى رەتىندە، سىزدەردىڭ تالاپتارىڭىز زاڭسىز بولعاندىقتان ورىندالمايتىنىن مالىمدەيمىن. بۇل  سوزىم  سوت، مەملەكەت جانە قۇقىق قورعاۋ ورگاندارىنىڭ شەشىمدەرىنىڭ  نەگىزىندە. سوندىقتان دا، زاڭسىز نارازىلىق ءبىلدىرۋ اكتسياسىنا قاتىسىپ وتىرعان بارلىق جۇمىستان شىعارىلماعان جۇمىسكەرلەر وزدەرىنىڭ جۇمىس ورىندارىنا قايتۋى ءتيىس.

ءبىزدىڭ ەڭبەك ۇجىمىنىڭ ءبىر توپ جۇمىسكەرلەرىنىڭ ەكى ايدان استام ۋاقىتتان بەرى زاڭسىز ەرەۋىلگە شىعىپ وتىرعانى سىزدەرگە بەلگىلى. ەرەۋىل بولعان ۋاقىت ىشىندە «قازمۇنايگاز» بارلاۋ ءوندىرۋ كومپانياسى» 519 مىڭ توننا مۇناي ءونىمىن جوعالتسا، مەملەكەت قازىناسى تۇسەتىن  23 ميلليارد تەڭگەلەي  سالىعىنان ايىرىلدى، ەڭ باستىسى سىزدەردىڭ وتباستارىڭىز ەكى ايدان بەرى جالاقىسىز قالدى.

جۇمىس بەرۋشى مەن  جەرگىلىكتى بيلىك ورگاندارى تاراپىنان وسى داۋعا قاتىستى جاعدايدى رەتتەۋ ءۇشىن بارلىق شارالار قاراستىرىلدى. مەملەكەتتىك ورگاندار مەن جۇمىس بەرۋشىنىڭ جانە قوعامدىق ۇيىمدار وكىلدەرى اۋىل - اۋىلدى ارالاپ،  اكتسياعا قاتىسقان جۇمىسكەرلەر جانە ولاردىڭ وتباسىلارىمەن ءتۇسىندىرۋ جۇمىستارىن جۇرگىزگەن بولاتىن. وسىنداي جۇمىستار ناتيجەسىندە، ەرەۋىلگە شىققان جۇمىسكەرلەردىڭ ءبىر بولىگى، وزدەرىنىڭ ىستەرى مەن  تالاپتارىنىڭ  زاڭسىزدىعىن ءتۇسىنىپ، جۇمىستارىنا شىقتى. دەگەنمەن جۇمىسكەرلەردىڭ بەلگىلى ءبىر بولىگى وزدەرىنىڭ ۇجىمداستارىن جولدارىنان جاڭىلدىرىپ، الدەنەدەن ۇمىتتەنگەن كۇيىندە  زاڭسىز ەرەۋىلگە قاتىسۋدا. بۇدان ءارى وسىلاي بولا بەرمەيدى، مەن، جۇمىس بەرۋشى رەتىندە، سىزدەردىڭ تالاپتارىڭىز زاڭسىز بولعاندىقتان ورىندالمايتىنىن مالىمدەيمىن. بۇل  سوزىم  سوت، مەملەكەت جانە قۇقىق قورعاۋ ورگاندارىنىڭ شەشىمدەرىنىڭ  نەگىزىندە. سوندىقتان دا، زاڭسىز نارازىلىق ءبىلدىرۋ اكتسياسىنا قاتىسىپ وتىرعان بارلىق جۇمىستان شىعارىلماعان جۇمىسكەرلەر وزدەرىنىڭ جۇمىس ورىندارىنا قايتۋى ءتيىس.

بولماسا، جۇمىس بەرۋشىگە  قر ەڭبەك كودەكسىنە سايكەس جۇمىسقا شىقپاي جۇرگەن جۇمىسكەرلەردى جۇمىستان بوساتىپ، جاڭادان ماماندار  قابىلداۋىنان  وزگە جول قالمايدى. قازىرگى تاڭدا، «قاراجانباسمۇناي» اكتسيونەرلىك قوعامى مەن «وزەنمۇنايگاز» وندىرىستىك فيليالىنىڭ كادر بولىمىدەرىندە 3 مىڭنان استام جۇمىسقا كىرۋگە تالاپتانعان جەرگىلىكتى مۇنايشىلاردىڭ  ارىزدارى  جاتىر.

ال جۇمىستان بوساتىلعان جۇمىسكەرلەردى جۇمىسقا ورنالاستىرۋمەن وبلىس اكىمىنىڭ ءبىرىنشى ورىنباسارى توراعالىعىمەن جۇمىس جاساپ وتىرعان بىرلەسكەن  جۇمىس توبى اينالىسادى.

قاسيەتتى رامازان ايىندا ءالى جۇمىستان شىعارىلماعانداردى ءوز جۇمىس ورىندارىنا ورالۋعا، ءوز  ەڭبەك  ۇجىمدارىنا، ءوز جولداستارىنا قايتىپ بارۋعا تاعى دا قايتالاپ شاقىرامىن! ءبىز سىزدەردى كۇتىپ وتىرمىز!

نە ىستەسەك تە، ءبىز ءاردايىم حالقىمىزدىڭ، تاۋەلسىز قازاقستاننىڭ جوعارى مۇددەلەرىن ويلاۋىمىز كەرەك. ءوز الدىمىزداعى، ءوز جاقىندارىمىز بەن ءوز ەلىمىز الدىنداعى جاۋاپكەرشىلىگىمىزدى ۇمىتپاۋعا ءتيىسپىز. ءوز ەلىمىزدىڭ زاڭدارىن قۇرمەتتەۋگە جانە وزگە دە ادامداردىڭ قۇقىقتارىمەن ساناسۋعا مىندەتتىمىز.

ءبىز ءاردايىم زاڭ شەڭبەرىندە عانا جۇمىس ىستەيتىن بولامىز!   ودان باسقا جول جوق.

قازمۇنايگاز بارلاۋ ءوندىرۋ اق-ى باس ديرەكتورى اسقار بالجانوۆ