جاسى  قىرىقتىڭ بەل ورتاسىنان اسسا دا ءبىزدىڭ جايباسار مىلجىڭباەۆيچ  باياعى سول قالپى. وتىرىك ايتۋدى، ەكى جۇزدىلىكتى، الداپ سوعىپ شاڭ قاپتىرۋدى، جوعارىعا جاعىمپازدانىپ، تومەندەگىلەرگە قوقيلانۋدى كوبەيتپەسە، ازايتقان جوق. «قارىن العا كەتكەندە، دارىنعا ورىن قالمايدى» دەپ ءبىر اقىن ايتسا، ايتقانداي. ول جاعى ەندى بارشىلىق. بىراق، سوڭعى كەزدە ونىڭ وتىرىگى ورگە باسپاي ءجۇر.

ونىڭ ءوزىنىڭ ماعان مەملەكەتتىك تىلدە ايتىپ، مۇڭ شاعۋىنا قاراعاندا، جالپى بۇرىننان جولى اۋىر بەيباق كورىنەدى. سولاي بولسا بولار-اۋ! ول ءبىر عانا كانديداتتىق ديسسەرتاتسياسىنىڭ ءوزىن باقانداي بەس رەت جازىپ ءجۇرىپ، ءولدىم-تالدىم دەگەندە ارەڭ عىلىمعا تىرناعىن ىلىكتىرگەن كورىنەدى. ونىڭ ءوزى ءبىر تەلەگەي تەڭىز تاريح.

اسپيرانتۋرا بىتىرگەن جاس جايباسار ديسسەرتاتسياسىن جازىپ ءبىتىرىپ، ەندى قورعايىن دەي بەرگەندە، كۇتپەگەن جەردەن قايتا قۇرۋ باستالىپ كەتىپ، ونىسى ىسكە العىسىز بولىپ قالادى. كەڭەس وداعىنىڭ جاڭا باس حاتشىسىنىڭ سوزدەرىنەن سىلتەمە جاساپ، ديسسەرتاتسياسىن جاماپ-جاسقاپ عىلىمي كەڭەسكە بارا جاتقاندا «حالىق جاۋلارى» تۇگەلدەي اقتالىپ كەتەدى دە، تاعى دا جول ورتادان قايتادى. امالسىزدان ءۇشىنشى رەت قايتا جازۋعا تۋرا كەلەدى.

«جازعان قۇلدا جازىق جوق» - دەگەندەي عىلىمي كەڭەستىڭ ەسىگىن ەندى اشا بەرگەندە، جەتپىس جىلدان استام مىزعىماي تۇرعان كەڭەس وداعى جالپ ەتە تۇسەدى دە، ۇستەمدىك قۇرعان كومپارتيا تاراپ كەتەدى.

جاسى  قىرىقتىڭ بەل ورتاسىنان اسسا دا ءبىزدىڭ جايباسار مىلجىڭباەۆيچ  باياعى سول قالپى. وتىرىك ايتۋدى، ەكى جۇزدىلىكتى، الداپ سوعىپ شاڭ قاپتىرۋدى، جوعارىعا جاعىمپازدانىپ، تومەندەگىلەرگە قوقيلانۋدى كوبەيتپەسە، ازايتقان جوق. «قارىن العا كەتكەندە، دارىنعا ورىن قالمايدى» دەپ ءبىر اقىن ايتسا، ايتقانداي. ول جاعى ەندى بارشىلىق. بىراق، سوڭعى كەزدە ونىڭ وتىرىگى ورگە باسپاي ءجۇر.

ونىڭ ءوزىنىڭ ماعان مەملەكەتتىك تىلدە ايتىپ، مۇڭ شاعۋىنا قاراعاندا، جالپى بۇرىننان جولى اۋىر بەيباق كورىنەدى. سولاي بولسا بولار-اۋ! ول ءبىر عانا كانديداتتىق ديسسەرتاتسياسىنىڭ ءوزىن باقانداي بەس رەت جازىپ ءجۇرىپ، ءولدىم-تالدىم دەگەندە ارەڭ عىلىمعا تىرناعىن ىلىكتىرگەن كورىنەدى. ونىڭ ءوزى ءبىر تەلەگەي تەڭىز تاريح.

اسپيرانتۋرا بىتىرگەن جاس جايباسار ديسسەرتاتسياسىن جازىپ ءبىتىرىپ، ەندى قورعايىن دەي بەرگەندە، كۇتپەگەن جەردەن قايتا قۇرۋ باستالىپ كەتىپ، ونىسى ىسكە العىسىز بولىپ قالادى. كەڭەس وداعىنىڭ جاڭا باس حاتشىسىنىڭ سوزدەرىنەن سىلتەمە جاساپ، ديسسەرتاتسياسىن جاماپ-جاسقاپ عىلىمي كەڭەسكە بارا جاتقاندا «حالىق جاۋلارى» تۇگەلدەي اقتالىپ كەتەدى دە، تاعى دا جول ورتادان قايتادى. امالسىزدان ءۇشىنشى رەت قايتا جازۋعا تۋرا كەلەدى.

«جازعان قۇلدا جازىق جوق» - دەگەندەي عىلىمي كەڭەستىڭ ەسىگىن ەندى اشا بەرگەندە، جەتپىس جىلدان استام مىزعىماي تۇرعان كەڭەس وداعى جالپ ەتە تۇسەدى دە، ۇستەمدىك قۇرعان كومپارتيا تاراپ كەتەدى.

ۇيىنە كەلىپ، قىزىل بيلەتتى ساندىقتىڭ تۇبىنە سۇڭگىتىپ جىبەرەدى دە، قايتادان جازۋعا كىرىسەدى. بۇل جولى ونشا قينالمايدى. بۇرىن ماقتاعاندارىن داتتاپ، تامسانعاندارىن بوقتاپ، باسىن اياعىنا، اياعىن باسىنا شىعارىپ الىپ بارادى. ەندى مىنبەرگە شىعىپ ءسوز الا بەرگەندە  ەلىمىز عاسىرلار بويى كۇتكەن تاۋەلسىزدىگىن جاريالاپ كەپ جىبەرەدى. مىنبەردەن تۇسە تۇرۋعا تۋرا كەلەدى دە، جايباسار سالى سۋعا كەتىپ، تاعى دا كەرى قايتادى.

سونىمەن جۇلما-جۇلما ديسسەرتاتسياسىن بەسىنشى رەت قايتادان قويىرتپاقتاپ، كەيبىر ءسوز تاپپاعان جەرلەرىن «ەگىلە كۇتكەن ەگەمەندىگىمىز جاساسىن!»، «ءتاي-ءتاي باسقان تاۋەلسىزدىگىمىز ءتىفا-ءتىفا!»، «ا، قۇداي، الاش، الاش!»، «ولگەنىمىز ءتىرىلدى، ءتاۋبا، ءتاۋبا!» دەگەن كيەلى سوزدەرمەن كومكەرىپ الىپ بارادى. تاۋەلسىزدىكتىڭ بۋىنا ماس بولعان، جۇرەكتەرى جارىلا قۋانىپ وتىرعان عىلىمي كەڭەستەگى پاتريوت شالدار بۇل جولى وعان عىلىم كانديداتى اتاعىن قيناماي-اق، كورىمدىك ەتىپ ۇسىنا سالادى.

وسى اتاقتىڭ بۋىمەن جايباسار مىلجىڭباەۆيچ  بەس-التى جىل «بۋرا بولىپ»  بەلدى دە بەلگىلى ۋنيۆەرسيتەتتە ويقاستادى. ءوزى قاتارلاس جىگىتتەردىڭ دوكتور بولىپ جاتقانىن كورگەن سوڭ وعان دا ەس كىردى. سالىپ ۇرىپ عىلىمي جەتەكشىسى اقكوڭىل شەشەنوۆقا بارىپ ەدى، ول دا قۇپتاي جونەلدى.

اق قاعازدى دايارلاپ، قارا قالامدى سيالاپ ەندى ءىستى باستاماق بولىپ جۇرگەندە، توسىننان كۇتپەگەن وقيعا بولدى. ءبىر كۇنى جايباسار مىلجىڭباەۆيچ  ورتالىق ساياباقتا باياۋ عانا شاڭداتىپ كەلە جاتادى. سول ساتتە قارسى  الدىنان ءيتىن جەتەكتەپ جاكەڭ ۇشىراسا قالادى. ول الگى ءبىزدىڭ بيىك مارتەبەلى ءارى قاھارلى ۇلكەن باستىعىمىز عوي. (وتستاۆكادان ساقتاسىن) جايباسار مىلجىڭباەۆيچتىڭ  جانى قالماي جىلپىلداپ سالەم بەرەدى. وندا تۇرعان تۇك تە جوق. ونى كورگەندە ءبارىمىز دە ەستەن تانىپ، جورعالاپ كەتە جازدايمىز. ال، ونىڭ ارتىق كەتكەن ءبىر جەرى بار. ول بەيشارا جاكەڭنىڭ حالىن سۇراپ قانا جونىنە كەتپەگەن عوي. گاپ وسىندا!  جايباسار مىلجىڭباەۆيچ  يتكە دە سالەم بەرگەن. ۇيرەنگەن قۋ بولسا كەرەك، الدىڭعى اياعىن ۇسىنىپ، سالەمىن ادامشا العان. سونىمەن-اق، كەتە بەرەتىن ادام عوي.

بىراق، ول جاكەڭنىڭ وزىنە جاعىمپازدانعانى از بولعانداي، تايىنشاداي توبەتتىڭ دە كوڭىلىن اۋلاماق بولعان. ءيتتى سىلاپ-سيپايدى، تامسانىپ تۇرىپ ماقتايدى. ونىمەن قويماي ازۋ تىسىنە دەيىن ءسۇيسىنىپ، سيپاپ كورمەككە ارەكەتتەنگەندە الگى ماقۇلىق جايباسار مىلجىڭباەۆيچتىڭ  وڭ قولىنىڭ باسبارماعىن شايناپ تۇرىپ جۇلىپ العان. جارامساقتىقتى سەزىنۋ، ونى باعالاي ءبىلۋ تەك ادامعا عانا ءتان بولسا كەرەك. ال، يتتە ونداي سەزىمنىڭ جوق ەكەندىگىن  وسىدان-اق  كورۋگە بولادى.

باسبارماق كەتتى، «باستان قۇلاق ساداعا!». بىزگە دە اسا اۋىر بولا قويعان جوق. بۇرىن ءبولىمدى وڭ قولمەن باسقارسا ەندى بيلىك سول قولعا كوشتى. بارىنەن دە ونىڭ «دوكتورسكيىنە» وبال بولدى. سولاقاي جازىلعان دۇنيەدە قانداي ءمان بولسىن. كوشىرگەننىڭ ءوزىن اينادان وقىماسا، جاي قاراپ ءتۇسىنۋ قيىن عوي. ونىڭ سىرتىندا عىلىمي كەڭەستەگى شالدار دا ءبىر كەزدەگىدەي ەمەس، ىستىق-سۋىقتارى باسىلعان. قايسى ءبىرى اكادەميانىڭ تاراعانىنا رەنجۋلى. شاشىن اعارتپاي-اق دوكتور بولاتىندارعا قاندارى قارايىپ كەتكەن بە، كىم ءبىلسىن؟ ايتەۋىر، ءبىزدىڭ جايباسار مىلجىڭباەۆيچتىڭ  ديسسەرتاتسياسىن قىزىل پىشاقپەن تىلگىلەپ-تىلگىلەپ، كەرى قاراي لاقتىرا سالىپتى.

ءبىز دە باستىعىمىزدى قۇتقارۋ ءۇشىن «بريگادالىق» تاسىلگە كوشتىك. جايباسار مىلجىڭباەۆيچتىڭ  ديسسەرتاتسياسىن ونشاقتى ادام بىرىگىپ، بەت-بەتىمەن ءبولىپ الىپ، جازۋعا قىزۋ كىرىسىپ كەتتىك. نەگىزىنەن جازۋ دا  ەمەس-اۋ، باسۋ.  ارقايسىمىز باسقانىمىزدى الىپ كەلەمىز دە حاتشى سۆەتاعا وتكىزەمىز. ول ءبارىنىڭ باسىن قوسىپ «مونتاجدايدى» دا پاپكىگە سالادى. ال، ونى قاراۋعا مىلجىڭباەۆيچتىڭ  مۇرشاسى دا جوق. بايعۇس مۇرنىنا سۋ جەتپەي قايتا قورعاۋعا ازىرلەنىپ، جىلۋ جيناپ ءجۇر. اللا بۇيىرىتسا،  ديسسەرتاتسيالىق كەڭەستەردىڭ جابىلعانىنا دا قاراماستان وسى جىلدىڭ اياعىنا قاراي جاكەڭدى قورعاتىپ قالارمىز.