جۇما, 6 جەلتوقسان 2019
813 1 پىكىر 15 قازان, 2019 ساعات 16:57

Cوت باعلان مايلىباەۆتى ۋاقىتىنان بۇرىن بوساتقان جوق

مەملەكەتتىك قۇپيالاردى زاڭسىز جاريا ەتتى دەپ ايىپتالىپ، سوتتالعان باعلان مايلىباەۆتى سوت ۋاقىتىنان بۇرىن بوساتقان جوق.

وسىعان دەيىن باعلان مايلىباەۆتىڭ وزىنە كەسىلگەن "ابىقتىدا قاماۋ" جازاسىن "شارتتى جازاعا" وزگەرتۋ تۋرالى ءوتىنىش بەرگەنى اقپاراتتا ايتىلعان.

سوت مايلىباەۆتىڭ "قىلمىستىق-مەرزىمىنەن بۇرىن بوساتۋ تۋرالى" ارىزىن قاناعاتتاندىرماعان.

"قىلمىستىق ىستەر بويىنشا سوت كوللەگياسىنىڭ 2019 جىلى 4 قىركۇيەكتە شىققان ۇكىمىمەن ونىڭ مەرزىمىنەن بۇرىن بوساتۋ تۋرالى ارىزى قاناعاتتاندىرىلمادى", - دەلىنگەن نۇر-سۇلتان قالالىق سوتىنىڭ ءباسپاسوز قىزمەتىنىڭ وكىلدەرى.

ەستەرىڭىزدە بولسا، 2017 جىلدىڭ ماۋسىمىندا استانانىڭ ەسىل اۋداندىق سوتى باعلان مايلىباەۆ پەن نيكولاي گاليحيندى قر قىلمىستىق كودەكسىنىڭ 361 بابى، 1-بولىگى جانە 185 بابىنىڭ 3-بولىگى بويىنشا كىنالى دەپ تاپقان.

سوت مايلىباەۆتى مۇلكىن تاركىلەي وتىرىپ، 5 جىلعا باس بوستاندىعىنان ايىرۋ جازاسىنا كەسكەن. سونداي-اق، سوت ۇكىمىندە مايلىباەۆ ءومىر بويى مەملەكەتتىك قىزمەتتە جۇمىس ىستەي المايدى دەپ جازىلعان.

مەملەكەتتىك قۇپيانى جاريالاعانى ءۇشىن سوتتالعان قر پرەزيدەنتى اكىمشىلىگى باسشىسىنىڭ ورىنباسارى باعلان مايلىباەۆ شەت مەملەكەتتىڭ وكىلدەرىمەن تىعىز قارىم-قاتىناستا بولعانى تۋرالى اقپاراتتا جاريا بولعان. دالىرەك ايتساق، ونىڭ رەسەيمەن بايلانىسى بولعان دەلىنگەن.

Abai.kz

1 پىكىر