سەيسەنبى, 31 ناۋرىز 2020
942 1 پىكىر 17 قازان, 2019 ساعات 11:44

قىرعىز-قازاق شەكاراسىندا 50-گە جاقىن جۇك كولىگى كەپتەلىپ تۇر

قىرعىز-قازاق شەكاراسىندا 50 شاقتى جۇك تاسيتىن كولىك كەپتەلىپ تۇر. بۇل تۋرالى ازاتتىققا قىرعىزستاننىڭ شەكارا قىزمەتىنىڭ رەسمي وكىلى گۇلميرا بورىباەۆا مالىمدەدى.

ونىڭ ايتۋىنشا، وتكىزۋ بەكەتتەرى ادەتتەگى رەجيمدە جۇمىس ىستەپ جاتىر.

"قازىر "اق-تيلەك" بەكەتىندە 50 شاقتى اۋىر جۇك تاسيتىن كولىك شەكارادا تۇر. قىرعىز تاراپتان ەشقانداي شەكتەۋ جوق", - دەيدى مەكەمە وكىلى.

بورۇباەۆانىڭ سوزىنشە، بۇدان وزگە شەكارا بەكەتتەرىندە ازاماتتاردىڭ جانە كولىكتەردىڭ كەپتىلىسى بايقالمايدى.

ەكى ەل اراسىنداعى شەكارادا جالپى 12 وتكىزۋ بەكەتى بار، قازىر ونىڭ سەگىزى جۇمىس ىستەيدى.

Abai.kz

1 پىكىر