بەلگىلى زاڭگەر، ادۆوكات ايمان وماروۆامەن كەزدەسۋدە ازاماتتاردىڭ قۇقىعىن قورعاۋ جانە وسى باعىتتاعى زاڭنامانى جەتىلدىرۋ ماسەلەلەرى تالقىلاندى. اتاپ ايتقاندا، ا.وماروۆا قازاقستان رەسپۋبليكاسى قىلمىستىق كودەكسىنىڭ 130-بابىنىڭ قىلمىستىق مازمۇنىن وزگەرتۋ جانە 174-بابىنا تۇزەتۋلەر ەنگىزۋ تۋرالى ۇسىنىس جاسادى.

پرەزيدەنت قاسىم-جومارت توقاەۆ ا.وماروۆانىڭ باستاماسىنىڭ ماڭىزدى ەكەنىن اتاپ ءوتىپ، كەمسىتۋشىلىككە قارسى زاڭناما نورمالارىن ەنگىزگەندە شەتەلدىك تاجىريبەنى قولدانۋ قاجەتتىگىن ايتتى.

ساياساتتانۋشى دانيار اشىمباەۆپەن اڭگىمەلەسۋ بارىسىندا ساراپشىلار قاۋىمداستىعى مەن جۇرتشىلىقتى بەلسەندى تارتا وتىرىپ، مەملەكەتتىك باعدارلامالاردىڭ جۇزەگە اسىرىلۋىنا جانە بىرىڭعاي جيناقتاۋشى زەينەتاقى قورىنىڭ جۇمىسىنا باقىلاۋدى كۇشەيتۋ جايىنداعى ۇسىنىستار قارالدى.

قوعام قايراتكەرى اۋىت مۇقيبەكپەن كەزدەسۋ كەزىندە ميگراتسيا جانە كوشى-قون تۋرالى زاڭنامانى جەتىلدىرۋ ماسەلەلەرى كوتەرىلدى. اۋىت مۇقيبەك مەملەكەت باسشىسىنىڭ «ورالمان» سوزىنەن باس تارتىپ، ونى «قانداستار» دەپ وزگەرتۋ جونىندەگى باستاماسىن قولدايتىنىن ايتتى.

Abai.kz