قازاقستان رەسپۋبليكاسىنىڭ

باس پروكۋرورى

ع.د.نۇرداۋلەتوۆكە

قۇرمەتتى عيزات داۋرەنبەكۇلى!

«اق جول» پارتياسى سىزگە 2,8 ميلليون وقۋشى مەن ولاردىڭ اتا-انالارىنىڭ جانە جارتى ميلليونعا جۋىق مۇعالىمنىڭ قىزىعۋشىلىعىن تۋدىرعان «كۇندەلىك» اۆتوماتتاندىرىلعان اقپاراتتىق جۇيەسى جونىندە ساۋال جولداپ وتىر. جۇيەنىڭ مەكتەپتەردە مىندەتتەلۋى زاڭ جانە قۇقىق نورمالارىنا سايكەستىگى كۇمان تۋدىرۋدا.

1. «كۇندەلىك» باعدارلاماسىنىڭ سايتىندا ۇنەمى ءتۇرلى تاۋارلار مەن قىزمەتتەردىڭ كوممەرتسيالىق باعىتتاعى جارنامالارى شىعىپ وتىرادى. وسىعان بايلانىستى، ءبىلىم بەرۋ ىسىندە مىندەتتى سانالاتىن قوردا كوممەرتسيالىق جارنامانى جاريالاۋعا قانشالىقتى بولاتىنىن تەكسەرۋدى سۇرايمىز.

ءبىزدىڭ ويىمىزشا، بۇل وقۋشىلاردىڭ تۇتىنۋشىلىق پسيحولوگياسى مەن تارتىبىنە، بالالاردىڭ قاتايماعان ساناسىنا تەرىس ىقپال ەتەدى.

باق-دا ايتىلعانداي، دىنگە قاتىستى نەمەسە تۇرمەلەرگە تاۋار جەتكىزۋ قىزمەتتەگى تۋرالى مازمۇنداعى جارنامالاردىڭ بالالاردى تاربيەلەۋ مەن مادەنيەتكە باۋلۋ جۇيەسىندە بولۋى ورىنسىز.

2. اتا-انالاردىڭ ايتۋىنشا، سايت وپەراتورى ءبىلىم بەرۋ ىسىنە قاتىستى قاجەتتى اقپاراتتى الۋ ءۇشىن تولەم جاساۋدى ەنگىزگەن. ماسەلەن، ءموبيلدى قوسىمشالارعا، مۇعالىممەن كەرى بايلانىس جاساۋ، ساباق ۇلگەرىمى تۋرالى دەرەكقورلارعا ءوتۋ ءۇشىن اقى تولەۋ كەرەك.

ال، اتا زاڭىمىزدا تۇرعىندارعا مەملەكەتتىك ورتا ءبىلىم بەرۋ مەكەمەلەرىندە تەگىن وقۋ كەپىلدەندىرىلگەن.  وسى زاڭنىڭ اياسىندا مەكتەپتەردە كەز-كەلگەن شىعىندارعا اقشا جيناۋعا تىيىم سالىنعان. كۇندەلىك ءبىلىم بەرۋ ىسىندە ماڭىزدى ەلەمەنت ەكەنى بەلگىلى. الايدا، ول ءۇشىن كومپانيا قالتاسىنا اقى تولەنۋى تۇسىنىكسىز.

وسىعان وراي، «كۇندەلىكتىڭ» كەيبىر فۋنكتسيالارىن پايدالانۋعا اقى تولەۋ تاجىريبەسى قازاقستان رەسپۋبليكاسىنىڭ تەگىن ءبىلىم بەرۋ نورمالارىنا قانشالىقتى ساي ەكەنىن تەكسەرۋىڭىزدى سۇرايمىز.

3. سايتتىڭ وپەراتورى «كۇندەلىك» جشس-ءنىڭ شەتەلدىك كومپانياعا قاتىسى بار. ال، جۇيەدە قازاقستاننىڭ بارلىق مەكتەپتەرىندە وقىتۋ ءۇردىسى تۋرالى جەكە دەرەكتەر مەن تولىق اقپاراتتار ورتالىقتاندىرىلعان.

ءبىزدىڭ پىكىرىمىزشە، اقپارتتىڭ مۇنداي شوعىرى بارىنشا قورعالۋى ءتيىس جانە شەتەلدىك ۇلەسى بار جەكە كومپانيالاردىڭ باسقارۋىنا بەرىلمەۋى كەرەك.

بۇل جاعدايدىڭ جاس قازاقستاندىقتاردىڭ جەكە دەرەكتەرىن قورعاۋ باعىتى بويىنشا زاڭناماعا قانشالىقتى ساي ەكەنىن تەكسەرۋىڭىزدى سۇرايمىز.

4. 2016 جىلدىڭ ناۋرىز ايىندا رەسەيلىك «دنەۆنيك.رۋ» ووو قاتىسۋىمەن بۇل جوبا اسىعىس جاسالعان بولاتىن. سول كەزدەگى قر ءبىلىم جانە عىلىم ءمينيسترىنىڭ تۇسىنىكسىز سەبەپتەرمەن جوبانى قولداپ، سايتتىڭ وپەراتورى رەتىندە «كۇندەلىك جشس-ءى تانىلعانى كوكەيدە ساۋال تۋدىرادى.

«اق جول» پارتياسىنا بىرقاتار ءىت-ونىمدەرىن ازىرلەۋشىلەر «كۇندەلىك جشس-ءىنىڭ جۇيە وپەراتورى بولۋىمەن كەلىسپەيتىندىگىن ايتىپ، جۇگىنگەن بولاتىن. 2010 جىلدان بەرى ەلىمىزدەگى مەكتەپتەردە وسىنداي جۇيەنى ءساتتى ەنگىزىپ جۇرگەن قازاقستاندىق مەردىگەر كومپانيانىڭ كونكۋرسقا قاتىسۋعا بەرگەن سۇرانىمى ەسكەرىلمەگەنى ۇلتتىق ەكونوميكا مينيسترىلىگى بەكىتكەن «مەملەكەتتىك-جەكە سەرىكتەستىك جوبالارىن جوبالاۋ جانە جۇزەگە اسىرۋدىڭ ەرەجەلەرىنىڭ» (№725 25 قاراشا 2015 جىل) بۇزىلۋىن سيپاتتايدى.

وسى تاقىرىپقا بايلانىستى 2018 جىلدىڭ 11 ساۋىرىندە جاساعان دەپۋتاتتىق ساۋالىمىزعا جاۋاپ رەتىندە بۇرىنعى قر ءبىلىم ءمينيسترى كونكۋرسقا ەكىنشى قاتىسۋشىنىڭ «مەملەكەتتىك-جەكە سەرىكتەستىك جوباسىنىڭ تۇجىرىمداماسى» جوقتىعى ەرەجەنى 134 تارماعىن بۇزاتىندىعىنا سىلتەدى.

الايدا، ەرەجەنىڭ اتالعان تارماعىندا تۇجىرىمداما تالاپ ەتىلمەگەن. ءبىر سوزبەن ايتقاندا، ءمينيستردىڭ ءسوزى شىندىققا جاناسپايدى.

«اتامەكەن» قر ۇلتتىق كاسىپكەرلەر پالاتاسىنىڭ 2017 جىلدىڭ 4 ناۋرىزىنداعى كونكۋرستى قايتا وتكىزۋ جونىندەگى ۇسىنىسى جۇزەگە اسپادى.

«اق جول» پارتياسىنىڭ دەپۋتاتتارى مۇنداي جوبالار نارىقتىق ارەكەتتەردىڭ ورىندالۋىن قاداعالاۋىمەن ءادىل باسەكەلەستىك شەڭبەرىندە وتكىزىلۋى كەرەك دەپ سانايدى.

وسىعان وراي، ءادىل باسەكەلەستىكتىڭ تالاپتارىنىڭ نەگىزىندە «كۇندەلىك جشس-ءنىڭ اۆتوماتتاندىرىلعان اقپاراتتىق جۇيەدە وپەراتور بولۋىنىڭ زاڭدىلىعىن انىقتاۋ ءۇشىن :

5. «بىرىڭعاي ەلەكتروندى كۇندەلىك» جوباسىن جۇزەگە اسىرۋدا «كۇندەلىك» جشس-ءنىڭ قازاقستان رەسپۋبليكاسىنىڭ ازاماتتارىنىڭ دەرەكتەرىمەن جۇمىس ىستەۋى قانشالىقتى زاڭعا سايكەستىگىن تەكسەرۋگە;

6. 100% مەملەكەتكە تيەسىلى جانە مەملەكەتتىك ورگانداردىڭ اقپاراتتىق قاۋىپسىزدىگىن قامتاماسىز ەتەتىن ۇيىمنىڭ رەسۋرستارىنا شەتەلدىك قاتىسۋمەن سەرىكتەستىكتىڭ IT-ونىمدەرىن ورنالاستىرۋدىڭ زاڭدىلىعىن انىقتاۋعا;

7. اۆتوماتتاندىرىلعان «كۇندەلىك» جۇيەسىن «ۇلتتىق اقپاراتتىق تەحنولوگيالار» اق-نىڭ قورىندا جىل سايىن جاريالاۋعا قانشا قارجى جۇمسالاتىنىن جانە قارجىنى كىم تولەيتىنىن انىقتاۋعا;

8. قر ءبىلىم مينيسترلىگىنىڭ ەلىمىزدەگى مەكتەپتەردىڭ 31%-نىڭ تەحنيكالىق تۇرعىدان دايىن بولماعانىنا قاراماستان «كۇندەلىك» جۇيەسىن بارلىق مەكتەپتەردە ەنگىزۋ ارەكەتىنە قۇقىقتىق باعا بەرۋىڭىزدى سۇرايمىز.

قۇرمەتپەن، «اق جول» پارتياسىنىڭ دەپۋتاتتارى

Abai.kz