سارسەنبى, 19 مامىر 2021
جاڭالىقتار 2110 0 پىكىر 26 تامىز, 2011 ساعات 15:31

نۇرا ماتاي. قازاق زيالىلارى: ۇندەۋ حالىققا ارنالۋى كەرەك

مادەنيەت مينيسترلىگىنىڭ «ءتىل تۋرالى» زاڭ جوباسىنىڭ توڭىرەگىندەگى داۋ-داماي تولاستار ەمەس. ەڭ اۋەلى ەلدەگى ورىس قاۋىمى، ۇيىمدارى جوباعا باسىنان باقايشىعىنا دەيىن قارسى ەكەندىكتەرىن ەكىلەنە ايتىستى. ءتىپتى، قىزدى-قىزدىمەن ماكسيم اكيموۆ دەگەن رەسەيلىك الەۋمەتتانۋشى «قازاقستاننىڭ ءتۇپ يەسى  باعزى زاماننان بەرى كوشىپ-قونىپ جۇرگەن قازاقتار ەمەس، وسى جەرگە اۋىلدار مەن قالالار سالىپ، «وركەنيەتتى» اكەلگەن ورىستار» دەگەن ماعىناداعى زاڭعا تومپاق، تاتۋلىققا تاستاق اسا اۋىر ءسوز ايتتى. (http://old.abai.kz/content/orystar-oyanyndar). ونىڭ الدىندا زاڭ جوباسى ەرىككەننىڭ ەرىنبەسە ەكىلەنىپ، ءسوز كوكپارىنا سالاتىن دۇنيەسىنە اينالىپ جاتقاندا ۇلتتىق ۇيىمدار قايدا قاراپ وتىر دەگەن الاڭ كوڭىلمەن (http://old.abai.kz/content/memlekettik-til-meselesi-ylttyk-yiymdar-nege-nsiz) الاڭعا ءسوز ايتقانبىز.

اقىرى، ۇلتتىق قوزعالىستار مەن ۇيىمدار، زيالىلاردىڭ دا توبەسىن كوردىك.

«جالىن» جۋرنالىنىڭ رەداكتسياسىندا زيالى قاۋىم، ۇيىمدار مەن قوزعالىستاردىڭ جەتەكشىلەرى (سۋرەتتە) باس قوسىپ، تەبىنىپ شىققاندار ءتىلىم-ءتىلىم ەتكەن زاڭ جوباسىنا  - قاسارىسقان قارسىلىققا قالاي تويتارىس بەرەمىز دەپ جينالىپتى.

مادەنيەت مينيسترلىگىنىڭ «ءتىل تۋرالى» زاڭ جوباسىنىڭ توڭىرەگىندەگى داۋ-داماي تولاستار ەمەس. ەڭ اۋەلى ەلدەگى ورىس قاۋىمى، ۇيىمدارى جوباعا باسىنان باقايشىعىنا دەيىن قارسى ەكەندىكتەرىن ەكىلەنە ايتىستى. ءتىپتى، قىزدى-قىزدىمەن ماكسيم اكيموۆ دەگەن رەسەيلىك الەۋمەتتانۋشى «قازاقستاننىڭ ءتۇپ يەسى  باعزى زاماننان بەرى كوشىپ-قونىپ جۇرگەن قازاقتار ەمەس، وسى جەرگە اۋىلدار مەن قالالار سالىپ، «وركەنيەتتى» اكەلگەن ورىستار» دەگەن ماعىناداعى زاڭعا تومپاق، تاتۋلىققا تاستاق اسا اۋىر ءسوز ايتتى. (http://old.abai.kz/content/orystar-oyanyndar). ونىڭ الدىندا زاڭ جوباسى ەرىككەننىڭ ەرىنبەسە ەكىلەنىپ، ءسوز كوكپارىنا سالاتىن دۇنيەسىنە اينالىپ جاتقاندا ۇلتتىق ۇيىمدار قايدا قاراپ وتىر دەگەن الاڭ كوڭىلمەن (http://old.abai.kz/content/memlekettik-til-meselesi-ylttyk-yiymdar-nege-nsiz) الاڭعا ءسوز ايتقانبىز.

اقىرى، ۇلتتىق قوزعالىستار مەن ۇيىمدار، زيالىلاردىڭ دا توبەسىن كوردىك.

«جالىن» جۋرنالىنىڭ رەداكتسياسىندا زيالى قاۋىم، ۇيىمدار مەن قوزعالىستاردىڭ جەتەكشىلەرى (سۋرەتتە) باس قوسىپ، تەبىنىپ شىققاندار ءتىلىم-ءتىلىم ەتكەن زاڭ جوباسىنا  - قاسارىسقان قارسىلىققا قالاي تويتارىس بەرەمىز دەپ جينالىپتى.

ءسوز دە، پىكىر دە، وي دا كول-كوسىر بولدى. تىنىش كەلىپ، تىرس ەتپەي ءۇنسىز قايتقاندار دا كەزدەستى.

ءسويتىپ، دوڭگەلەنە وتىرىسقان جۇرت قازاق تىلىنە قارسى شىعىپ، قانىن ىشىنە تارتىپ، قازاققا قارايىپ وتىرعاندارعا قاتىستى ۇندەۋدىڭ الدىن-الا دايىندالعان نۇسقاسىن تالقىعا سالىستى. ءارى ۇلتتىق ۇيىمدار مەن زيالىلار بىرلەسىپ دايىنداپ جاتقان «مەملەكەتتىك ءتىل تۋرالى» زاڭ جوباسىنا بايلانىستى دا مالىمدەمەنى جاريا ەتۋدىڭ جاي-جاپسارىن اقىلداستى.

جانۇزاق اكىم (سۋرەتتە) ءتىل ماسەلەسىن كوتەرۋدىڭ اۋقىمىن كەڭەيتىپ، ايماقتاردى دا قامتىپ، ءوڭىر ءباسپاسوزىن كەڭىنەن پايدالانۋ قاجەتتىگىن ايتا كەلىپ، ۇيىمدار مەن زيالىلاردىڭ ءبىر ءىستى اياعىنا دەيىن جەتكىزۋدە بىرلىگى كەمشىن ەكەنىن سونىڭ كەسىرىنەن كەيىنگى جىلدارداعى كەزدەسۋلەر تەك قانا ۇندەۋگە قول قويۋمەن عانا شەكتەلىپ كەلە جاتقانىن ءسوز ەتتى.

 

 

 

ۇندەۋدە پرەزيدەنتتىڭ قازاق تىلىنە قاتىستى ايتقان كەيبىر ويلارىن اشىپ كورسەتۋ كەرەك ەكەنىن عابباس قابىشۇلى (سۋرەتتە) ايتىپ ەدى، مەرەكە قۇلكەنوۆ, (سۋرەتتە) پرەزيدەنتكە زاڭ بويىنشا قارسى شىعا المايمىز. سوندىقتان مەملەكەتتىك ءتىل ماسەلەسىن كۇردەلەندىرىپ وتىرعان لاۋازىمدى شەنەۋنىكتەردى تىزبەلەپ كورسەتسەك دەدى.

 

 

ءسويتىپ، اڭگىمە بيلىكتىڭ ارەكەتىن مالىمدەمەگە قالاي قوسۋ تۋراسىندا جالعاسىپ كەتىپ، ءبىراز جەرگە بارعاندا اقىن تەمىرحان مەدەتبەك (سۋرەتتە): «ۇندەۋدى حالىققا ارنايىق. قازاق ءتىلىنىڭ جاعدايى - حالىقتىڭ ماسەلەسى. ارتىمىزدا قالىڭ ەل بارىن ءبىلسىن» دەدى.

اقىر اياعى مالىمدەمەگە وزگەرىستەر ەنگىزىلىپ، ۇكىمەت دايىنداعان «ءتىل تۋرالى» زاڭ جوباسى مەن ۇلتتىق ۇيىمدار ءھام زيالىلار دايارلاپ جاتقان «مەملەكەتتىك ءتىل تۋرالى» زاڭ جوباسىنا قاتىستى ۇندەۋ الداعى اپتادا جۇرتقا جاريا ەتىلەتىن بولىپ كەلىسىپ، جيىن تارقادى.

 

ايتپاقشى، وتكەن جىلى قىركۇيەكتىڭ 22-ءسى كۇنى وتكەن «مەملەكەتتىك ءتىلدى قولداۋ» جيىنىنىڭ (سۋرەتتە) (http://old.abai.kz/content/nyra-matai-bayagy-aktsiya-sol-aktsiya) ساتسىزدىگى تۋرالى دا ءسوز بولىپ، «بيىلعى وتەتىن شارادا بىلتىرعى قاتەلىكتى قايتالامايمىز كەرىسىنشە، كەرەمەت قىپ وتكىزەمىز» دەستى اقىن-جازۋشىلار مەن ۇلتتىق ۇيىمداردىڭ وكىلدەرى.ءتىرى بولساق، ونى دا كورەرمىز...

 

...

«اباي-اقپارات»

0 پىكىر