«2019 جىلدىڭ 7-8 تامىزىنداعى وقيعا بويىنشا سوتقا دەيىنگى تەرگەۋ ىسىنە بايلانىستى مەملەكەتكە كەلتىرىلگەن زارداپتىڭ ورنىن تولتىرۋ ءۇشىن اۋىر قىلمىس جاسادى دەگەن كۇدىكتىلەردىڭ مۇلكى قاماۋعا قويىلدى»، - دەپ مالىمدەدى ءىىم.

7-8 تامىزدا شۋ وبلىسى، الامۋدۋن اۋدانى، كوي-تاش اۋىلىندا قىرعىزستاننىڭ بۇرىنعى پرەزيدەنتى المازبەك اتامباەۆتى ءماجبۇرلى تۇردە تەرگەۋگە الىپ كەلۋ شاراسى ءجۇردى. ول ۇلتتىق قاۋىپسىزدىك مەملەكەتتىك كوميتەتىنىڭ «الفا» ارنايى كۇشى تاراپىنان جۇرگىزىلدى. العاشقى كۇنى كۇش وكىلدەرى مەن ساياساتكەر جاقتاستارى اراسىندا قاقتىعىس بولىپ، ارنايى كۇشتىڭ 6 وكىلى كەپىلدىككە الىنىپ، بىرەۋى – ۇسەنبەك نيازبەكوۆ وقتان قازا تاپتى.

كەلەسى كۇنى المازبەك اتامباەۆ پەن ونىڭ جاقتاستارى بيلىككە بەرىلدى. ارتىنشا ولارعا قىلمىستىق ءىس قوزعالدى.

بۇرىنعى پرەزيدەنت پەن ونىڭ التى جاقتاسى قازىر قاماۋدا وتىر.

Abai.kz