باقىتىمىزعا وراي، الەم قاۋىمداستىعى مەن امەريكا حالقى اقش-تىڭ سوعىسقۇمار پرەزيدەنتىن ۋاقىتىندا توقتاتتى. ادامدار اسىرەسە تىعىرىققا تىرەلگەن كەزدەردە، اقىلعا ەمەس، سەزىمگە ەرىك بەرەتىنىن ەستە ساقتاۋ كەرەك. يران، اياعى نە بولاتىنىنا قاراماستان، كەز كەلگەن تاسىلمەن قارسى جاۋاپ بەرە الادى. بۇل جاعدايدا، يراننىڭ دەرەۋ قارسى جاۋابى اقش بيلىگىنە قىسىم كورسەتىپ جاتقان الەم قاۋىمداستىعى مەن امەريكا ازاماتتارىنا قاتتى اسەر ەتتى. يراننىڭ كەز كەلگەن زىمىرانىنا جاقىن ايماقتا تۇرعان يزرايلدى ەسكەرسەك، يران مەن اقش اراسىنداعى سوعىستىڭ سوڭى جاقسىلىقپەن بىتپەيتىنى تۇسىنىكتى. سوندىقتان اقش-تاعى ەۆرەي دياسپوراسىنىڭ قىسىمى ترامپتىڭ وسىنداي شەشىمگە كەلگەنiنە ۇلكەن ۇلەس قوستى دەپ ويلايمىن.

دەگەنمەن، ترامپ بىتىمگە كەلەتىنىن ءبىلدىرىپ ءسوز سويلەگەنىمەن، اقش ازاماتتارىنا قاۋىپ-قاتەر ءتونىپ ۇلگەردى جانە ەندى ونىڭ ازايۋى ەكىتالاي. سوندىقتان ادام قۇقىعى مەن بوستاندىعىنا قاتىستى ماسەلەلەر ارناۋلى قىزمەتتەرiنىڭ پايداسىنا شەشىلiپ قاتاڭ تارتىپتەر ەندى كۇشەيە تۇسەدى.

سوعىس بولماعانمەن، بىراق مىنالاردىڭ قولدارى ماقساتتارىنا جەتتى.

- بۇكىل الەم بويىنشا ارنايى قىزمەتتىڭ بيۋدجەتى ارتادى، ولاردىڭ قۇقىقتارى كوبەيەدى، ىقپالى كۇشەيە تۇسەدى.

- اسكەري-ونارسىپتىك كەشەن ءارتۇرلى قارۋ-جاراق تۇرلەرىن شىعارۋ ءۇشىن وتە كوپ جاڭا كەلىسىم-شارتتارعا وتىرادى.

- ءارتۇرلى قاۋىپسىزدىك جۇيەلەرىن وندىرۋشىلەر باي تۇسەدى.

- مەملەكەتتەر ءوز ازاماتتارىن باقىلاۋدى ودان ارمەن كۇشەيتەدى.

- ساياساتكەرلەر ءوز حالقىنىڭ تەرروريزمگە، ءدىني ەكسترەميزمگە (الەمدەگى ەشبىر ءدىن سوعىستى ۇگىتتەمەسە دە) دەگەن قورقىنىشىن تۋعىزىپ سونى پايدالانىپ وينايدى. الەم پولياريزاتسيالانىپ، دوس پەن جاۋ بولىپ بولىنە بەرەدى. ال دەموكراتيانى قاۋىپسىزدىكتى كۇشەيتۋ سىلتاۋىمەن ءارi قاراي شەكتەي بەرەدi.

ازاماتتار شە؟ ال ازاماتتار وسىنىڭ بارىنە ءوز قالتاسىنان اقشا تولەيدi.

مارعۇلان سەيسەمبايدىڭ الەۋمەتتىك جەلىدەگى جازباسىنان

Abai.kz