«ازات» پارتياسى باستاپ، قازاقتىڭ جەزتاڭداي انشىلەرى مەن قايراتكەرلەرى قوستاعان، ورىس ءتىلىن رەسمي مارتەبەسىنەن ايىرۋ كەرەك دەگەن اشىق حاتتىڭ ارتى داۋعا ۇلاسۋدا. دالىرەك ايتساق، اشىق حاتقا قول قويعان  بيبىگۇل تولەگەنوۆا، قىدىرالى بولمانوۆ، گەرولد بەلگەر، عازيز الدامجاروۆتار «ۆرەميا» گازەتىنە  (http://www.time.kz/index.php?module=news&newsid=23457 ) بەرگەن سۇحباتىندا بۇل ارەكەتتەرىن جوققا شىعارىپ وتىر. اشىق حاتقا اتاقتى ادامداردىڭ قولىن قويىپ جىبەرۋ ماقتارلىق ءىس ەمەس. بىراق تانىمال ادامداردىڭ ورىس تىلىنە قارسى شىعىپ قويدىق دەپ،  جانۇشىرا اقتالعانى دا كوڭىلگە كىربىڭ سالماي قويمادى. پرەزيدەنتتىڭ ساياسي كەڭەسشىسى ەرمۇحاممەد ەرتىباەۆ اشىق حاتتى ۇيىمداستىرۋشىلاردىڭ ارەكەتى ۇلتارازدىقتى قوزدىرادى دەپ مالىمدەمە جاسادى. ورىس سايتتارى ويلارىنا كەلگەنىن ايتقاندا اۋىز اشپاعان بيلىكتىڭ قازاق تىلدىلەر قام قىلعاندا ورە تۇرەگەلگەنى كوپ نارسەنى اڭعارتاتىن شىعار. وسىدان-اق، بۇگىنگى بيلىكتىڭ بەتپەردەسى تۇرىلە  تۇسپەي مە؟! بيلىكتىڭ تىرپ ەتە المايتىنى باياعىدان بەلگىلى. قازاقشا ءان سالىپ، جاي كۇندەرى قازاق ءتىلى دەسە جانىن بەرۋگە دايىن قايراتكەرلەردىڭ ۇلت نامىسى جانىلعان تۇستا قايرات تانىتا الماي قالعانى قالاي؟!  ولار «ۆرەميا»  گازەتىنىڭ بەتىنەن بىلاي دەپ سايراپ، اشىق حات ءۇشىن ارانداپ قالعاندارىن ايتىپتى:

بيبىگۇل تولەگەنوۆا، ءانشى، كەڭەس وداعىنىڭ  حالىق ءارتىسى:

«ازات» پارتياسى باستاپ، قازاقتىڭ جەزتاڭداي انشىلەرى مەن قايراتكەرلەرى قوستاعان، ورىس ءتىلىن رەسمي مارتەبەسىنەن ايىرۋ كەرەك دەگەن اشىق حاتتىڭ ارتى داۋعا ۇلاسۋدا. دالىرەك ايتساق، اشىق حاتقا قول قويعان  بيبىگۇل تولەگەنوۆا، قىدىرالى بولمانوۆ، گەرولد بەلگەر، عازيز الدامجاروۆتار «ۆرەميا» گازەتىنە  (http://www.time.kz/index.php?module=news&newsid=23457 ) بەرگەن سۇحباتىندا بۇل ارەكەتتەرىن جوققا شىعارىپ وتىر. اشىق حاتقا اتاقتى ادامداردىڭ قولىن قويىپ جىبەرۋ ماقتارلىق ءىس ەمەس. بىراق تانىمال ادامداردىڭ ورىس تىلىنە قارسى شىعىپ قويدىق دەپ،  جانۇشىرا اقتالعانى دا كوڭىلگە كىربىڭ سالماي قويمادى. پرەزيدەنتتىڭ ساياسي كەڭەسشىسى ەرمۇحاممەد ەرتىباەۆ اشىق حاتتى ۇيىمداستىرۋشىلاردىڭ ارەكەتى ۇلتارازدىقتى قوزدىرادى دەپ مالىمدەمە جاسادى. ورىس سايتتارى ويلارىنا كەلگەنىن ايتقاندا اۋىز اشپاعان بيلىكتىڭ قازاق تىلدىلەر قام قىلعاندا ورە تۇرەگەلگەنى كوپ نارسەنى اڭعارتاتىن شىعار. وسىدان-اق، بۇگىنگى بيلىكتىڭ بەتپەردەسى تۇرىلە  تۇسپەي مە؟! بيلىكتىڭ تىرپ ەتە المايتىنى باياعىدان بەلگىلى. قازاقشا ءان سالىپ، جاي كۇندەرى قازاق ءتىلى دەسە جانىن بەرۋگە دايىن قايراتكەرلەردىڭ ۇلت نامىسى جانىلعان تۇستا قايرات تانىتا الماي قالعانى قالاي؟!  ولار «ۆرەميا»  گازەتىنىڭ بەتىنەن بىلاي دەپ سايراپ، اشىق حات ءۇشىن ارانداپ قالعاندارىن ايتىپتى:

بيبىگۇل تولەگەنوۆا، ءانشى، كەڭەس وداعىنىڭ  حالىق ءارتىسى:

قازاق ءتىلىنىڭ كوركەيگەنى بارىمىزگە جاقسى. بىراق، مۇنى كۇشپەن ەمەس، اقىلمەن شەشۋ كەرەك.  ماعان تەلەفون شالدى، مەن تۇركيادا بولعاندىقتان ماسەلەنىڭ ءمان جايىن تۇسىنگەن جوقپىن.

عازيز الدامجاروۆ، قازاقستان كومپارتياسىنىڭ كوباسشىسى:

مەن اشىق حاتقا قول قويعان جوقپىن. مۇحتار شاحانوۆ تەلەفون شالىپ، قازاق ءتىلىن قولدايتىن حات بار ەكەنىن، ونىڭ  گازەتكە شىعىپ كەتكەنىن ايتتى.  مەن قازاق تىلىنە قارسى ەمەسپىن، ارينە. بىراق، ورىس تىلىنە دە قارسى شىقپايمىن.

گەرولد بەلگەر، جازۋشى-اۋدارماشى:

ماعان اشىق حاتقا قول قويۋىمدى سۇراپ بىرنەشە ادام حابارلاستى. بىراق، مەن بىردەن، سانالى تۇردە كەرى قايتاردىم. سەبەبى،  بۇل يدەيانىڭ ومىرشەڭدىگىنە سەنبەيمىن. قازاق ءتىلى  قايتسە كوركەيەدى دەپ تىلەيتىندەردىڭ ءبىرى مەنمىن. وسى تىلدەگى شىعارمالاردى اۋداردىم، وسى تىلدە جازدىم... ەلدەگى ۇلتتىق ماسەلەلەرگە ورىس ءتىلى، ورىس مادەنيەتى مەن ورىس ءتىلدى ادەبيەتتىڭ ەش كىناسى جوق.  وتىز جىلدان بەرى بۇل داۋ بىتپەي كەلەدى، قازاق مەكتەپتەرىندەگى وقۋشىلاردىڭ ءوزى قازاقشا سويلەمەيدى. بۇل ءۇشىن ولاردىڭ اتا انالارىن دا، وزدەرىن دە، باسقا ۇلت وكىلدەرىن دە كىنالاۋعا بولمايدى. سوندىقتان دا، اشىق حات دەگەنىڭ ءجاي مىلجىڭ  عانا...

قىدىرالى بولمانوۆ، ءانشى-پروديۋسەر:

ماعان بىرەۋلەر تەلەفون شالىپ، قازاق ءتىلىن قولدايتىن اشىق حاتقا قول قويۋىمدى ءوتىندى. بىراق، مەن ءومىرى بيلىككە، پرەزيدەنتكە نەمەسە باسقالارعا حات جازباعان اداممىن. جالپاق جۇرتقا جاريا ەتپەي-اق، ءىس تىندىرۋعا بولادى.  بۇل مەنىڭ ۇستانىمىم. اشىق حات تۋرالى ايتقان ادامدارعا حاتتىڭ مازمۇنىن قاراپ شىعايىن دەگەنمىن. ولار ەلەكتروندى پوشتاما سالعانىمەن، اشىلماي قالدى. مەن ءارى قاراي  اقتوبەگە جەكە كاسىبىم بويىنشا ۇشىپ كەتتىم. اينە، تۋعان ءتىلىمنىڭ اياسى كەڭەيگەنىن مەن دە قولدايمىن. الايدا، وزگە تىلدەردى تۇساپ قويۋدى دا قولدامايمىن.

«اباي-اقپارات»