قۇداي قولىمدى قىسىپ، ارقامنان قاقتى عوي دەيمىن، باراتىن جەرگە بارا بەرىپ، قىسقاسى پارا بەرىپ، ماي ينسپەكتورى بولىپ شىعا كەلدىم! فورما ماعان قۇيىپ قويعانداي، قىزىل-الا تاياعىمدى شىر اينالدىرىپ، كوشەدە كىسى بولىپ تۇرمىن... شاپكىمدى باسىما كيىپ قايتەمىن،  قايىرشىلار سياقتى  ماشينامنىڭ ۇستىنە «شالقاسىنان جاتقىزىپ» قويىپ ەدىم، شوپىرلار «قۇتتى بولسىن!» ايتىپ، ءاپ-ساتتە ءىشىن اقشاعا تولتىرىپ تاستادى... راحات ەكەن... تىريعان ارىق ەدىم، ءبىر ايدىڭ ىشىندە ماشينامنىڭ ەسىگىنە ارەڭ سيامىن... ىقىلىق اتىپ تۇرىپ ىسقىرسام، تەڭگە، ىشقىنىپ ىسقىرسام، دوللار! وسىلاي  «وسقىرىنىپ» تۇرعانىمدا، الىستان «بيلەپ» كەلە جاتقان قارا سۇلىكتەي  «ءدجيپتى» كوردىم. جان ۇشىرا ىشقىنا ىسقىرىپ، الدىنان شىقتىم. توقتايدى ما دەسەم، جالپ ەتكىزىپ، جاتقىزىپ كەتتى... تاعى دا بولسا، ءوزىم ەتپەتىمنەن جاتا كەتىپ، امان قالدىم. «دجيپتەن» تۇسكەن  قارا كوزىلدىرىكتى بوقمۇرىن بالا جانىما كەلدى. ساعىز شايناپ تۇر.

-  براتان، ءتىرىسىز بە؟ -دەپ سۇرادى ول.

- ءتىرىمىن... نارۋشەنيە جاسادىڭىز... كۋالىگىڭىز...

- مەندە كۋالىك جوق.

- كاك كۋالىك جوق؟

- پاپامدا.

- پاپاڭ قايدا ىستەيدى؟

-پاپام مينيستر.

قانداي مينيستر ەكەنىن ايتپاي-اق قويايىن، «وسى كۇنىمە زار بولىپ قالار­مىن» دەگەن ويمەن «چەست» بەرىپ شىعارىپ سالدىم. قۇتىلعانىما قۇدايعا شۇكىر ايتىپ تۇرعانمىن، جاڭاعى ءمينيستردىڭ بالاسى قايتا اينالىپ كەلگەنى. وتىرىك ىرجيدىم. ول جانىما كەلدى.

قۇداي قولىمدى قىسىپ، ارقامنان قاقتى عوي دەيمىن، باراتىن جەرگە بارا بەرىپ، قىسقاسى پارا بەرىپ، ماي ينسپەكتورى بولىپ شىعا كەلدىم! فورما ماعان قۇيىپ قويعانداي، قىزىل-الا تاياعىمدى شىر اينالدىرىپ، كوشەدە كىسى بولىپ تۇرمىن... شاپكىمدى باسىما كيىپ قايتەمىن،  قايىرشىلار سياقتى  ماشينامنىڭ ۇستىنە «شالقاسىنان جاتقىزىپ» قويىپ ەدىم، شوپىرلار «قۇتتى بولسىن!» ايتىپ، ءاپ-ساتتە ءىشىن اقشاعا تولتىرىپ تاستادى... راحات ەكەن... تىريعان ارىق ەدىم، ءبىر ايدىڭ ىشىندە ماشينامنىڭ ەسىگىنە ارەڭ سيامىن... ىقىلىق اتىپ تۇرىپ ىسقىرسام، تەڭگە، ىشقىنىپ ىسقىرسام، دوللار! وسىلاي  «وسقىرىنىپ» تۇرعانىمدا، الىستان «بيلەپ» كەلە جاتقان قارا سۇلىكتەي  «ءدجيپتى» كوردىم. جان ۇشىرا ىشقىنا ىسقىرىپ، الدىنان شىقتىم. توقتايدى ما دەسەم، جالپ ەتكىزىپ، جاتقىزىپ كەتتى... تاعى دا بولسا، ءوزىم ەتپەتىمنەن جاتا كەتىپ، امان قالدىم. «دجيپتەن» تۇسكەن  قارا كوزىلدىرىكتى بوقمۇرىن بالا جانىما كەلدى. ساعىز شايناپ تۇر.

-  براتان، ءتىرىسىز بە؟ -دەپ سۇرادى ول.

- ءتىرىمىن... نارۋشەنيە جاسادىڭىز... كۋالىگىڭىز...

- مەندە كۋالىك جوق.

- كاك كۋالىك جوق؟

- پاپامدا.

- پاپاڭ قايدا ىستەيدى؟

-پاپام مينيستر.

قانداي مينيستر ەكەنىن ايتپاي-اق قويايىن، «وسى كۇنىمە زار بولىپ قالار­مىن» دەگەن ويمەن «چەست» بەرىپ شىعارىپ سالدىم. قۇتىلعانىما قۇدايعا شۇكىر ايتىپ تۇرعانمىن، جاڭاعى ءمينيستردىڭ بالاسى قايتا اينالىپ كەلگەنى. وتىرىك ىرجيدىم. ول جانىما كەلدى.

- نەمەنەڭە جەتىسىپ ىرجياسىڭ؟-دەپ سۇرادى ول.

- مەن تۋىلعاننان وسىندايمىن...

- ەكى ءجۇز دوللار قارىز بەرە تۇرشى...

- مەندە اقشا جوق.... دوللار دەگەندى ومىرىمدە كورگەن ەمەسپىن...

- قۋماساي!

- ىنىشەك، ءىشىپ الىپسىز، ۇيىڭىزگە بارىپ، ەكى اياعىڭىزدى اسپانعا كوتەرىپ دەمال­ىڭىز...

- نەگە ەكى اياقتى؟

- ويناپ ايتىپ قالدىم...

- نەگە وينايسىڭ؟ ءمينيستردىڭ بالاسىمەن وينايتىن سەن كىمسىڭ؟

- كەشىرىڭىز، ماعان اسىلماڭىزشى...

- اسىلسام شە؟

- سىزگە ماشينانى ءىشىپ ايداۋعا بولمايدى. ءمينيستردىڭ بالاسى ەكەنسىز...

- ءمينيستردىڭ بالاسى ادام ەمەس پە؟

- سىزدەر جوعارى سورتتى ادامسىزدار...

- حالىق شە؟

- ولار... ولار...

- ولار ادام ەمەستەر!

- كىم ايتتى؟

- پاپام ايتتى...

- پاپاڭ دالباسالاي بەرەدى... ويباي، كەشىر ىنىشەك، مەن دالباسالاپ تۇرمىن.

- جيعان اقشاڭنان  «شوتال» بەر...

- مەن اقشا المايتىن مايشنيكپىن...

- جانىڭ شىقسىن!-دەگەن ول قالتامدى قاراپ، جيعانىمدى سىپىرىپ الدى... ىرجيىپ قالا بەردىم... ول كەتكەن سوڭ، ىزام كەلىپ، اسپاندا ۇشىپ بارا جاتقان ۇشاقتى دا توقتاتقىم كەلىپ كەتتى. مەنى كورىپ، ءجاي ءجۇرىپ كەلە جاتقان ماشينا­لار­دى بىرىنەن سوڭ ءبىرىن توقتاتا باستادىم.

- نەگە ءجاي ءجۇرىپ كەلە جاتىرسىز؟ -دەيمىن.

- ءسىزدى كورىپ...

- نە، مەن سەندەرگە سۇم، جەكسۇرىن، الباستىمىن با؟

- جوعا... ءسىز قۇرمەتتى، قايىرىمدى، ادال ادامسىز...

- ماشيناڭنىڭ ءرۋلى نەگە دومالاق؟

- ەندى... ءتورت بۇرىشتى ءرول بولمايدى عوي...

- ولاي بولسا، ءتورت بۇرىشتى تەڭگەڭدى تاستاپ كەت...

مىنە، وسىلاي اقشا جيناپ تۇرعانىمدا، ءمينيستردىڭ بالاسى ماشيناسىمەن قۇيعىتىپ كەلە جاتىر ەكەن. ماشيناما وتىرا سالىپ قاشتىم. ول قۋىپ كەپ بەردى... امال جوق، توقتادىم. ءمينيستردىڭ بالاسى جانىما كەلدى.

- نارۋشەنيە... كۋالىگىڭىزدى كورسەتىڭىز،- دەدى ول.

- مەن مەملەكەتتىك قىزمەتتە ءجۇرمىن...

- كەشىرىڭىز، قىزىلعا ءوتىپ كەتتىڭىز...

- ءجايشا ءجۇرسىز بە؟-دەپ ىرجيدىم مەن. ءمينيستردىڭ بالاسى ارقامنان قاقتى.

- سەن ەركەكسىڭ عوي؟

- ەركەكپىن دەپ ءجۇرمىن...

- ەركەك  بولساڭ،  پاپاما ەشتەڭە ايتپاشى...

- ايتپايمىن...

- جارايسىڭ، براتان!-دەگەن ول مەنى قاپسىرا قۇشاقتاپ، بەتىمدى بىلجىراتا ءسۇيىپ قوشتاستى... قيماعان بولىپ تۇرمىن... ءمينيستردىڭ بالاسى ءبىر پالە بولدى... دەرەۋ پروتوكول تولتىرايىن دەسەم، مايشنيكتىڭ شاپكىسىن كيىپ جۇرگەنىم، اكەم تانيتىن  ءمينيستردىڭ  ارقاسى عوي...  «حالىق ادام ەمەس دەيدى... حالىقتىڭ ارقاسى، ىشقىنا ىسقىرىپ جۇرگەنىمىز...»

ويلانىپ كەتسەم كەرەك، بىرەۋ يىعىمنان تۇرتەدى. جالت قاراسام... جالت قاراسام، ءمينيستردىڭ بالاسى...

«اباي-اقپارات»