جۇما, 29 ناۋرىز 2024
انە، كوردىڭ بە؟ 6387 11 پىكىر 18 قاڭتار, 2020 ساعات 14:06

مەيرامبەك بەسباەۆ: ابدەن جەم بولدىق، بىرەۋگە...

وتكەندە قازاقستان ورىنداۋشىلار وداعىنىڭ باسقارما توراعاسى بولىپ، بەلگىلى ءانشى، الماتى قالاسى اكىمىنىڭ شتاتتان تىس كەڭەسشىسى مەيرامبەك بەسباەۆ سايلانعان ەدى.

بۇل زياتكەرلىك مەنشىك قۇقىعىن قورعايتىن ۇيىم. ول وسىدان 10 جىل بۇرىن قۇرىلعان. وتكەندە ءبىراز ءانشى وداق باسشىلىعىمەن كەزدەسپەك بولىپ، جيىن وتكىزگەن. ول جەردە انشىلەر بىرنەشە جىلدان بەرى قالاماقى الماعانىن ايتىپ، ماسەلە كوتەرگەن. ال قازاقستان ورىنداۋشىلار وداعىنىڭ نەگىزگى قىزمەتى - ونەر ادامدارىنا، ولاردىڭ تۋىندىلارىنا قالاماقى تولەۋ بولعان. ياعني، ءانشىنىڭ ءانى مەيرامحانادا، تەلەارنادا نەمەسە باسقا جەردە ورىندالعان كەزدە ءتيىستى مولشەردە قالاماقى تولەنۋى ءتيىس بولعان. الايدا، جينالعاندار بىرنەشە جىلدان بەرى قالاماقىعا سوقىر تيىن الماعانىن ايتىپ، نارازىلىق ءبىلدىرىپتى.

ول جيىنعا وداق باسشىلىعى كەلمەگەن. ءسويتىپ، ۇيىمنىڭ ەڭ جوعارعى باسقارۋ ورگانى - باسقارما مۇشەلەرى تولىق قۇرامدا داۋىس بەرىپ، توراعالىققا مەيرامبەك بەسباەۆتى سايلاعان. سۋ جاڭا توراعا بەسباەۆ بۇل ماسەلەنى بۇرىننان بىلەتىنىن جانە ونى شەشۋگە ءازىر ەكەنىن ايتىپ، باق-قا سۇحبات بەردى.

پوحوجەە يزوبراجەنيە

بەسباەۆ: ابدەن جەم بولدىق قوي بىرەۋگە...

«بۇل ورىنداۋشىلاردىڭ قوعامدىق ۇيىمى. بۇل جەردە نەگىزى اڭگىمە كوپ. جيىندا ءبىراز ءانشى بولىپ ۇيىمنىڭ باسشىلىعىنا نارازىلىعىمىزدى بىلدىردىك. مەنى اياق استىنان ءبارى ءبىراۋىزدان سايلاپ جىبەردى.

ول جەردە جالپى نە بولىپ جاتقانىن بىلەمىن. جالپى ونەر ادامدارىنىڭ قۇقىعى قورعالىپ جۇرگەن جوق دەپ ويلايمىن. ول بۇرىننان كەلە جاتقان ۇيىم. بىرنەشە اۆتور، جازۋشى، ءانشى بار. قازىر سول سالانىڭ ماماندارى، زاڭگەرلەردى جيناپ جاتىرمىن.

مەندەگى وي - ءار ءانشىنىڭ اقشاسىن ۇلەستىرىپ، ءتيىستى سىياقىسىن السا. جالپى ونەر سالاسىن تۇسىنەتىن ادامبىز عوي. قۇداي قالاسا كىرىسەمىز. ول ۇيىمدا ماسەلە كوپ. انشىلەردىڭ بىرىگەتىن كەزى كەلدى عوي دەپ ويلايمىن. ابدەن جەم بولدىق قوي بىرەۋگە»، - دەدى ءانشى.

كەيىن ءانشى ءوزىنىڭ «Instagram» جەلىسىندەگى پاراقشاسىندا وداقتىڭ بۇرىنعى باسشىلىعى تاراپىنان قوقان-لوقى جاسالىپ، ءماجىلىس دەپۋتاتى زاعيپا باليەۆا تاراپىنان قىسىم بولىپ جاتقانىن جازدى. ونىڭ ايتۋىنشا، قالاماقى بەرمەي قاڭتارىلىپ تۇرعان وداقتىڭ بۇرىنعى باسشىلىعى جاڭا باسشىلىققا قوقان-لوقى كورسەتىپ، قارسىلىق بىلدىرگەن. ال ونىڭ ارتىندا ءماجىلىس دەپۋتاتى زاعيپا باليەۆا مەن ونىڭ ۇلى تۇرعان كورىنەدى.

بەسباەۆ: ءسىز نەگە انشىلەردىڭ شارۋاسىنا ارالاسىپ، الاشاپقىن بوپ جاتىرسىز؟!

«قۇرمەتتى زاعيپا ياحياقىزى! مەن 2020 جىلدىڭ 15 قاڭتار كۇنى قازاقستان ورىنداۋشىلار وداعىنىڭ باسقارما توراعاسى بوپ سايلاندىم. داۋىس بەرۋگە ۇيىمنىڭ ەڭ جوعارعى باسقارۋ ورگانى - قۇرىلتايشىلاردىڭ جالپى جيىنى جاساقتاعان باسقارما مۇشەلەرىنىڭ بارلىعى قاتىستى. سايلاۋ وتكىزۋگە قاجەتتى كۆورۋم بولدى. بارلىق رەگلامەنت پەن زاڭدىلىق تولىقتاي ساقتالدى. حاتتاما تولتىرىلىپ، مەنى باس ديرەكتور قىزمەتىنە كىرىسۋىم تۋرالى بۇيرىق تا شىعىپ قويدى. ەندى كەلىپ، بۇرىنعى باسشىلىق جاڭا باسشىلىققا قارسى قوقاڭ-لوققى كورسەتىپ، ءارتۇرلى جاعىمسىز ارەكەتتەر ارقىلى قارسىلىق كورسەتۋدە. بۇرىنعى باسشىلىقتىڭ ارتىندا ءسىزدىڭ ۇلىڭىز جانە ءوزىڭىز تۇر ەكەنسىز. ءسىز زاڭدى تۇردە سايلانعان ماعان، باسقارما مۇشەلەرىنە قىسىم كورسەتىپ، ءارتۇرلى مەملەكەتتىك جانە قۇقىق قورعاۋ ورگاندارىنا تەلەفون شالىپ جاتىر ەكەنسىز. مۇنىڭىز مۇلدە دۇرىس ەمەس دەپ بىلەمىز! نەگە ءسىز انشىلەردىڭ شارۋاسىنا ارالاسىپ، الاشاپقىن بوپ جاتىرسىز؟! ءبىز سونى تۇسىنبەي وتىرمىز. بۇل ارەكەت-قىلىعىڭىز سىزدەي ۇلكەن مەملەكەت قايراتكەرىنە جاراسپايتىن شارۋا. انشىلەرگە تيەسىلى اقشاعا تەك ءسىزدىڭ بالاڭىز يەلىك ەتۋ كەرەك دەگەن وي سىزگە قايدان كەلگەن؟! ءبىز ءوز شارۋامىزدى ءوزىمىز شەشۋىمىز كەرەك، وزىمىزگە تيەسىلى قاراجاتتى ءوزىمىز تيىسىنشە جۇمساۋىمىز قاجەت. ەڭبەكتەن تۇسكەن قاراجات ءبىر قالتاعا، ناقتىراق ايتقاندا ءسىزدىڭ بالاڭىزعا ەمەس، مىڭ قالتاعا ياعني ماڭداي تەرىمەن تاۋىپ جۇرگەن انشىلەر مەن ءان وندەۋشىلەردىڭ قالتاسىنا ءتۇسۋ كەرەك. سىزدەن وسىنداي ارەكەتتەرىڭىزدى توقتاتۋدى تالاپ ەتەمىز!»، دەپ جازدى مەيرامبەك بەسباەۆ.

ءوز كەزەگىندە ءماجىلىس دەپۋتاتى ءانشىنىڭ ايىپتاۋىنا جاۋاپ بەرىپ تە ۇلگەردى. «Tengrinews.kz» سايتىنىڭ جازۋىنشا، ءماجىلىس دەپۋتاتى مەيرامبەك بەسباەۆتىڭ وزىمەن سويلەسىپ، بۇل ىسكە ءوزىنىڭ قاتىسى جوق ەكەنىن ايتقان.

پوحوجەە يزوبراجەنيە

باليەۆا: ەشتەڭە بىلمەيمىن، قاتىسىم جوق

«مەيرامبەكپەن سويلەستىم. ەشتەڭە بىلمەيمىن، قاتىسىم جوق. كۇنى بويى تەلەفون سوقتىم، تۇتقانى كوتەرمەدى. كەيىن الەۋمەتتىك جەلىدە سويلەستىك. "نەگە جالا جاباسىڭ؟ ءبىر نارسە ىستەپ جاتقانىمدى قايدان كوردىڭ؟ قۇجاتتاردىڭ ءبارىن كورىپ الىپ، ماعان تەلەفون سوقپايسىڭ با؟" دەدىم. ەندى كەلىستىك، ول ەرتەڭ قۇجاتتاردىڭ ءبارىن قارايدى، انىقتاپ الادى، قاجەت بولسا، سوسىن تاعى ءبىر پوست جازادى»، - دەدى زاعيپا باليەۆا.

ال جيىنعا قاتىسقان انشىلەر باق-قا پىكىر ايتىپ، بىرنەشە جىلدان بەرى تولەنبەي كەلگەن قالاماقىنىڭ تىم بولماسا جارتى سوماسى قايتارىلۋى كەرەكتىگىن تالاپ قىلىپتى. بۇل تۋرالى «Tengrinews.kz» سايتى جازدى.

كارتينكي پو زاپروسۋ جەڭىس ىسقاقوۆا

جەڭىس ىسقاقوۆا، قر ەڭبەك سىڭىرگەن قايراتكەرى:

-ءبىز سەنىپ، تىركەلىپ، سول ۇيىمعا مۇشە بولدىق. توعىز جىلدان بەرى قالاماقىنىڭ قايدا كەتكەنىن سۇرادىق. جيىندا «باسشىلىق ءبىزدىڭ الدىمىزدا جاۋاپ بەرە الماسا، زاڭ الدىندا جاۋاپ بەرسىن» دەپ ايتتىم.

وسى كۇنگە دەيىن ءبىزدىڭ قالاماقىمىزدى اقىرى قۇرتقان ەكەن، ەندى سونىڭ ەڭ بولماسا جارتىسىن قالپىنا كەلتىرىپ قور اشىلسىن. سەبەبى ەگدە جاستاعى ارتىستەر، جالپى ونەر ادامدارى ءبىر زەينەتاقىمەن وتىر. بىراق حالىقتىڭ الدىندا جاساعان ەڭبەگى زور ەمەس پە؟ ءبىز سول كىسىلەردىڭ ونەرىمەن وستىك. كەز كەلگەن جاعداي بولۋى مۇمكىن: بىرەۋى اۋىرىپ قالۋى مۇمكىن. قينالعان كەزدە، ناۋقاستانىپ قالعان انشىگە سونداي قور اشىلسا اقشا ءبولىنۋى كەرەك. بىراق ول ۇيىم ەندى انشىلەردىڭ سىياقىسىن قالپىنا كەلتىرە مە، جوق پا, كىم بىلەدى...

پوحوجەە يزوبراجەنيە

مۇقاسان شاحزاداەۆ، قر ەڭبەك سىڭىرگەن قايراتكەرى:

- ول ورىنداۋشىلىق قۇقىقتى قورعايتىن ۇيىم. قانشا جىل بويى انشىلەردىڭ سىياقىسىن تولەمەۋى تۋرالى جيىن بولدى. ونىڭ الدىندا تەك كىشىگىرىم اقى تولەنگەن. كەيىن 4-5 جىل بويى ەشقانداي قاراجات تولەنبەدى. كەيىنگى جىلدارى ەشقانداي سىياقى تولەنبەگەندىكتەن باستالعان داۋ. انشىلەر سول ۇيىمعا تىركەلەدى. ياعني، مەنىڭ ورىنداۋىمدا قانشا ءان بولسا، سونىڭ بارلىعى تىركەلەدى. سول اندەردىڭ قولدانىلۋىنا قاراي اقى تولەنەدى.

پوحوجەە يزوبراجەنيە

ومىرقۇل اينيازوۆ، قر ەڭبەك سىڭىگرەن قايراتكەرى:

- ۇيىم اشىلعالى اركىمگە ءارتۇرلى قارجى تۇسكەن. نەگىزى ماردىمسىز: بىرەۋگە 5 مىڭ، بىرەۋگە 10 مىڭ، ەڭ كوبى سول 30 مىڭ تەڭگەدەي تۇسكەن. سوڭعى ءبىر جىلدىقتا مۇلدە تولەنبەگەن. ول ۇيىمنىڭ ادامىن دا تانىمايمىز. ونىڭ باسشىسى ونەردى تۇسىنەتىن ادام بولۋى كەرەك دەپ ەسەپتەيمىز. بارلىعى اشىق تۇردە بولسا دەگەن وي. ءبىز قىرۋار قاراجات الساق دەپ ويلامايمىز ارينە. تەك بىزدەن كەيىن كەلە جاتقان جاس انشىلەر ءوز قۇقىقتارىن بىلسە دەيمىز.

Abai.kz

11 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3563