«اق جول» پارتياسىنىڭ مالىمدەمەسى
قازاقستاننىڭ «اق جول» دەموكراتيالىق پارتياسى
ورتالىق كەڭەسى پرەزيديۋمىنىڭ
مالىمدەمەسى
جاقىندا بىرقاتار بۇقارالىق اقپارات قۇرالدارى مەملەكەتتىك ءتىل ساياساتى تۋرالى جۇرتشىلىق وكىلدەرىنىڭ ۇندەۋىن جاريالادى. اتالعان ۇندەۋدىڭ توڭىرەگىندەگى قوعامدىق پىكىر-تالاستاردا ءارتۇرلى كوزقاراستاردىڭ ايتىلىپ جاتقانىنا بايلانىستى وسى قۇجاتتا كوتەرىلگەن ماسەلەلەر بويىنشا «اق جول» پارتياسىنىڭ ۇستانىمدارىن ايقىن بەلگىلەۋ قاجەت دەپ سانايمىز.
1. «اق جول» قدپ ورتالىق كەڭەسىنىڭ پرەزيديۋمى ۇندەۋدىڭ جالپى باعىتىن قولدايتىنىن بىلدىرەدى. ويتكەنى، قازاق ءتىلىنىڭ قازىرگى جاعدايى بۇكىل قازاقستاندىقتاردىڭ ايرىقشا نازار اۋدارۋىن تالاپ ەتەدى. ۇندەۋدىڭ اۆتورلارى وسى وتە جاۋاپتى ماسەلە بويىنشا ءوز ۇسىنىستارىن قوعام الدىندا جەتكىزۋگە تولىق قۇقى بار. وكىنىشكە وراي، كەيبىر ازاماتتار مۇنداي ۇستانىممەن كەلىسپەي، پىكىر-سايىستى مەملەكەتتىك تىلگە وشپەندىلىك بىلدىرۋگە پايدالانۋدا. «اق جول» پارتياسى مەملەكەتتىك ءتىل ماسەلەسىندە شىدامسىزدىقتى ايىپتايدى.
وسىعان بايلانىستى پارتيانىڭ ورتالىق كەڭەسىنىڭ پرەزيديۋمى پارتيا توراعاسى ا. پەرۋاشەۆتىڭ وسى قۇجات بويىنشا بۇقارالىق اقپاراتتىق قۇرالدارىندا ايتقان ۇستانىمىن تۇتاستاي جانە تولىق قولدايدى.
قازاقستاننىڭ «اق جول» دەموكراتيالىق پارتياسى
ورتالىق كەڭەسى پرەزيديۋمىنىڭ
مالىمدەمەسى
جاقىندا بىرقاتار بۇقارالىق اقپارات قۇرالدارى مەملەكەتتىك ءتىل ساياساتى تۋرالى جۇرتشىلىق وكىلدەرىنىڭ ۇندەۋىن جاريالادى. اتالعان ۇندەۋدىڭ توڭىرەگىندەگى قوعامدىق پىكىر-تالاستاردا ءارتۇرلى كوزقاراستاردىڭ ايتىلىپ جاتقانىنا بايلانىستى وسى قۇجاتتا كوتەرىلگەن ماسەلەلەر بويىنشا «اق جول» پارتياسىنىڭ ۇستانىمدارىن ايقىن بەلگىلەۋ قاجەت دەپ سانايمىز.
1. «اق جول» قدپ ورتالىق كەڭەسىنىڭ پرەزيديۋمى ۇندەۋدىڭ جالپى باعىتىن قولدايتىنىن بىلدىرەدى. ويتكەنى، قازاق ءتىلىنىڭ قازىرگى جاعدايى بۇكىل قازاقستاندىقتاردىڭ ايرىقشا نازار اۋدارۋىن تالاپ ەتەدى. ۇندەۋدىڭ اۆتورلارى وسى وتە جاۋاپتى ماسەلە بويىنشا ءوز ۇسىنىستارىن قوعام الدىندا جەتكىزۋگە تولىق قۇقى بار. وكىنىشكە وراي، كەيبىر ازاماتتار مۇنداي ۇستانىممەن كەلىسپەي، پىكىر-سايىستى مەملەكەتتىك تىلگە وشپەندىلىك بىلدىرۋگە پايدالانۋدا. «اق جول» پارتياسى مەملەكەتتىك ءتىل ماسەلەسىندە شىدامسىزدىقتى ايىپتايدى.
وسىعان بايلانىستى پارتيانىڭ ورتالىق كەڭەسىنىڭ پرەزيديۋمى پارتيا توراعاسى ا. پەرۋاشەۆتىڭ وسى قۇجات بويىنشا بۇقارالىق اقپاراتتىق قۇرالدارىندا ايتقان ۇستانىمىن تۇتاستاي جانە تولىق قولدايدى.
2. مەملەكەت قازاق ءتىلىن تاراتۋ جونىندە كۇش-جىگەر جۇمساپ كەلەدى، سونىڭ ناتيجەسىندە ءتىلدى مەڭگەرۋشىلەردىڭ سانى جىل سايىن تۇراقتى تۇردە وسۋدە. جانە ول ءوسىم تەك جاس قازاقستاندىقتاردىڭ ەسەبىنەن ەمەس، سونىمەن قاتار انا ءتىلىن بىرتىندەپ مەڭگەرىپ جاتقان ورتا جاستاعى ورىس ءتىلدى قازاقتاردىڭ ەسەبىنەن دە كوبەيۋدە.
مۇنداي قارىشتى قادامداردىڭ ماڭىزدى كەپىلى - ازاماتتاردىڭ ءوز تىلدەرىن پايدالانۋىنا تەڭ قۇقىعىنىڭ ساقتالۋىن قامتاماسىز ەتىپ، سونداي-اق ورىس ءتىلىن رەسمي ءتىل رەتىندە قۇجات اينالىمىندا قولدانۋدىڭ مۇمكىندىكتەرىن جاساعان مەملەكەتتىڭ ۇستامدى جانە ءتوزىمدى ءتىل ساياساتىن جۇرگىزۋىندە بولىپ وتىر.
3. دەگەنمەن دە تاۋەلسىزدىكتىڭ 20 جىلدىعى قارساڭىندا قوعام مەملەكەتتىك ءتىلدىڭ ناقتى مارتەبەسىن ودان ءارى كوتەرۋ جونىندە جاڭا مىندەتتەر قويۋعا تولىق قۇقىلى. بۇل ۋاقىت ىشىندە ءبىزدىڭ تاۋەلسىز مەملەكەتىمىزدە تۇتاس ءبىر ۇرپاق تۋىپ، ءوسىپ جەتىلدى. ولار ءۇشىن مەملەكەتتىك ءتىل ەلىمىزدىڭ مەملەكەتتىك ءانۇرانى نەمەسە قازاقستاننىڭ جالاۋى سياقتى اجىراماس ءتولسيپاتىنا اينالۋى كەرەك ەدى.
وكىنىشكە قاراي، رەسپۋبليكا ازاماتتارىنىڭ قازاق ءتىلىن يگەرۋ قارقىنى ءبىزدىڭ كۇتكەنىمىزدەن الدەقايدا تومەن. سوندىقتان «اق جول» قدپ قازاق ءتىلىنىڭ ءرولىن كوتەرۋ ماسەلەسى وزەكتى جانە ورىندى دەپ ەسەپتەيدى.
4. قازاقستاننىڭ «اق جول» دەموكراتيالىق پارتياسى قالىپتاسقان احۋال مەملەكەتتىك باعدارلامالاردىڭ تيىمدىلىگىنىڭ جەتكىلىكسىزدىگى، وكىلەتتى مەكەمەلەردىڭ جانە قازاق ءتىلىن ۇيرەتۋدىڭ ادىستەمەلىكتەرىنىڭ زامان تالاپتارىنا ساي ەمەستىگىنەن، مامانداردىڭ بەلسەندىلىگىنىڭ تومەندىگىنەن تۋىنداپ وتىر دەپ ەسەپتەيدى.
قازاق تىلىندەگى ناقتى عىلىمدار، تەحنيكا، ينفورماتيكا سالاسىن وقىتۋ دەڭگەيى كوپشىلىكتىڭ بۇگىنگى ۇمىتتەرىن اقتامايدى.
وسى باعىتتا شىن مانىندەگى العا جىلجۋشىلىق بولماسا، مەملەكەتتىك ءتىل ءوز ەلىندە ازاماتتاردىڭ ازشىلىعىنىڭ ءتىلى بولىپ، عىلىمي-تەحنيكالىق پروگرەستىڭ سىرتىندا قالىپ قويۋ قاۋپى بار.
5. سونىمەن قاتار، كەيبىر ازاماتتاردىڭ مەملەكەتتىك ءتىلدى مەڭگەرۋگە قۇلىقسىزدىعى دا ءوزىنىڭ كەرى اسەرىن قاتتى تيگىزۋدە. مۇنداي «كۇتە تۇرۋ» ۇستانىمى قازاقستاننىڭ مەملەكەتتىك تاۋەلسىزدىگىن جانە مەملەكەت قۇرۋشى ۇلت رەتىندە قازاق ۇلتىن قۇرمەتتەمەۋ كورسەتكىشى.
مۇنداي كوزقاراس ەلىمىزدىڭ تاريحي دامۋىنىڭ جانە بىزگە دەيىنگى كوپتەگەن بۋىندار كۇرەسىنىڭ زاڭدى ناتيجەسىندە كەلگەن تاۋەلسىزدىكتىڭ ماڭىزىن باعالاماۋ بولىپ تابىلادى.
ولاي بولسا، تاۋەلسىزدىكتىڭ 20 جىلدىعى - بۇل ءوز-وزىنە سىن كوزبەن قاراۋ، قازاق مەملەكەتى ينستيتۋتتارىنا جانە ءبىزدىڭ وتانداستارعا دەگەن قۇرمەت رەتىندە مەملەكەتتىك ءتىلدى يگەرۋگە ۇمتىلاتىن ناقتى سات. «اق جول» پارتياسى ۇندەۋ اۆتورلارىنىڭ ەلدىڭ بارلىق ازاماتتارىن مەملەكەتتىك ءتىلدى بەلسەندى مەڭگەرۋگە شاقىرۋىن قولدايدى.
6. «اق جول» دەموكراتيالىق پارتياسى ەلىمىزدە مەملەكەتتىك جانە ورىس ءتىلىن تولىق مەڭگەرگەن ەكى ءتىلدى قاۋىمداستىقتى قالىپتاستىرۋ ۇستانىمىن قولدايدى.
الايدا مەملەكەتتىك ءتىلدى يگەرۋ جانە ونى دامىتۋ «كەيىنگە قالدىرىلعان»، «ەكىنشى كەزەكتەگى» مىندەت دەپ ەمەس، مەملەكەتتىك قۇرىلىستىڭ ەڭ باسىم ماقساتتارىنىڭ ءبىرى دەپ قاراستىرىلۋى ءتيىس!
قازاقستاننىڭ «اق جول» دەموكراتيالىق پارتياسى مەملەكەتتىك ءتىلدىڭ تولىققاندى دامۋى جانە ونى ەلىمىزدىڭ بارلىق ازاماتتارىنىڭ مەڭگەرۋى ءار-ءبىر قازاقستاندىق ءۇشىن ەلدى اجىراتۋشى ەمەس، بىرىكتىرۋشى ماقسات بولۋى كەرەك دەپ سانايدى.
