ميللياردەردىڭ بالاسى ەرىككەن كۇنى كاسپي تەڭىزىندە بالىق اۋلاپ وتىرعان. قارماعىنىڭ قالىتقىسى بۇلكىلدەي باستاعاندا، تارتىپ قالىپ ەدى، قۇيرىعى كۇنگە شاعىلىسىپ، التىن بالىق جاعادا جارق-جۇرق ەتىپ جاتتى. كادىمگى ەرتەگىدەگى التىن بالىقتىڭ ءوزى! بىتتيعان بەتتەرىنىڭ اراسىنا مۇرىنى «جاسىرىنىپ» قالعان بايدىڭ بالاسى، قولىنا ۇستاي بەرىپ ەدى، التىن بالىق سويلەپ قويا بەردى.

- مىرزا، مەن التىن بالىقپىن عوي...

- بولساڭ قايتەيىن؟

- التىن بالىقپىن دەيمىن...

- نەمەنە، مەنى التىن كورمەدى دەپ پە ەدىڭ؟

- ءۇش تىلەگىڭىزدى ايتىڭىز، ورىندايىن. سوسىن مەنى جىبەرە سالىڭىز...

- مەندە تىلەك جوق...

- «مەملەكەتتىك ءتىل» دەگەندەرىڭىزبەن، قازاق تىلدەرىڭىز مۇگەدەك ەكەن. شالا قازاقتاردى قازاقشا سويلەتىپ  جىبەرەيىن بە؟

- زاچەم؟-دەپ ىڭىراندى ميللياردەردىڭ بالاسى.

- ورىستاردىڭ  «لاد» دەگەن قوزعالىسى تىلدەرىڭىزگە شابۋىل جاساي بەرەدى ەكەن. اۋىزدارىنا ايران قۇيا سالايىن با؟

- ماعان قىزىق ەمەس...

- التىن كەرەك پە؟

- يتاك ناۆالوم مەندە...

- ءۇش ەمەس، ءۇش ءجۇز تىلەك ايتىڭىزشى، اۋا جەتپەي بارا جاتىر...

- وي، نە نادو منە تىلەك...

- مۇناي بەرەمىن...

- مۇناي پاپامدا بار...

- قىمبا-ات ماركالى ماشينا بەرەيىن...

- جەر بەتىندەگى قىمبات ماشينا  وزىمدە... كەرەك ەمەس!

- اينالايىن... جىبەرشى مەنى... اتىڭ كىم؟

- تالتاڭباي...

- جاسىڭ نەشەدە؟

- جيىرما سەگىزدە.

ميللياردەردىڭ بالاسى ەرىككەن كۇنى كاسپي تەڭىزىندە بالىق اۋلاپ وتىرعان. قارماعىنىڭ قالىتقىسى بۇلكىلدەي باستاعاندا، تارتىپ قالىپ ەدى، قۇيرىعى كۇنگە شاعىلىسىپ، التىن بالىق جاعادا جارق-جۇرق ەتىپ جاتتى. كادىمگى ەرتەگىدەگى التىن بالىقتىڭ ءوزى! بىتتيعان بەتتەرىنىڭ اراسىنا مۇرىنى «جاسىرىنىپ» قالعان بايدىڭ بالاسى، قولىنا ۇستاي بەرىپ ەدى، التىن بالىق سويلەپ قويا بەردى.

- مىرزا، مەن التىن بالىقپىن عوي...

- بولساڭ قايتەيىن؟

- التىن بالىقپىن دەيمىن...

- نەمەنە، مەنى التىن كورمەدى دەپ پە ەدىڭ؟

- ءۇش تىلەگىڭىزدى ايتىڭىز، ورىندايىن. سوسىن مەنى جىبەرە سالىڭىز...

- مەندە تىلەك جوق...

- «مەملەكەتتىك ءتىل» دەگەندەرىڭىزبەن، قازاق تىلدەرىڭىز مۇگەدەك ەكەن. شالا قازاقتاردى قازاقشا سويلەتىپ  جىبەرەيىن بە؟

- زاچەم؟-دەپ ىڭىراندى ميللياردەردىڭ بالاسى.

- ورىستاردىڭ  «لاد» دەگەن قوزعالىسى تىلدەرىڭىزگە شابۋىل جاساي بەرەدى ەكەن. اۋىزدارىنا ايران قۇيا سالايىن با؟

- ماعان قىزىق ەمەس...

- التىن كەرەك پە؟

- يتاك ناۆالوم مەندە...

- ءۇش ەمەس، ءۇش ءجۇز تىلەك ايتىڭىزشى، اۋا جەتپەي بارا جاتىر...

- وي، نە نادو منە تىلەك...

- مۇناي بەرەمىن...

- مۇناي پاپامدا بار...

- قىمبا-ات ماركالى ماشينا بەرەيىن...

- جەر بەتىندەگى قىمبات ماشينا  وزىمدە... كەرەك ەمەس!

- اينالايىن... جىبەرشى مەنى... اتىڭ كىم؟

- تالتاڭباي...

- جاسىڭ نەشەدە؟

- جيىرما سەگىزدە.

- مەنەن ءبىر جاس كىشى ەكەنسىڭ... ىنىشەك، جىبەرە سالشى، ءۇستىم كەۋىپ بارادى...

- جىبەرمەسەم شە؟

- تىلەكتەرىڭدى ورىندامايمىن...

- ورىنداماي-اق قوي... مەندە ءبارى جەتەدى...

- يت ادام ەكەنسىز!-دەدى التىن بالىق جىلامسىراپ.

- نەمەنە، نەمەنە؟

- جۇرەگىڭىز مرامور ەكەن...

- كونچاي، ا؟ ماعان ەشتەڭەنىڭ كەرەگى جوق!

- ولاي بولسا، ءتاڭىر جارىلقاسىن، مەنى تەڭىزگە لاقتىرىپ جىبەرىڭىز...

- ءىشىم پىسىپ وتىر... كارتا ويناي الاسىڭ با؟

- وينايىن.

- قانداي ءتۇرىن؟ پرەفەرانس، كۇلىس...

- «قارا قاتىن»...

- كەتتىك!

بايدىڭ بالاسى قالتاسىنان  التىلىق ويىن كارتاسىن شىعاردى. التىن بالىق القىنىپ:

- ەگەر مەن جەڭىپ، ءسىز «قارا قاتىن» بولساڭىز، مەنى جىبەرەسىز بە؟

- كورەمىز...

ەكەۋى جاعادا كارتا ويناي باستادى. بايدىڭ بالاسى ۇتىلىپ، «قارا قاتىن» اتاندى. قۋانىپ كەتكەن التىن بالىق:

- قارا قاتىن، قارا قاتىن! نەگر قاتىن!-دەپ قۇيرىعىمەن مۇنىڭ بەتىنە شاپالاقتادى. سوسىن مۇڭايىپ:

- مەنى تەڭىزگە جىبەرىڭىزشى...-دەپ ءوتىندى.

- جىبەرمەيمىن...

- قاتىن ەكەنسىز عوي!

- نەمەنە، نەمەنە؟

- كەيبىر ەكى ءجۇزدى ايەلدەر سياقتى ەكەنسىز دەيمىن...

- كونچاي، ا؟ قازىر ۋىسىمدا تۇرسىڭ، ءبىر سىقسام، ىشەك-قارنىڭ اۋزىڭنان شىعا­دى!

- ءسىزدى دەپۋتات ەتىپ جىبەرەيىن...

- نەناۆيجۋ... ماۋباس دەپۋتاتتاردى...

- سەناتور...

- كەرەگى جوق.

- ەندى كىم بولعىڭىز كەلەدى؟

- قۇداي...

- كەشىرىڭىز، قۇداي ەتۋگە قۇدىرەتىم جەتپەيدى... ويتكەنى، قۇدايدىڭ ءوزى مەنى جاراتتى... -دەگەن التىن بالىق تالىقسىپ بارا جاتتى. سوسىن كوزدەرىن سىعىرايتىپ اشىپ:

- ىنىشەك، مەن ولگەن سوڭ، دەنەمدى  تەڭىزگە لاقتىرىپ جىبەرشى... «سۋ بالاسى سۋعا قاراپ وسەدى» دەيدى ءبىز جاقتا... -دەدى دە، جىبىر-جىبىر ەتىپ بارىپ، جۇرە بەردى...

- زاچەم؟-دەدى بايدىڭ بالاسى، --سەن ماعان ولگەن سوڭ عانا قىمباتسىڭ!

شىنىندا سولاي بولىپ شىقتى، ەشتەڭەنى كەرەك ەتپەيتىن كەڭكەلەسىمىز بالىق­تى كۇنگە كەپتىرىپ، قاقتادى دا، سىرتىنا لاك جاعىپ، جىلتىراتىپ، ايەلىنىڭ التىن  «تسەپوچكاسىنا»  تاعىپ قويدى... يت بالىق بولسا، لاقتىرىپ جىبەرەر ەدى، التىن بالىق قوي...

«اباي-اقپارات»