حالىق نەسيە ماسەلەسىنە الاڭداۋلى
ىندەتكە بايلانىستى حالىق نەسيە ماسەلەسىنە قاتتى الاڭداۋلى. "جۇمىس توقتادى، نەسيەمىزدى قالاي تولەيمىز؟" دەپ قينالىپ وتىر.
بۇل بيلىكتىڭ حالىق جاعدايىن ويلايتىنى راس بولسا، كرەديت ماسەلەسى جوعارى جاقتا تالقىلانىپ جاتقان بولار دەپ ويلايمىن.
ىندەت بولماي-اق، ءبىر اي، ءتىپتى بىرنەشە اي كرەديتتى تولەمەي قويۋ، كەشىكتىرىپ تولەۋ نەسيە الۋشىلاردىڭ كوپشىلىگىنە ءتان. الايدا، بۇل توتەنشە جاعداي 1 ايعا عانا سوزىلا ما، الدە ارى قاراي دا جالعاسۋى مۇمكىن بە، جالعاسقان جاعدايدا الەۋمەتتىك ماسەلەلەءردىڭ شەشىمدەرى قانداي بولماق، جالپى جاعدايعا بايلانىستى پروگنوز، ساراپتاما، بولجام، جوسپارلار قانداي؟ بۇل ماسەلەلەر تالقىلانىپ جاتقان شىعار دەپ ۇمىتتەنەمىن.
ال نەسيە ماسەلەسىنە الاڭداعان حالىقتىڭ الاڭى دا ورىندى. بۇل دا كوپ كەشىكتىرمەي شەشىم قابىلدايتىن ماسەلە. نەسيەنى تولەي الماعان ايلارعا وسىماقى (پەنيا) قوسپاۋ، تولەنبەگەن ايلاردىڭ قارىزىن باسقا ايلارعا ءبولىپ تاستاۋ، قايتا گرافيك (رەفينانسيروۆانيە) جاساۋ نەمەسە باسقا دا جولدارىن قاراستىرىپ، بيلىك بۇل ماسەلەنى شەشۋى ءتيىس جانە شەشەدى دەپ ويلايمىن.
ەسەپ-قيساپ جۇرگىزىپ، شەشۋ جولدارىن قاراستىرىپ جاتقان شىعار، كۇتەيىك. "جىلاماعان بالاعا ەمشەك جوق" دەمەكشى، حالىق ءوزى ءجيى بۇل ماسەلەنى كوتەرىپ، تالاپ ەتە بەرگەنى دۇرىس.
بۇل تۋرالى سىزدەردىڭ پىكىرلەرىڭىز قانداي؟
ساۋلە ابىلداحانقىزىنىڭ الەۋمەتتىك جەلىدەگى جازباسى
Abai.kz
