الماتىدا 22 ناۋرىزدا تەمىرجول جانە اۋە قوزعالىستارى تولىقتاي توقتاتىلادى
الماتى قالاسى اكىمىنىڭ ورىنباسارى ەرلان قوجاعاپانوۆ 22-ناۋرىزدا قالا تولىعىمەن جابىلاتىنىن مالىمدەدى.
ونىڭ ايتۋىنشا، الماتىلىقتارعا قالاعا ورالۋعا 72 ساعات بەرىلدى. ءدال وسى ۋاقىت ىشىندە وبلىس پەن وزگە ءوڭىر تۇرعىندارى قالادان شىعىپ ۇلگەرۋى كەرەك. ال 22 ناۋرىزدا الماتى تولىقتاي اۋە جانە تەمىرجول قوزعالىسىن توقتاتادى.
-22 ناۋرىزدا ساعات 00.00-دەن باستاپ تەمىرجول جانە اۋە قوزعالىستارى تولىقتاي توقتاتىلادى، - دەدى ول.
ايتا كەتەيىك، الماتىدا كارانتين 19 ناۋرىزدا ساعات 00.00-دەن باستاپ ەنەدى. سوڭعى مالىمەت بويىنشا، قازاقستاندا 36 ادام كوروناۆيرۋس جۇقتىرعان.
Abai.kz
