Abai.kz اقپاراتتىق پورتالىندا سوڭعى جىلدارى ەلىمىزدەگى قالىپتاسىپ وتىرعان رۋحاني جاعدايعا بايلانىستى ءدىني مازمۇنداعى ماقالالاردىڭ دۇركىن-دۇركىن جاريالانىپ كەلگەنى كوپشىلىككە ايان. اسىرەسە، حاق ءدىن ءھام ۇلتتىق مۇددەنى ءبىر-بىرىنە قارسى قويماي، قايتا قابىستىرا ءبىلۋ جولىندا پورتالىمىزدا وتكىر-وتكىر ماسەلەلەر كوتەرىلدى. ءدىن - تەولوگيالىق قۇبىلىس عانا ەمەس، ءتۇسىن بىلگەنگە قوعام تىنىشتىعىن قامتاماسىز ەتەتىن يلاھي تەتىك، سونداي-اق، ۇلتتىڭ جوعىن جوقتاپ، مەملەكەتىمىزدىڭ بىرتۇتاستىعىن ساقتاۋعا سەرپىن بەرەتىن رۋحاني  زور كۇش. وسى رەتتە حالقىمىزدىڭ عاسىرلار بويى رۋحاني سۋسىنداپ كەلگەن كاۋسار-بۇلاعى - يسلام ءدىنى تاۋەلسىزدىككە جاڭا قول جەتكىزگەن جاس مەملەكەتىمىزدىڭ قاناتى قاتايىپ، تۇعىرى نىعايا تۇسۋىنە ىقپال ەتۋى ءتيىستى-ءتىن. الايدا، تۋەلسىزدىكتىڭ العاشقى جىلدارىنداعى كەڭشىلىكتى ء(دىني بوساڭسۋدى) ۇتىمدى پايدالانا بىلگەن ءتۇرلى دەسترۋكتيۆتى جانە ەكسترەميستىك پيعىلداعى ءدىني توپتار رۋحاني قاجەتتىلىگىن وتەۋگە قاينار-كوز ىزدەگەن ازاماتتاردى تۇلكى بۇلاڭ، ايلا-شارعىعا سالىپ، وزىنە تارتىپ، حالىقتىڭ رۋحاني كەلبەتىن الاجاڭقا تۇرگە بولەدى. بۇل ءوز كەزەگىندە رۋحاني بولشەكتەنۋ عانا ەمەس، جاس مەملەكەتتىڭ بولاشاعىن بۇلدىر، كەلەشەگىن كومەسكى ەتەر بىردەن-ءبىر كەرىتارتپا فاكتور ەدى. جات پيعىلداعى ءدىني اعىمدار رۋحاني بىرلىكتى ءبىرجولاتا سەتىنەتۋ ءۇشىن حالىقتىڭ قانشاما عاسىرلار بويى قالىپتاسقان ءدىني نانىم-سەنىمىن جوققا شىعارۋدى كۇن تارتىبىنە قويىپ، وسى باعىتتتا ورشەلەنە جۇمىس ىستەدى.

Abai.kz اقپاراتتىق پورتالىندا سوڭعى جىلدارى ەلىمىزدەگى قالىپتاسىپ وتىرعان رۋحاني جاعدايعا بايلانىستى ءدىني مازمۇنداعى ماقالالاردىڭ دۇركىن-دۇركىن جاريالانىپ كەلگەنى كوپشىلىككە ايان. اسىرەسە، حاق ءدىن ءھام ۇلتتىق مۇددەنى ءبىر-بىرىنە قارسى قويماي، قايتا قابىستىرا ءبىلۋ جولىندا پورتالىمىزدا وتكىر-وتكىر ماسەلەلەر كوتەرىلدى. ءدىن - تەولوگيالىق قۇبىلىس عانا ەمەس، ءتۇسىن بىلگەنگە قوعام تىنىشتىعىن قامتاماسىز ەتەتىن يلاھي تەتىك، سونداي-اق، ۇلتتىڭ جوعىن جوقتاپ، مەملەكەتىمىزدىڭ بىرتۇتاستىعىن ساقتاۋعا سەرپىن بەرەتىن رۋحاني  زور كۇش. وسى رەتتە حالقىمىزدىڭ عاسىرلار بويى رۋحاني سۋسىنداپ كەلگەن كاۋسار-بۇلاعى - يسلام ءدىنى تاۋەلسىزدىككە جاڭا قول جەتكىزگەن جاس مەملەكەتىمىزدىڭ قاناتى قاتايىپ، تۇعىرى نىعايا تۇسۋىنە ىقپال ەتۋى ءتيىستى-ءتىن. الايدا، تۋەلسىزدىكتىڭ العاشقى جىلدارىنداعى كەڭشىلىكتى ء(دىني بوساڭسۋدى) ۇتىمدى پايدالانا بىلگەن ءتۇرلى دەسترۋكتيۆتى جانە ەكسترەميستىك پيعىلداعى ءدىني توپتار رۋحاني قاجەتتىلىگىن وتەۋگە قاينار-كوز ىزدەگەن ازاماتتاردى تۇلكى بۇلاڭ، ايلا-شارعىعا سالىپ، وزىنە تارتىپ، حالىقتىڭ رۋحاني كەلبەتىن الاجاڭقا تۇرگە بولەدى. بۇل ءوز كەزەگىندە رۋحاني بولشەكتەنۋ عانا ەمەس، جاس مەملەكەتتىڭ بولاشاعىن بۇلدىر، كەلەشەگىن كومەسكى ەتەر بىردەن-ءبىر كەرىتارتپا فاكتور ەدى. جات پيعىلداعى ءدىني اعىمدار رۋحاني بىرلىكتى ءبىرجولاتا سەتىنەتۋ ءۇشىن حالىقتىڭ قانشاما عاسىرلار بويى قالىپتاسقان ءدىني نانىم-سەنىمىن جوققا شىعارۋدى كۇن تارتىبىنە قويىپ، وسى باعىتتتا ورشەلەنە جۇمىس ىستەدى. ال، ءداستۇرلى ەمەس ءدىني اعىمداردىڭ ۋاعىز-ناسيحاتىنا يلانىپ، قۇلتەمىرگە اينالعان ازاماتتار حالقىمىزدىڭ باي مادەنيەتىن تەرىستەپ، جوققا شىعارا باستادى. مىنە، وسى قوجىراۋدان كەيىن، قازاق دالاسىنىڭ قاي تۇكپىرىنە بارساڭ دا ءداستۇرلى تۇسىنىكتەگى يسلامنىڭ جاناشىرلارى مەن دەسترۋكتيۆتى ءدىني  توپ وكىلدەرىنىڭ اراسىنداعى ايتىس-تارتىستى كورەتىن بولدىق. بارا-بارا بۇل قالىپتى جاعدايعا اينالا باستادى. قاراما-قايشىلىق بار جەردە ەلدىڭ بىرلىگىنە سىزات تۇسەتىنى ايتپاسا دا تۇسىنىكتى-ءتىن.

دەسترۋكتيۆتى ءدىني توپتاردىڭ ەلىمىزدىڭ اۋماعىندا الشاڭداي باسىپ، ەركىن ءجۇرىپ-تۇرۋىنا ءدىن حاقىنداعى زاڭىمىزدىڭ سولقىلداقتىعى عانا اسەر ەتكەن جوق. سونىمەن قاتار، جەتپىس جىلدىق اتەيستىك ءداۋىردىڭ سالدارى سانالاتىن ءدىني ساۋاتسىزدىق تا حالىقتىڭ جات پيعىلدى ءدىني اعىمداردىڭ جەتەگىندە كەتۋىنە تۇرتكى بولدى. كەڭەستىك كەزەڭدە رۋحاني تامىرىنان اجىراپ قالعان حالىق توقسانىنشى جىلدارى ءدىني سەنىمگە بوستاندىق العان  جىلدارى ءدىني تالداۋ جاساماستان، سارالاماي باس-كوز جوق جاستاردى يسلام ەلدەرىنە وقۋعا جىبەرە باستادى. قالا بەردى، ەل اۋماعىنا ەنگەن ءداستۇرلى ەمەس ءدىني توپتار جۇرتىمىزدى جادىلاپ، جاستارىمىزدى جات ءدىني سەنىمنىڭ ۇرانشىسىنا اينالدىردى. جيىرما جىل بويى وسى ماسەلەگە جالپاق-شەشەيلىك تانىتىپ، سامارقاۋ قاراپ كەلدىك. ناتيجەسىندە، بۇرىن الىس شەت ەلدەردەن ەستيتىن «يسلام ەكترەميزمى»، «يسلام تەرورريزمى» دەگەن سەكىلدى قۇبىجىق تۇسىنىكتەر، بۇگىن مىنە مەملەكەتىمىزدىڭ تۇتاستىعىنا سەلكەۋ ءتۇسىرىپ، وتانىمىزدىڭ تىنىشتىعىن كەتىرىپ وتىر.

ءبىز ەلىمىزدە بولىپ جاتقان ءدىني ۇدەرىسىتى سارالاي كەلىپ، قوعامدى بۇل دەرتتەن ايىقتىرۋدىڭ بىردەن-ءبىر جولى ءداستۇرلى يسلام قۇندىلىقتارىمەن حالىقتى ءدىني ساۋاتتىندىرۋىمىز كەرەك دەپ شەشتىك. ءدىني سەنىمى مىعىم ەلدى سىرتتان جاۋ الا المايدى. وسى باعىتتا Abai.kz پورتالىنىڭ قۇرامىنان ءدىني اقپاراتتار تاراتاتىن ءھام ءداستۇرلى يسلام پاندەرىنىڭ نەگىزىندە ءدىني ساۋات اشاتىن Hak.kz (http://www.haq.abai.kz/ ) سايتىن اشىپ وتىرمىز. ەنشىلەس سايتىمىز نەگىزىنەن يسلام تاريحى مەن فيلوسوفياسى، فيكھ پەن اقيدا، ءتاپسىر مەن حاديستانۋ سەكىلدى ايدارلار بويىنشا مالىمەت تاراتۋدى قولعا الماقشى. اللا ءساتىن سالىپ، جاس مەملەكەتىمىزدىڭ ءبىر ۋىعىن كوتەرىسىپ، شيەلەنىسكەن ءدىني ماسەلەلەردىڭ وڭ شەشىمىن تابۋىنا ىقپال ەتىپ جاتساق، ۇكىلى ءۇمىتىمىزدىڭ اقتالعانى دەپ بىلەمىز. ەندەشە، الاش جۇرتى قوش كەلدىڭىزدەر Haq.kz سايتىنا!

«اباي-اقپارات»