«قازاقستان الەۋمەتتىك مەديتسينالىق ساقتاندىرۋ قورى» باسقارما توراعاسى ايباتىر جۇماعۇلوۆ كوروناۆيرۋس جۇقتىرىپ، ەم الىپ جاتقان قازاقستاندىقتاردىڭ ەمىنە قانشا قاراجات جۇمسالىپ جاتقانى تۋرالى ساۋالعا جاۋاپ بەردى. قور باسشىسىمەن جۋرناليست ارمانجان بايتاسوۆ Instagram جەلىسىندە سۇحبات جۇرگىزدى،- دەپ حابارلايدى Azattyq-ruhy سايتى. 

ونلاين كونفەرەنتسيادا قور جەتەكشىسى «COVID-19 ۆيرۋسىمەن كۇرەسكە رەسپۋبليكالىق بيۋدجەتتەن 55,9 ملرد تەڭگە بولىنگەنىن ايتتى.  ونىڭ ىشىندە ينفەكتسيالىق، پروۆيزورلىق جانە كارانتيندىك ستاتسيوناردا جاتقانداردىڭ ەمىنە 14,7 ملرد تەڭگە جۇمسالعان. ال دياگنوستيكالىق زەرتتەۋلەرگە - 5,4 ملرد تەڭگە، كورونوۆيرۋسپەن كۇرەسىپ جاتقان مەديتسينا قىزمەتكەرلەرىنە ۇستەمەاقى رەتىندە 35,8 ملرد تەڭگە قاراستىرىلعانى بەلگىلى بولدى.

«COVID-19 ۆيرۋسىنىڭ قازاقستاندا تاراماۋىن قامتاماسىز ەتۋ ءۇشىن تج كەزەڭىندە تولەمدەر جاساۋ ءۇشىن ارنايى لوت قاراستىرىلعان. مۇنىڭ اياسىندا 3 نەگىزگى باعىت بەلگىلەندى: ينفەكتسيالىق، پروۆيزورلىق جانە كارانتيندىك ستاتسيونارلىق. ودان تىس، وسى ىندەتتە باسىن قاتەرگە تىككەن مەديتسينا قىزمەتكەرلەرىنىڭ تابىسىنا قوسىمشا اقى تولەۋ، ەپيدەمياعا قارسى دياگنوستيكالىق زەرتتەۋلەردى قارجىلاندىرۋ مىندەتتەلدى»، - دەيدى ايباتىر جۇماعۇلوۆ.

قر دەنساۋلىق ساقتاۋ مينيسترلىگىنىڭ بۇيرىعىمەن كوروناۆيرۋسپەن كۇرەستە ناۋقاستارعا بولىنەتىن قاراجات كولەمى:

1. كارانتيندىك ستاتسيوناردا جاتقان ناۋقاس ءۇشىن - 10 413, 96 تەڭگە;

2. پروۆيزورلىق ستاتسيوناردا جاتقان ناۋقاس ءۇشىن - 11 619, 80 تەڭگە;

3.ينفەكتسيالىق كلينيكادا ەم قابىلداپ جاتقان ناۋقاس ءۇشىن - 15 113, 34 تەڭگە;

«ەگەر ناۋقاستان كوروناۆيرۋس دياگنوزى انىقتالسا، ول ينفەكتسيالىق ستاتسيونارعا ەم قابىلداۋ ءۇشىن جاتقىزىلادى. ەگەر ادامدا جرۆي سيمپتومى نەمەسە پنەۆمونيا بەلگىلەرى كەزدەسسە، پروۆيزورلىق ستاتسيونارعا جاتادى. ول باقىلاۋعا الىنىپ، ەم قابىلدايدى. ال كوروناۆيرۋس جۇقتىرعان اداممەن قارىم-قاتىناستا بولىپ، وسى ىندەت تاراعان شەت مەملەكەتتەن كەلگەن تۇلعا بولسا، كارانتيندىك ستاتسيوناردا باقىلاۋعا الىنادى. ولاردىڭ بارلىعىنا الەۋمەتتىك مەديتسينالىق ساقتاندىرۋ قورىنان قاراجات قاراستىرىلعان»،- دەدى باسقارما توراعاسى.

قازاقستان الەۋمەتتىك مەديتسينالىق ساقتاندىرۋ قورىنا 2020 جىلدىڭ ءساۋىر ايىنداعى كورسەتكىش بويىنشا 250 ملرد تەڭگە قارجى جينالعان. باسقارما باسشىسىنىڭ ايتۋىنشا، COVID-19 ۆيرۋسىمەن كۇرەسكە جۇمىلدىرىلعان مەديتسينا قىزمەتكەرلەرىنە بيىل ناۋرىز ايىندا 3 ملرد تەڭگە ۇستەماقى تولەنگەن. ەلدە 17 مىڭ اق حالاتتى جالاقىسىنان بولەك، قوسىمشا ساقتاندىرۋ قاراجاتىن العان. ولاردىڭ 50 پايىزى الماتى مەن نۇر-سۇلتان قالالارىندا جۇمىس ىستەيتىن ماماندار. ال ءساۋىر ايىندا بۇل تولەمدەر ەكى ەسەلەنۋى مۇمكىن. سەبەبى، كونوناۆيرۋستىڭ تارالۋى بۇل ايدا تىم بەلسەندى ءجۇردى دەدى ايباتىر جۇماعۇلوۆ.

Abai.kz