قازاقستان رەسپۋبليكاسى مادەنيەت جانە سپورت مينيسترلىگىنىڭ
ONLINEda bol جوباسى اياسىندا ءتىل ساياساتى كوميتەتىنىڭ تاپسىرىسىمەن
كوپشىلىكتىڭ سۇرانىسى بويىنشا شايسۇلتان شاياحمەتوۆ اتىنداعى «ءتىل-
قازىنا» ۇلتتىق عىلىمي-پراكتيكالىق ورتالىعى «جاڭا ءالىپبي نەگىزىندەگى
ۇلتتىق جازۋدىڭ جاڭعىرۋى» تاقىرىبىندا ونلاين دارىستەردىڭ ەكىنشى كەزەڭىن
باستادى.

28 ءساۋىر كۇنى ونلاين دارىستەردىڭ ءبىرىنشى كۇنى شايسۇلتان شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعىنىڭ عالىم حاتشىسى انار فازىلجانوۆا «ي مەن ۋ-دى جاڭا الىپبيدە ءبىر تاڭبامەن بەرۋدىڭ فونەتيكالىق نەگىزدەرى» تاقىرىبىن تارقاتتى.

عالىم وتكەن اپتادا ونلاين ءدارىس وتكىزگەن ا.بايتۇرسىنۇلى اتىنداعى ءتىل
ءبىلىمى ينستيتۋتىنىڭ باس عىلىمي قىزمەتكەرى نۇرگەلدى ماقاجانۇلى ءۋاليدىڭ
يدەيالارىن جالعاستىرىپ، لاتىن الىپبيىنە كوشكەندە ي، ۋ دىبىستارىن ءبىر
تاڭبامەن قالدىرۋدىڭ فونەتيكالىق نەگىزدەرىن تالداپ بەردى.

عالىم انار فازىلجانوۆا جەتىلدىرىلگەن ءالىپبي جوباسىندا باسقا
ارىپتەردىڭ دىبىستىق ءمانى ءبىر عانا فونەمانى بىلدىرسە، İi (ي،ي) مەن Uu (ۋ)
ارىپتەرى كۇردەلى دىبىستىق ءماندى بىلدىرەتىنىن ايتا وتىرىپ، Uu(ۋ) ءارپى
داۋىسسىزدان كەيىن تۇرعاندا ۇۋ، ءۇۋ، ىۋ، ءىۋ دىبىس تىركەسىن جانە داۋىسسىز ۋ-
دى، ال İi(ي،ي) ءارپى داۋىسسىزدان كەيىن ىي، ءىي دىبىس تىركەسىن جانە داۋىسسىز ي-
ءدى تاڭبالايتىنىن ءتۇسىندىردى. بۇلاي جازۋ كيريل گرافيكاسىنان بەرى
قالىپتاسىپ، قازىرگى قازاق جازارمانىنىڭ ساناسىندا بازالىق نورما رەتىندە
ابدەن ورنىققاندىقتان، ءبىر عانا تاڭبامەن جازۋدا قاتە جىبەرمەيتىنىن، سۇۋ،
بۇۋ، تۇۋ، ءىيت سياقتى سوزدەردى ەكى ارىپپەن جازعاندا ورفوەپياعا نۇقسان
كەلمەيتىنىن اتاپ ءوتتى.

ءدارىستى ونلاين رەجيمىندە 139 ادام تىڭداپ، سۇراقتار قويدى. ءدارىس
سوڭىندا كوكەيدە جۇرگە ساۋالدارعا پىكىرلەر ايتىلدى. ونلاين كۋرس Facebook
الەۋمەتتىك جەلىسىندە ONLINEda bol توبى ارقىلى تىكلەي ەفيردە كورسەتىلدى.

Abai.kz