شىعىس قازاقستان وبلىسى، اباي اۋدانىندا  ۇلى اقىننىڭ دارىندى شاكىرتتەرى اقىلباي ابايۇلى، كوكباي جاناتايۇلى 150 جىلدىعى، ابىز اقىن، ەلباسىنا باتا بەرگەن شاكىر ابەنۇلىنىڭ 110 جىلدىعى اتالىپ ءوتتى.

مەرەيتويعا وراي وتكىزىلگەن عىلىمي،  مادەني شارالار قاتارىندا ەلەۋلى ساتتەردىڭ ءبىرى - 25 جىل عۇمىرىن ابايمەن بىرگە وتكىزگەن سەرىكتەس، ادال دوسى، ءداستۇرىن جالعاستىرۋشى اقىن، ۇستاز كوكباي جاناتايۇلى مۇراجايىنىڭ اشىلۋى بولدى.

رۋحاني ورتالىق، شەجىرەلى شىڭعىس ايماعى، ۇلىلار مەكەنى وسىدان 14 جىل بۇرىن تاعى ءبىر مادەني وشاقپەن ورنى تولعان ەدى. 1997 جىلى قىركۇيەك ايىندا كوكبايدىڭ مەشىت-مەدرەسەسىنىڭ كورمە ەكسپوزيتسياسى العاش كەلۋشىلەرىنە ەسىگىن اشسا، بيىل كوكباي اقىننىڭ 150 جىلدىعىنا  وراي  ەكسپوزيتسيا قايتا جاڭارتىلىپ، مۇراجاي بولىپ اشىلدى.

كوكباي جاناتايۇلىنىڭ تۋعانىنا 150 جىل تولۋىنا وراي ابايدىڭ مەملەكەتتىك قورىق-مۇراجايىنىڭ ءبولىمى رەتىندە اشىلعان مۇراجايدىڭ اشىلۋ سالتاناتىنا عالىمدار، اقىن ۇرپاقتارى، وبلىس، اۋدان اكىمشىلىگى، زيالى قاۋىم جانە اۋىل جۇرتشىلىعى قاتىستى.

سالتاناتتى اباي قورىق-مۇراجايىنىڭ ديرەكتورى، ف.ع.ك.، دوتسەنت اۋباكىر جاندوس ماعازبەكۇلى العى سوزىمەن اشتى.

قۇتتىقتاۋ ءسوز جازۋشى، جۋرناليست، قوعام جانە مادەنيەت قايراتكەرى س.ش.ورازالين،  شقو اكىمىنىڭ ورىنباسارى ت.ت.تۇسىپبەكوۆ، اباي اۋدانىنىڭ اكىمى ت.ج.مۇساپىربەكوۆ جانە امانگەلدى احمەتقاليۇلى باستاتقان اقىن ۇرپاقتارىنا بەرىلدى.

شىعىس قازاقستان وبلىسى، اباي اۋدانىندا  ۇلى اقىننىڭ دارىندى شاكىرتتەرى اقىلباي ابايۇلى، كوكباي جاناتايۇلى 150 جىلدىعى، ابىز اقىن، ەلباسىنا باتا بەرگەن شاكىر ابەنۇلىنىڭ 110 جىلدىعى اتالىپ ءوتتى.

مەرەيتويعا وراي وتكىزىلگەن عىلىمي،  مادەني شارالار قاتارىندا ەلەۋلى ساتتەردىڭ ءبىرى - 25 جىل عۇمىرىن ابايمەن بىرگە وتكىزگەن سەرىكتەس، ادال دوسى، ءداستۇرىن جالعاستىرۋشى اقىن، ۇستاز كوكباي جاناتايۇلى مۇراجايىنىڭ اشىلۋى بولدى.

رۋحاني ورتالىق، شەجىرەلى شىڭعىس ايماعى، ۇلىلار مەكەنى وسىدان 14 جىل بۇرىن تاعى ءبىر مادەني وشاقپەن ورنى تولعان ەدى. 1997 جىلى قىركۇيەك ايىندا كوكبايدىڭ مەشىت-مەدرەسەسىنىڭ كورمە ەكسپوزيتسياسى العاش كەلۋشىلەرىنە ەسىگىن اشسا، بيىل كوكباي اقىننىڭ 150 جىلدىعىنا  وراي  ەكسپوزيتسيا قايتا جاڭارتىلىپ، مۇراجاي بولىپ اشىلدى.

كوكباي جاناتايۇلىنىڭ تۋعانىنا 150 جىل تولۋىنا وراي ابايدىڭ مەملەكەتتىك قورىق-مۇراجايىنىڭ ءبولىمى رەتىندە اشىلعان مۇراجايدىڭ اشىلۋ سالتاناتىنا عالىمدار، اقىن ۇرپاقتارى، وبلىس، اۋدان اكىمشىلىگى، زيالى قاۋىم جانە اۋىل جۇرتشىلىعى قاتىستى.

سالتاناتتى اباي قورىق-مۇراجايىنىڭ ديرەكتورى، ف.ع.ك.، دوتسەنت اۋباكىر جاندوس ماعازبەكۇلى العى سوزىمەن اشتى.

قۇتتىقتاۋ ءسوز جازۋشى، جۋرناليست، قوعام جانە مادەنيەت قايراتكەرى س.ش.ورازالين،  شقو اكىمىنىڭ ورىنباسارى ت.ت.تۇسىپبەكوۆ، اباي اۋدانىنىڭ اكىمى ت.ج.مۇساپىربەكوۆ جانە امانگەلدى احمەتقاليۇلى باستاتقان اقىن ۇرپاقتارىنا بەرىلدى.

اقىن مۇراجايىنىڭ قازاق مادەنيەتىندەگى الاتىن ورنىنا توقتالعان شقو اكىمىنىڭ ورىنباسارى ت.ت.تۇسىپبەكوۆ: «كوكباي اقىننىڭ ءوزىنىڭ قولىنىڭ تابى بار عيمارات ەرەكشە باعالانۋعا ءتيىس. بۇل - مۇرالاردىڭ ىشىندەگى مۇراسى»، - دەپ باعا بەردى.

لەنتانى قيىپ، مۇراجايدى اشۋ قۇرمەتى شقو اكىمىنىڭ ورىنباسارى ت.ت.تۇسىپبەكوۆ، جازۋشى، جۋرناليست س.ش.ورازالين جانە قر پرەزيدەنت اكىمشىلىگى اپپاراتىنان كەلگەن ءا.اسقاروۆقا بەرىلدى.

مەرەيتوي سالتاناتى كوكباي مۇراجايىمەن تانىسۋمەن ۇلاستى. مۇراجاي ەكسپوزيتسياسى جاڭادان تابىلعان دەرەكتەرمەن، اتاپ ايتقاندا كوكبايدىڭ ءوز ەلىندە بي، ۋەزدىك زەمستۆوسىنىڭ مۇشەسى بولعاندىعى تۋرالى قۇجاتتارمەن تولىقتى. اقىننىڭ الاش ارىستارىمەن بايلانىسى، كوكباي مەدرەسەسىنەن ءتالىم العان شاكىرتتەرى تۋرالى دەرەكتەر دە كەلۋشىلەر نازارىنا ۇسىنىلدى.

زامان تالابىنا ساي جابدىقتالعان ەكسپوزيتسيانىڭ جاڭادان قوسىلعان ءبولىمى - شاكىرت بۇرىشى. مۇندا سول زامان مەدرەسەسىنىڭ شاكىرتتەرى تۋرالى فوتوسۋرەتتەر، وقۋلىقتار، پايدالانعان زاتتارى قويىلعان.

اشىلۋعا كەلگەن قوناقتارعا اباي قورىق-مۇراجايىنىڭ مەرەيتويعا ازىرلەپ شىعارعان باسپا ونىمدەرى - «كوكبايدىڭ مەشىت-مەدرەسەسى»، «كوكباي جاناتايۇلى - 150 جىل»، «اقىلباي ابايۇلى - 150 جىل»، «شاكىر ابەنۇلى - 110 جىل» بۋكلەتتەرى سىيعا تارتىلدى.

«اباي-اقپارات»