جىلاۋدىڭ دا ءتۇر-ءتۇرى بار. جەڭىلىستىڭ اششى ءدامىن تاتقاندار قامىعىپ جىلايدى. بىرەۋ جوقتىقتان تارىعىپ جىلايدى. شاتتىققا بولەنىپ، تەبىرەنىپ جىلايتىندار بار. الەم چەمپيوناتىنداعى يليانىڭ كوز-جاسى - تاۋەلسىزدىكتىڭ 20 جىلدىعىنا جاساعان كەرەمەت سىيى. باۋىرمال قازاق دالاسىنا دەگەن ريزاشىلىقتان تۋعان سەزىمى. ونىڭ ءبارىن كوزىمىز كوردى. سەبەبى، پاريج تورىندەگى الەم چەمپيوناتى ساڭلاقتارىمىزدى اياقتان شالۋعا كەلگەندە تارتىنىپ قالمادى. ول از دەسەڭىز، ۇيىمداستىرۋشىلاردىڭ قازاقستاننىڭ مەملەكەتتىك ءانۇرانىن قويۋدىڭ ورنىنا، كسرو-نىڭ گيمنىن شىرقاتىپ جىبەرگەنىن قالاي ۇمىتارمىز؟! سولاي بولا تۇرا، قىزىلوردانىڭ ورەنى قارا نارداي توزىمدىلىكپەن قارسىلاستارىنان قارا ءۇزىپ شىقتى. بەيجىڭ وليمپياداسىندا بوركىمىزدى اسپانعا اتتىرعان 226 كەلى، بۇل جولى دا لوندون وليمپياداسىنا باستار جولدى ايقىنداپ بەردى. قازاق دالاسىنىڭ شاڭىنا اۋناپ، ساف اۋاسىنان قۋات العان يليا ءۇش دۇركىن الەم چەمپيونى اتاندى. بۇل - ەلىمىزدىڭ سپورت تاريحىنداعى جاڭا بەلەس. باسىڭدى اينالدىرار تولاعاي تابىس. بىراق تالابى تاۋداي ۇلان تابيعات بەرگەن مىنەزدەن اۋىتقىمادى. تۇعىردىڭ ەڭ بيىك ساتىسىندا تۇرىپ، ەلىمىزدىڭ ءانۇرانى شىرقالعاندا كوز جاسىنا ەرىك بەردى. كەز كەلگەننىڭ قولىنان كەلمەس جۇرەك تەبىرەنتەر ءساتتى قازاق حالقى ولسە ۇمىتار ما؟ تۋعان دالاسىنا، دارقان حالقىنا دەگەن رياسىز جۇرەكتىڭ ءلۇپىلى وسىنداي-اق بولار. ايتپەسە، كوك تۋىمىزدى لاقتىرىپ جىبەرىپ، انۇرانعا "ەلتىگەندەردى" دە كورگەنبىز. اللا سوندايلاردان ساقتاسىن!

جىلاۋدىڭ دا ءتۇر-ءتۇرى بار. جەڭىلىستىڭ اششى ءدامىن تاتقاندار قامىعىپ جىلايدى. بىرەۋ جوقتىقتان تارىعىپ جىلايدى. شاتتىققا بولەنىپ، تەبىرەنىپ جىلايتىندار بار. الەم چەمپيوناتىنداعى يليانىڭ كوز-جاسى - تاۋەلسىزدىكتىڭ 20 جىلدىعىنا جاساعان كەرەمەت سىيى. باۋىرمال قازاق دالاسىنا دەگەن ريزاشىلىقتان تۋعان سەزىمى. ونىڭ ءبارىن كوزىمىز كوردى. سەبەبى، پاريج تورىندەگى الەم چەمپيوناتى ساڭلاقتارىمىزدى اياقتان شالۋعا كەلگەندە تارتىنىپ قالمادى. ول از دەسەڭىز، ۇيىمداستىرۋشىلاردىڭ قازاقستاننىڭ مەملەكەتتىك ءانۇرانىن قويۋدىڭ ورنىنا، كسرو-نىڭ گيمنىن شىرقاتىپ جىبەرگەنىن قالاي ۇمىتارمىز؟! سولاي بولا تۇرا، قىزىلوردانىڭ ورەنى قارا نارداي توزىمدىلىكپەن قارسىلاستارىنان قارا ءۇزىپ شىقتى. بەيجىڭ وليمپياداسىندا بوركىمىزدى اسپانعا اتتىرعان 226 كەلى، بۇل جولى دا لوندون وليمپياداسىنا باستار جولدى ايقىنداپ بەردى. قازاق دالاسىنىڭ شاڭىنا اۋناپ، ساف اۋاسىنان قۋات العان يليا ءۇش دۇركىن الەم چەمپيونى اتاندى. بۇل - ەلىمىزدىڭ سپورت تاريحىنداعى جاڭا بەلەس. باسىڭدى اينالدىرار تولاعاي تابىس. بىراق تالابى تاۋداي ۇلان تابيعات بەرگەن مىنەزدەن اۋىتقىمادى. تۇعىردىڭ ەڭ بيىك ساتىسىندا تۇرىپ، ەلىمىزدىڭ ءانۇرانى شىرقالعاندا كوز جاسىنا ەرىك بەردى. كەز كەلگەننىڭ قولىنان كەلمەس جۇرەك تەبىرەنتەر ءساتتى قازاق حالقى ولسە ۇمىتار ما؟ تۋعان دالاسىنا، دارقان حالقىنا دەگەن رياسىز جۇرەكتىڭ ءلۇپىلى وسىنداي-اق بولار. ايتپەسە، كوك تۋىمىزدى لاقتىرىپ جىبەرىپ، انۇرانعا "ەلتىگەندەردى" دە كورگەنبىز. اللا سوندايلاردان ساقتاسىن! جارىستان سوڭ يليانىڭ قۋانىشتان ەنتىگىن باسا الماي: «بۇل جەڭىسىمدى تاۋەلسىزدىكتىڭ 20 جىلدىعىنا ارنايمىن. بۇل - حالىقتىڭ، ەلدىڭ جەڭىسى. قازاقستاننان دا ءۇش دۇركىن الەم چەمپيونى شىعاتىن كۇن، مىنە، جەتتى. ەندى ەكى دۇركىن وليمپيادا چەمپيونىن شىعارايىق!» - دەدى. باتىر ۇلعا ءسات-ساپار تىلەيىك اعايىن.

«ماسا-اقپارات»