ءاي، وسى ءبىزدىڭ اكىم-قارالاردا ەس بولسايشى. ءبىزدىڭ ەلدە اكىم دەسە، كوز الدىڭىزعا اينالاسىنا اكىرەڭدەگەن، شىكىرەيگەن، جاندايشاپتارى جاپىرىلىپ جانىنان قالمايتىن، اقىماق بولسا دا اقىلدى ادامنىڭ كەيپىن كورسەتىپ، جازىپ بەرگەن دايىن دۇنيەنىڭ ءوزىن ەجىكتەپ ارەڭ وقيتىن، كۇلدىرگى اڭگىمەنىڭ كەيىپكەرىندەي ءبىر جان ەلەستەي قالادى. سونداي اكىمنىڭ ءبىرى - الماتى وبلىسىن باسقارىپ وتىرعان اڭسار مۇساحانوۆ مىرزا.

اڭسارعا التى الاسىمىز، بەس بەرەسىمىز جوق. الايدا، مۇساحانوۆ مىرزانىڭ  ساياسي مادەنيەت ءھام مەملەكەتتىك قۇندىلىق دەگەن نارسەلەردەن حابارى شامالى ما دەپ قالدىق.

سەبەپ مىناۋ: تالدىقورعان قالاسىندا قاراتال وزەنىنىڭ ۇستىنەن جاڭا كوپىر سالىنىپتى. ۇزىندىعى - 152, ەنى - 12 مەتر. كوپىردىڭ اشىلۋىندا اكىم مۇنداي «كەرەمەت» كوپىر تاۋەلسىزدىكتىڭ 20 جىلدىعى قارساڭىندا پايدالانۋعا بەرىلىپ وتىرعانىن ايتىپ، ءسوزىنىڭ اياعىن «زور دەنساۋلىق تىلەيمىن» دەپ تۋعان كۇندىك توستقا اينالدىرىپ اياقتادى.

ءاي، وسى ءبىزدىڭ اكىم-قارالاردا ەس بولسايشى. ءبىزدىڭ ەلدە اكىم دەسە، كوز الدىڭىزعا اينالاسىنا اكىرەڭدەگەن، شىكىرەيگەن، جاندايشاپتارى جاپىرىلىپ جانىنان قالمايتىن، اقىماق بولسا دا اقىلدى ادامنىڭ كەيپىن كورسەتىپ، جازىپ بەرگەن دايىن دۇنيەنىڭ ءوزىن ەجىكتەپ ارەڭ وقيتىن، كۇلدىرگى اڭگىمەنىڭ كەيىپكەرىندەي ءبىر جان ەلەستەي قالادى. سونداي اكىمنىڭ ءبىرى - الماتى وبلىسىن باسقارىپ وتىرعان اڭسار مۇساحانوۆ مىرزا.

اڭسارعا التى الاسىمىز، بەس بەرەسىمىز جوق. الايدا، مۇساحانوۆ مىرزانىڭ  ساياسي مادەنيەت ءھام مەملەكەتتىك قۇندىلىق دەگەن نارسەلەردەن حابارى شامالى ما دەپ قالدىق.

سەبەپ مىناۋ: تالدىقورعان قالاسىندا قاراتال وزەنىنىڭ ۇستىنەن جاڭا كوپىر سالىنىپتى. ۇزىندىعى - 152, ەنى - 12 مەتر. كوپىردىڭ اشىلۋىندا اكىم مۇنداي «كەرەمەت» كوپىر تاۋەلسىزدىكتىڭ 20 جىلدىعى قارساڭىندا پايدالانۋعا بەرىلىپ وتىرعانىن ايتىپ، ءسوزىنىڭ اياعىن «زور دەنساۋلىق تىلەيمىن» دەپ تۋعان كۇندىك توستقا اينالدىرىپ اياقتادى.

تاۋەلسىزدىكتىڭ 20 جىلدىعى قيت ەتكەنگە تەلي بەرەتىن ويىنشىق ەمەس، اڭسار تۇرسىنحانىش! تاۋەلسىزدىك - مەملەكەتىمىزدىڭ  ەڭ اسىل قۇندىلىعى، بايلىعى. ەگەر قاراتالدىڭ ۇستىنەن كوپىر سالساڭىز، ول ءسىزدىڭ اكىم رەتىندەگى مىندەتىڭىز. كوپىر حالىقتىڭ تابان ەت، ماڭداي تەرىمەن ەڭبەكتەنىپ ءوز مەملەكەتىنە تولەگەن سالىعىنىڭ ەسەبىنەن سالىنىپ وتىر. جۇرتقا ءوز بيدايىن وزىنە قۋىرىپ بەرىپ، ونى  جاڭا كوپىرىمەن قۇتتىقتاۋ دەگەن ءسوز - كەلەمەج. تىشقان مۇرنىن قاناتساڭىز دا تاۋەلسىزدىكتىڭ 20 جىلدىعىنا ارناپ جىبەرۋ وتە ساۋاتسىز جارناما. سوسىن ايماق باسشىسى رەتىندە ءار ىستەگەن ءىستى مىندەتسۋ - ساياسي مادەنيەتكە جات.

كوپىر سالۋ، ايماقتىڭ ەكونوميكاسىن كوتەرۋ، ەلدىڭ الەۋمەتتىك تۇرمىسىن جاقسارتۋ، ءبىلىم، عىلىم، مادەنيەتتى كوركەيتۋ، جۇرتتىڭ جاعدايىن جاساپ، ءتىلىن تابۋ اڭسار تۇرسىنحانىش سياقتى ءار اكىمنىڭ بۇلجىماس مىندەتى. سول ءۇشىن دە اكىم بولىپ تاعايىندالادى. ال، ءبىر كىشكەنتاي كوپىردى الماتى وبلىسىنىڭ بۇقاراسىن جارىلقاپ تاستاعانداي، تاۋەلسىزدىككە تەڭدەسسىز سىي جاساعانداي رەسپۋبليكا كولەمىندە «حابار» سياقتى ارنالاردان جالاۋلاتۋ - ساۋ ادامنىڭ ساناسىنا سىيمايدى. مەملەكەتتىك قىزمەت مىندەتسىنۋ ءۇشىن بەرىلمەيدى، مۇساحاناوۆ مىرزا!

«اباي-اقپارات»