سەنبى, 15 تامىز 2020
COVID-19 قازاقستاندا. جۇقتىرعاندار — 102287. جازىلعاندار — 80716. قايتىس بولعاندار — 1269
1351 2 پىكىر 2 شىلدە, 2020 ساعات 11:29

پومپەو: اقش ورتالىق ازيا ەلدەرىنىڭ تاۋەلسىزدىگىنە قولداۋ كورسەتە بەرەدى

اقش مەملەكەتتىك حاتشىسى مايك پومپەو ورتالىق ازيا ەلدەرىندەگى ارىپتەستەرىمەن س5+1 فورماتى اياسىندا وتكىزگەن ونلاين-كەزدەسۋدى جوعارى باعالادى.

مايك پومپەو تۆيتتەردەگى پاراقشاسىنا اقش ورتالىق ازيا ەلدەرىنىڭ تاۋەلسىزدىگىن جانە تەرريتوريالدىق تۇتاستىعىنا قولداۋ كورسەتەدى ءارى الداعى ۋاقىتتا دا قولداي بەرەدى دەپ جازدى.

اقش جانە ورتالىق ازيا ەلدەرى (C5 + 1) سىرتقى ىستەر مينيسترلەرىنىڭ كەزەكتى كەزدەسۋى 30 ماۋسىمدا ونلاين رەجيمدە ءوتتى. جينالىسقا اقش مەملەكەتتىك حاتشىسى مايك پومپەو، قازاقستان، تاجىكستان، قىرعىزستان، وزبەكستان جانە تۇركىمەنستان سىرتقى ىستەر مينيسترلەرى مۇحتار تىلەۋبەردى، سيرودجيدين مۋحريددين، چينگيز ايداربەكوۆ، ابدۋلازيز كاميلوۆ جانە راشيد مەرەدوۆ قاتىستى.

تاجىكستان ءسىم رەسمي سايتىندا ونلاين باس قوسۋدا COVID-19 ۆيرۋسىمەن كۇرەسۋ، ونىڭ دەنساۋلىق جانە ەكونوميكا سالالارىنا تۇسىرگەن سالدارى، ونى جويۋ جولدارى جانە ايماقتىق ىنتىماقتاستىقتى كەڭەيتۋ مەن قاۋىپسىزدىكتى قامتاماسىز ەتۋ ماسەلەلەرى تالقىلانعانى جازىلعان.

امەريكالىق تاراپ ءوزىنىڭ الەۋەتىن پايدالانا وتىرىپ، ورتالىق ازيا ايماعىنىڭ ەكونوميكالىق دامۋىنا كومەكتەسۋگە دايىن ەكەنىن جەتكىزگەن.

"س5 + 1" توبىنىڭ جينالىسى 2015 جىلدان بەرى وتەدى.

Abai.kz

2 پىكىر