بەيسەنبى, 28 ناۋرىز 2024
4525 1 پىكىر 3 شىلدە, 2020 ساعات 18:50

سەمەي مەن وسكەمەن قالالارى كارانتينگە جابىلادى

5 شىلدەدەن باستاپ سەمەي مەن وسكەمەن قالالارى جابىلادى. بۇل تۋرالى شق وبلىسىنىڭ اكىمى دانيال احمەتوۆ مالىمدەدى.

«وقيعا دامۋىنىڭ ەڭ جاعىمسىز ستسەناريىنە جول بەرمەۋ ءۇشىن ءبىز 5-شىلدەدەن باستاپ وسكەمەن جانە سەمەي قالالارىن جابامىز. قالالار مەن اۋدانداردا تۇرعىندار مەن كولىكتەردىڭ قوزعالىسىن بارىنشا ازايتامىز. مۇنىڭ ءبارى كوروناۆيرۋس ينفەكتسياسىنىڭ تارالۋىنا جول بەرمەۋ ءۇشىن جاسالاتىن ارەكەت. تەك ءوزىن-ءوزى وقشاۋلاۋ عانا COVID-19 قارسى كۇرەستىڭ پارمەندىلىگىن كورسەتتى. كارانتيندىك شارالار قاتاڭ ساقتالعان بارلىق كەزەڭىندە وبلىستا اۋىرعاندار سانى 135 بولدى. الايدا، تەك ماۋسىم ايىندا بۇل كورسەتكىش 710 ادامعا ارتتى»، - دەدى احمەتوۆ.

وبلىس اكىمى شەكتەۋ شارالارى الداعى دەمالىستا باستالاتىنىن ايتتى.

«قوزعالىستى شەكتەۋ شارالارىن وسى دەمالىستا باستاعان اسا ماڭىزدى. بىزگە بايلانىس تىزبەگىن ءۇزۋ قاجەت! قالىپتى ومىرگە تەزىرەك ورالۋىمىز كەرەك. بىراق، وعان جوعارى جاۋاپكەرشىلىك تانىتقان جاعدايدا عانا قول جەتكىزە الامىز»

الايدا، وڭىردەگى كاسىپورىندار، ازىق-تۇلىك دۇكەندەرى، ءدارىحانالار، بانكتەر، حقو (قىسقارتىلعان كەستە بويىنشا) جۇمىسىن جالعاستىرادى.

«ءبىز ەنگىزىلگەن كارانتيندىك شارالاردىڭ سالدارىنان بيزنەستى بارىنشا قورعاۋعا تىرىسامىز. سىزدەردى تاعى ءبىر مارتە بۇل شارالارعا تۇسىنىستىكپەن قاراۋعا شاقىرامىن. ەۋروپا ەلدەرىندە نە بولعانى بارشامىزدىڭ ەسىمىزدە. ول جاقتا دا باستاپقى كەزدە ادامدار قابىلدانعان قاتاڭ شارالاردان ناتيجە بولاتىنىنا سەنبەدى.

بۇگىندە الەۋمەتتىك قاشىقتىق، ءوزىن - ءوزى وقشاۋلاۋ، ماسكا رەجيمىن ساقتاۋ - بۇل ادامداردىڭ ءوز قاۋىپسىزدىگى ءۇشىن جاسايتىن قادامداردىڭ ەڭ ازى.

ءبىز ءوز كەزەگىمىزدە ءوڭىر اۋرۋحانالارىن قاجەتتى تەحنيكامەن جانە ءدارى - دارمەكتەرمەن، ال دارىگەرلەردى قورعانىس جيىنتىقتارىمەن قامتاماسىز ەتۋ ءۇشىن بارلىق مۇمكىندىكتەردى جاسادىق. قازىر ءبىزدىڭ ورتاق مىندەتىمىز شەكتەۋ شارالارىن بىرگە ساقتاۋ جانە ۆيرۋستىڭ تارالۋىنا جول بەرمەۋ»،- دەدى ءوڭىر باسشىسى.

احمەتوۆتىڭ ايتۋىنشا، شىعىس قازاقستاندا 1700 ينفەكتسيالىق، 2500 پروۆيزورلىق جانە كارانتيندىك توسەكتەر، سونداي-اق قارقىندى تەراپيا پالاتالارى دايىن.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3528