تولەن ابدىكوۆتىڭ ەرتەرەكتە جارىق كورگەن پوۆەستىندە يانۋماكا شالدىڭ الىستان جانعان باسقىنشىلاردىڭ وتتارىنا قاراپ: "توزاق وتتارى جىمىڭدايدى"-دەپ جانۇشىرا ايقايلاپ، دەمىگىپ جاتىپ ولەتىنى بار ەدى...

سول "توزاق وتتارى" كەشە دەمىگىپ جاتقان حالىقتىڭ توبەسىندە تىم جاقىن، تىم بيىك، تىم ايقىن شاشىرادى. بىراق بۇل وتتار جات جۇرتتىقتاردىڭ ەمەس، ء"وز باسقىنشىلارىنىڭ" ءوز ەلى "سەركەلەرىنىڭ", كەشە عانا ء"بىز بىرگەمىز" دەپ ۇرانداعان بيلىگىنىڭ وت شاشۋى ەدى. ولار نەگە ءماز؟ قىرىلىپ جاتقان ءوز حالىنىڭ قازىرگى حالىنە مە؟

بۇل - حالىق پەن بيلىك ەكەۋىنىڭ ەكى بولەك ەكەنىنىڭ انىق كورىنىسى! بيلىك ەش ۋايىمسىز (ۋايىمى سول بيلىكتەن ايىرىلماۋ شىعار), ەش قامسىز (قامى سول تۋعان كۇن شىعار), ەش قاپەرسىز (قاپەرىندە نە بار؟) جاسانعان، جارقىراعان، كەمەگە وتىرىپ "سىرنايلاتىپ، كەرنەيلەتىپ" بارادى.

حالىق سول... جىرتىق كەمەدە جىرىم-جىرىم كيىممەن، جىرتىقتان كىرگەن سان پربلەما، سان قيىنشىلىقتى شومىشپەن ساپىرىپ، بيلىكتىڭ جاسانعان كەمەسىنە قولدارىن سوزىپ، ءالى دە الدەنە كۇتىپ، شىرىلداپ...ماڭىپ بارادى. شاراسىز.

...ءتىپتى، "تۇياق سەرپەر" كۇش قالماعان حالىقتا...

سوندا دەيمىن دا، وسىنداي جاعدايدا وتىز جىل ويران سالىپ، وسى كۇنگە اكەپ تىرەگەن "ەلباسىنى" قۇتتىقتاپ جاتتى-اۋ ءباز بىرەۋلەر...

جاعىمپازدىقتا، ارسىزدىقتا، نەمقۇرايىلىقتا شەك جوق ەكەن!

دانيار سالاماتتىڭ الەۋمەتتىك جەلىدەگى جازباسى

Abai.kz