جۇما, 29 ناۋرىز 2024
46 - ءسوز 3574 31 پىكىر 8 شىلدە, 2020 ساعات 13:54

قازاقتىڭ تويى جويىلۋ كەرەك

قازاقتىڭ تويىنىڭ كاتوليك دىنىنە ەشقانداي قاتىسى جوق، دەسە دە، وعان اۋىر كۇنالاردىڭ بارلىعى ءتان. سول ءۇشىن ول جويىلۋى كەرەك، بىراق قازاقتىڭ تويى بارلىق كۇنالار سياقتى ماڭگى.

1. قازاقتىڭ تويى - بۇل تاكاپپارلىق. باستىسى - ءوزىڭنىڭ اقسۇيەك ەكەنىڭدى، جوعارىداعىلارعا قاتىسىڭنىڭ بارىن كورسەتۋ. قوناقتار - نە "اناۋ كەلگەن اكىمنىڭ تۋىسى", نە "پروكۋروردىڭ ۇلى", نە بولماسا "پرەزيدەنتتىڭ كۇيەۋبالاسى". تاكاپپارلىق - قازاقتىڭ ەڭ باستى ءhام ەڭ سۇيىكتى كۇناسى.

2. قازاقتىڭ تويى - بۇل ىردۋ-دىردۋ. تۋىسقانداردىڭ بارلىعى برازيليالىق كارناۆالعا كەلگەندەي ءوزىن ەلگە كورسەتكىسى كەلەدى. بريوني، شانەل، گۋچچي-شمۋچي، فراك كيگەن ەرگەجەيلىلەر مەن ليحتەنشتەين حانشايىمدارىنىڭ كويلەگىن كيگەن ەگدە جاستاعى ايەلدەردىڭ تسيركتەگىدەي ءانسامبلى.

3. قازاقتىڭ تويى - بۇل قوماعايلىق. داستارقان ءتۇرلى تاعامعا تولى. ءبىر قورا قويدى جىلىكتەپ، وتقا پىسىرگەن. جىلقى سويىپ، وزىنە ءوزىن تىعىپ تولتىرعان. كومىرسۋلار، اششى سۋ، قامىر اۋقات. ولگەنشە جەپ-ءىشۋ. استاۋدا ەت الىپ شىعۋ سالتىن ەسكە الىڭىزشى. قوماعايلىقتىڭ ناعىز پارادى ەمەس پە؟

4. قازاقتىڭ تويى - بۇل داڭعويلىق. ەڭ قىمبات ارتىستەر، ءساندى كولىكتەر، ليۋكس بالل-رۋمدارى، تامادا دراما تەاترىنىڭ اكتەرى بولۋى شارت، تاعامداردى گەربى بار پاتشالار قولداناتىن ىدىسقا سالۋ كەرەك، بارلىعى ليمۋزينمەن جەتىپ، تىكۇشاقپەن ۇشىپ كەلەدى. بەيونسە ءان سالىپ، يلون ماسك وت شاشۋى كەرەك. وسىنىڭ بارلىعى ينستاگرامدا ستوريسقا شىعىپ، تىكەلەي ەفيردە كورسەتىلۋى ءتيىس.

5. قازاقتىڭ تويى - بۇل اشۋ-ىزا. مىندەتتى تۇردە بىرەۋدى ايىرىپ، تىلەك ايتۋعا شىعۋ كەزەگى ءۇشىن اسابامەن ۇرسىسىپ، اراققا تويىپ العان ەسۋاس تۋىسقاندى تويدان قۋىپ شىعۋ كەرەك. بىرەۋ پىشاق الىپ شىعادى. قالىڭدىقتىڭ اكەسىنىڭ دوستارى كۇيەۋبالامەن قاhار تانىتىپ سويلەسىپ، قىز ءۇشىن ونىڭ باسىن جۇلىپ الاتىنىن ەسكەرتۋى ءتيىس.

6. قازاقتىڭ تويى - بۇل كورەالماۋشىلىق. قازاقتىڭ كەز كەلگەن تويىنىڭ باستى ماقساتى - بارلىعىنىڭ قىزعانىشىن وياتۋ، بارىنەن وزىپ توي جاساۋ. توي سوڭىندا قوناقتاردىڭ بارلىعى ءىشى كۇيگەننەن ءولىپ قالسا - بۇل ەڭ يدەال ۆاريانت.

7. قازاقتىڭ تويى - بۇل زيناقورلىق. توي سوڭىندا اسابانىڭ سايىستارىندا بارلىعى بي بيلەۋدەن لاس-ۆەگاستىڭ ستريپ-كلۋبتارىنداعى گوۋ-گوۋ ءبيشى قىزداردان دا اسىپ تۇسەدى، جانە قارىنداستارى مەن جەڭگەلەرىنىڭ سەكسۋال بەنەفيستەرىنىڭ اياقتالعانىن شارشاعان كۇيمەن كۇتىپ وتىرادى.

ەڭ ۇلكەن كۇنا - قازاقتار تويدىڭ بارلىعىن كرەديت الىپ، حۋليارد تەڭگە جۇمساپ وتكىزەدى.

قازاقتىڭ تويى جويىلۋ كەرەك.

پىكىر يەسى: ەرلان تاجىباەۆ

اۋدارعان مەن.

باقىتجان بۇقاربايدىڭ الەۋمەتتىك جەلىدەگى جازباسى

Abai.kz

31 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3543