قازاقستاندا كوروناۆيرۋسپەن كۇرەسكە 191 ملرد تەڭگەدەن استام قارجى ءبولىندى. بۇل تۋرالى قارجى ءمينيسترىنىڭ ءبىرىنشى ورىنباسارى بەرىك شولپانقۇلوۆ ايتتى. 

ونىڭ ايتۋىنشا، اتالعان قاراجات ماقساتتى باعىتتارعا جۇمسالادى جانە قاتاڭ باقىلاۋدا بولادى.

«بۇگىنگى كۇنگە كوروناۆيرۋسپەن كۇرەسكە رەسپۋبليكالىق بيۋدجەتتەن 191,9 ملرد تەڭگە ءبولىنىپ وتىر. ونىڭ 125 ملرد تەڭگەسى بيۋدجەتتى ناقتىلاۋ اياسىندا، 66,9 ملرد تەڭگەسى ۇكىمەت رەزەرۆىنەن بولىنگەن. قاراجات ماقساتتى باعىتتارعا جۇمسالادى»، – دەدى قر قارجى ءمينيسترىنىڭ ءبىرىنشى ورىنباسارى بەرىك شولپانقۇلوۆ.

بۇدان باسقا، قر دەنساۋلىق ساقتاۋ مينيسترلىگى تاراپىنان مەديتسينالىق قىزمەتتەر ساپاسىن باقىلاۋ كوميتەتى ارقىلى دا كورسەتىلەتىن مەديتسينالىق قىزمەتتەرگە باقىلاۋ جۇرگىزىلىپ، قاداعالانادى.

Abai.kz