مەملەكەت باسشىسى قاسىم-جومارت توقاەۆ 2020 جىلى ەلدىڭ رۋحاني ءومىرى ءۇشىن ماڭىزدى بىرقاتار جوبالاردى قابىلدادى. سولاردىڭ ءبىرى – التىن وردانىڭ 750 جىلدىق مەرەيتويىن اتاپ ءوتۋ ماسەلەسى دە كوتەرىلگەن.

بۇل تۋرالى قازاقستان پرەزيدەنتى وتكەن جىلدىڭ تامىز ايىندا «ۇلىتاۋ – 2019» اتتى حالىقارالىق تۋريستىك فورۋمىندا مالىمەدەگەن بولاتىن.

 بۇگىندە قاسيەتتى ۇلىتاۋ جەرىندە ۇلت رۋحانياتى ءۇشىن جاسالعان جۇمىستار از ەمەس. سولاردىڭ ءبىرى «ۇلىتاۋ» ۇلتتىق تاريحي-مادەني جانە تابيعي مۇراجاي قورىعىنىڭ ەل يگىلىگىنە بەرىلۋى.

سونىمەن قاتار، التىن وردانىڭ نەگىزىن قالاعان جوشى حاننىڭ ەسىمىن ۇلىقتاۋ شارالارى قولعا الىنباق. پرەزيدەنت سول ماقساتتا جوشىنىڭ كەسەنەسىن مادەني تۋريزم نىسانىنا اينالدىرۋدى ماڭىزدى مىندەتتەردىڭ ءبىرى دەپ اتاعان.

سونداي-اق، التىن وردانىڭ 750 جىلدىعىن مەرەكەلەۋ اياسىندا ۇلىتاۋ جەرىن حالىقارالىق دەڭگەيدەگى ەتنوگرافيالىق تۋريزم ورتالىعىنا اينالدىرۋ قاجەتتىگى جونىندە ايتىلعان.

ال، بۇعان دەيىن قر ۇكىمەت باسشىسى اسقار مامين التىن وردانىڭ 750 جىلدىعىن اتاپ وتۋگە قاتىستى بىرقاتار شارالار جۇزەگە اسىرىلاتىنىن ايتقان بولاتىن. ءماميننىڭ سوزىنشە، «التىن وردا» ەكسپەديتسياسىنىڭ نەگىزىندەگى بىرقاتار ءىس-شارالار قازاقستاننىڭ بارلىق ءوڭىرىن قامتيدى.

بىرىنشىدەن، قاراعاندى وبلىسىنىڭ اكىمدىگى 2020 جىلى ۇلىتاۋ اۋدانىندا جوشى حانعا ەسكەرتكىش قويۋ تۋرالى باستاما كوتەرگەن. ودان بولەك قاراعاندى وبلىستىق اكىمدىگى قاراعاندى قالاسىندا دا جوشى حاننىڭ ەسكەرتكىشىن ورناتۋ تۋرالى ۇسىىس ايتقان.سونداي-اق، قر ۇكىمەتىنىڭ 31.05.2019 جىلعى № 360 قاۋلىسىمەن بەكىتىلگەن قازاقستان رەسپۋبليكاسىنىڭ تۋريستىك سالاسىن دامىتۋدىڭ 2019-2025 جىلدارعا ارنالعان مەملەكەتتىك باعدارلاماسىنا سايكەس، «ۇلىتاۋ» تاريحي-مادەني كەشەنى قازاقستاننىڭ وڭىرلىك دەڭگەيدەگى تۋريستىك كارتاسىنىڭ (توپ-50) وبەكتىلەرىنىڭ تىزىمىنە ەنگەن. سوندىقتان بۇل وڭىردە شامامەن جىلىنا 10 000 ادامدى قابىلداي الاتىن تۋريستىك باعىتتار مەن مۋزەي بويىنشا ەكسكۋرسيالار تۋرالى اقپاراتتى قامتيتىن تۋريستىك قىزمەتتەر، كورنەكى ورىندار ۇسىنىلادى. سونداي-اق، اتالعان ورىندا التىن وردا كەزەڭىنە جاتاتىن جوشى حان، الاشا حان جانە دومباۋىل كەسەنەلەرى كىرەدى.

ەكىنشىدەن، 2020 جىلى اتالعان ءوڭىردىڭ تۋريستىك الەۋەتىن دامىتۋ ءۇشىن «التىن وردا» ەكسپەديتسياسىن وتكىزۋ جوسپارلانعان. تۋريستىك سوقپاقتار مەنمارشرۋت ازىرلەنىپ، تۋريستەرگە باراتىن جەرلەردە سانيتارلىق-گيگيەنالىق توراپتار، كەمپينگتىك تۇراقتار ورناتىلادى. ۇلىتاۋ وڭىرىندە رەسپۋبليكالىق ماڭىزى بار جوشى حان، الاشا حان، مادەني جانە تاريحي ەسكەرتكىشتەرىنىڭ اۋماعىندا ۆيزيت-ورتالىعى مەن ەتنواۋىل قۇرۋ جوسپارلانعان.

سونىمەن قاتار، ءباسپاسوز تۋرلارى ۇيىمداستىرىلىپ، جوشى حاننىڭ كەسەنەسىن شەتەل جۋرناليستەرى باراتىن وبەكتىلەر قاتارىنا ەنگىزۋ جۇمىستارى ۇيىمداستىرىلماق.

ودان بولەك، قاراعاندى وبلىسىنىڭ اكىمدىگى قىزىلوردا، جەزقازعان، قاراعاندى، نۇر-سۇلتان، ارقالىق قالالارى مەن ۇلىتاۋ اۋدانى ورتالىعى اراسىنداعى جولدارعا جوندەۋ جۇمىستارىن جۇرگىزەدى. الماتى-جەزقازعان، شىمكەنت-جەزقازعان باعىتتارى بويىنشا اۆيارەيستەردى ىسكە قوسۋ ماسەلەسى قاراستىرىلعان.

سونداي-اق، اعىمداعى جىلى وڭىرلىك دەڭگەيدە تاراز، اتىراۋ جانە قاراعاندى قالالارىندا عىلىمي كونفەرەنتسيالار ءوتىپ، 2020 جىلى اقمولا وبلىسىنىڭ بۋراباي اۋىلىندا جانە وسكەمەن جانە پاۆلودار قالالارىندا جالعاسادى.

سونىمەن قاتار، مادەنيەت جانە سپورت مينيسترلىگى حالىقارالىق تۇركى اكادەمياسىمەن بىرلەسىپ 2020-2022 جىلدارى قوسىمشا بىرقاتار ارحەولوگيالىق، ەتنوگرافيالىق، انتروپولوگيالىق، عىلىمي-زەرتتەۋ جانە باسقا دا جۇمىستار جۇرگىزىلەدى.

جانە، جوشى حان كەسەنەسىنە جاقىن ورنالاسقان جوشى ورداسى قالاشىعىنا زەرتتەۋ جۇرگىزىلىپ، ۇلىتاۋ ءوڭىرىنىڭ ارحەولوگيالىق كارتاسى دايىندالادى، سونىمەن قاتار قحر، يران جانە تۇركيا ارحيۆتەرىنەن الىنعان دەرەكتەر نەگىزىندە سارايشىق قالاشىعىنا بايلانىستى قۇجاتتار جيناعى شىعارىلادى.

قازىرگى ۋاقىتتا مادەنيەت جانە سپورت مينيسترلىگى ۇلىتاۋ ءوڭىرىنىڭ تاريحى مەن مادەنيەتى كەسەنەلەرىن يۋنەسكو-نىڭ دۇنيەجۇزىلىك مۇراسىنىڭ تىزىمىنە ەنگىزۋ ماسەلەسىن پىسىقتاپ جاتىر.

ودان بولەك، ەلوردادا قالالىق ونوماستيكالىق كوميسسياسىنىڭ وتىرىسىندا نۇر-سۇلتان قالاسى كوشەلەرىنىڭ بىرىنە جوشى حاننىڭ اتىن بەرۋ مەن ەسكەرتكىشىن ورناتۋ جونىندە ماسەلەلەر قاراستىرىلعان بولاتىن.

سونداي-اق، اسقا مامين بۇعان دەيىن مادەنيەت جانە سپورت مينيسترلىگى ۇلىتاۋ ءوڭىرىنىڭ تاريحى مەن مادەنيەتى كەسەنەلەرىن يۋنەسكو-نىڭ دۇنيەجۇزىلىك مۇراسىنىڭ تىزىمىنە ەنگىزۋ ماسەلەسىن پىسىقتاپ جاتقانىن دا ايتقان.

مەملەكەت باسشىسى ەلىمىزدىڭ تۋريزم سالاسىن دامىتۋدى تاريحي ورىندارمەن بايلانىستىرۋدىڭ ماڭىزدى ەكەنىن ايتقان ەدى. ال، وسى جىلى اتالىپ وتىلەتىن التىن وردانىڭ 750 جىلدىعى وسى ءبىر تۋرزيمالاسىنىڭ ءارى قاراي دامۋىنا وڭ سەرپىن بەرۋى ءتيىس دەگەن بولاتىن. سوندىقتان دا قازاقستانداع تۋريزم سالاسىن تۇبەگەيلى وزگەرتۋ قاجەت دەدى. ال، ونىڭ باستاماسى ۇلىتاۋدان باستالۋى قاجەت ەكەنىن باسا ايتتى پرەزيدەنت.

دەمەك، الداعى ۋاقىتتا مەملەكەت باسشىسىنىڭ وسى تاپسىرماسى وتاندىق ءتۋريزمنىڭ نەگىزى باعىتىنا اينالادى دەپ بولجاۋعا بولادى.

Abai.kz