بەيسەنبى, 28 ناۋرىز 2024
2391 1 پىكىر 5 تامىز, 2020 ساعات 12:18

قازاقستاندىق عالىمدار COVID-19-عا قارسى ۆاكتسينانى وزدەرىنە سىناپ كوردى

قازاقستاندىق بەس عالىم COVID-19-عا قارسى جاساعان ۆاكتسينانى وزدەرىنە سىناپ كوردى. بۇل تۋرالى قازاقپارات مالىمدەدى. 

بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتىنىڭ حابارلاۋىنشا، دۇنيەجۇزىلىك دەنساۋلىق ساقتاۋ ۇيىمىنىڭ تالابىنا سايكەس، 2020 جىلدىڭ 13 تامىزىندا ماكاك-رەزۋستان انتيدەنەنىڭ كەمىندە 7 log بولۋى ءتيىس سوڭعى ءتيترىن انىقتاۋ جوسپارلانىپ وتىر. بۇل جوعارى يممۋنوگەندىك كورسەتكىش سانالادى.

«2020 جىلدىڭ 26 شىلدەسىندە ۆاكتسينانىڭ 5 ازىرلەۋشىسى ءتىرى ۆيرۋسپەن جۇمىس ىستەۋ بارىسىندا قاۋىپسىزدىكتەرىن قامتاماسىز ەتۋ ءۇشىن ەرىكتى تۇردە ۆاكتسينانى وزدەرىنە سىنادى. بىرنەشە تاۋلىك وتكەننەن كەيىن ولاردىڭ وزدەرىن سەزىنۋى جاقسى، دەنە قىزۋى مەن اللەرگياسى جوق. كلينيكاعا دەيىنگى سىناق 2020 جىلدىڭ 20 تامىزىندا اياقتالىپ، ناتيجەسى قر دەنساۋلىق ساقتاۋ مينيسترلىگىنە بەرىلەدى»، - دەپ حابارلايدى ينستيتۋتتان.

قر دەنساۋلىق ساقتاۋ مينيسترلىگىنەن رۇقسات الىنعاننان كەيىن 2020 جىلدىڭ 20 قىركۇيەگىندە الماتى قالاسىنداعى كلينيكانىڭ بازاسىندا COVID-19-عا انتيدەنەسى جوق 44 ەرىكتىگە كلينيكالىق سىناق ء(ى فازا) باستالۋى ءتيىس.

COVID-19-عا قارسى QazCovid-in ۆاكتسيناسىن ينستيتۋتتىڭ باس ديرەكتورى ك.زاكاريا جانە عىلىمي قىزمەتكەرلەر: ل.قۇتىمبەتوۆ، ب.حايرۋللين، م.ورىنباەۆ، ق.سۇلتانقۇلوۆ، ە.ءابدىرايىموۆ، س.نۇراباەۆ وزدەرىنە سىناعان.

ينستيتۋت وكىلدەرىنىڭ مالىمەتىنشە، ۆاكتسينانى سالعىزعان عالىمداردىڭ جاعدايى جاقسى. ولار بىرنەشە تاۋلىك وتكەننەن كەيىن وزدەرىن جاقسى سەزىنگەن، دەنە قىزۋى مەن اللەرگياسى جوق.

«ۆاكتسينا COVID-19-عا قارسى ءبىرىنشى وتاندىق ۆاكتسينانى دايىنداۋ جانە ساقتاۋ تەحنولوگياسىن ازىرلەۋ بويىنشا عىلىمي-زەرتتەۋ جۇمىستارىن تىكەلەي ورىندايتىن ينستيتۋتتىڭ عىلىمي قىزمەتكەرلەرىن تولىقتاي ەپيدەمولوگيالىق قورعاۋ ءۇشىن قاجەت بولدى. اتالعان عىلىمي قىزمەتكەرلەر COVID-19-عا شالدىعىپ قالعان جاعدايدا ينستيتۋت وتاندىق ۆاكتسينا ازىرلەۋگە باعىتتالعان ماڭىزدى مەملەكەتتىك مىندەتتى ورىندايتىن ەڭ قۇندى ماماندارىنان ۇزاق ۋاقىتقا ايىرىلىپ قالار ەدى. ءوزى دايىنداعان ۆاكتسينانى ۆاكتسيناتسيالاۋ مەديتسينالىق جانە يممۋنوبيولوگيالىق پرەپاراتتاردى ازىرلەۋشىلەردىڭ جاريا ەمەس عىلىمي ستاندارتى سانالادى. ازىرلەۋشى ەڭ الدىمەن ءوزىنىڭ ازىرلەمەسىنىڭ قاۋىپسىزدىگى مەن يممۋنوگەندىگىن وزىنە سىناۋى ءتيىس. ەكىنشىدەن، ءوزىنىڭ زەرتتەۋىنىڭ ناتيجەسى مەن ساپاسى ءۇشىن تولىقتاي جاۋاپكەرشىلىك الادى. وسىلايشا، كلينيكالىق سىناققا قاتىساتىن ەرىكتىلەردىڭ قاۋىپسىزدىگىنە كەپىلدىك بەرەدى»، - دەيدى ينستيتۋت ديرەكتورى كۇنسۇلۋ زاكاريا.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3515