بۇگىن وسك-دا كوميسسيا وتىرىسى بولىپ ءوتتى، وتىرىس بارىسىندا «نۇر وتان» حالىقتىق دەموكراتيالىق پارتياسىنىڭ وكىلدەرىنە پارتيالىق ءتىزىمدى بەكىتۋ تۋرالى قاۋلى تاپسىرىلدى. 127 ادامدى قامتيتىن ءتىزىم سايلاۋ كوميسسياسىمەن ءبىرىنشى بولىپ تىركەلدى.

تىركەۋ تۋرالى قاۋلىنى العان پارتيا توراعاسىنىڭ ءبىرىنشى ورىنباسارى، رەسپۋبليكالىق سايلاۋالدى شتاب جەتەكشىسى نۇرلان نىعماتۋلين: «بۇگىن، سارسەنبى كۇنى - ءساتتى كۇندە، «نۇر وتان» حالىقتىق دەموكراتيالىق پارتياسى ءبىرىنشى بولىپ، ورتالىق سايلاۋ كوميسسيادا رەسمي تىركەۋدەن ءوتتى. ءبىزدىڭ پارتيالىق تىزىمگە كىرگەن بارلىق 127 ۇمىتكەرىمىز زاڭعا سايكەس، تەكسەرۋدەن ءوتتى. ەندى، 16-شى جەلتوقساننان باستاپ، ءبىز بارلىق قالا مەن اۋدانداردا، بارلىق ايماقتاردا ءوزىمىزدىڭ ناسيحات جۇمىستارىمىزدى باستايتىن بولامىز», - دەپ ايتىپ ءوتتى.

سونداي-اق بۇگىن نۇرلان نىعماتۋلين قازاقستان رەسپۋبليكاسىنىڭ پرەزيدەنتى نۇرسۇلتان ءابىشۇلى نازارباەۆتىڭ باستاماسىن قولداي وتىرىپ، «نۇر وتان» پارتياسى سايلاۋ ناۋقانىنا قاتىساتىن بارلىق ساياسي پارتيالارعا 2012 جىلعى 15 قاڭتاردا قازاقستان رەسپۋبليكاسى پارلامەنتى ءماجىلىسى مەن ءماسليحاتتار دەپۋتاتتارىنىڭ ءادىل دە اشىق سايلاۋىن وتكىزۋ تۋرالى مەموراندۋمعا قول قويۋ تۋرالى ۇسىنىس جاساعانىن ايتتى.

بۇگىن وسك-دا كوميسسيا وتىرىسى بولىپ ءوتتى، وتىرىس بارىسىندا «نۇر وتان» حالىقتىق دەموكراتيالىق پارتياسىنىڭ وكىلدەرىنە پارتيالىق ءتىزىمدى بەكىتۋ تۋرالى قاۋلى تاپسىرىلدى. 127 ادامدى قامتيتىن ءتىزىم سايلاۋ كوميسسياسىمەن ءبىرىنشى بولىپ تىركەلدى.

تىركەۋ تۋرالى قاۋلىنى العان پارتيا توراعاسىنىڭ ءبىرىنشى ورىنباسارى، رەسپۋبليكالىق سايلاۋالدى شتاب جەتەكشىسى نۇرلان نىعماتۋلين: «بۇگىن، سارسەنبى كۇنى - ءساتتى كۇندە، «نۇر وتان» حالىقتىق دەموكراتيالىق پارتياسى ءبىرىنشى بولىپ، ورتالىق سايلاۋ كوميسسيادا رەسمي تىركەۋدەن ءوتتى. ءبىزدىڭ پارتيالىق تىزىمگە كىرگەن بارلىق 127 ۇمىتكەرىمىز زاڭعا سايكەس، تەكسەرۋدەن ءوتتى. ەندى، 16-شى جەلتوقساننان باستاپ، ءبىز بارلىق قالا مەن اۋدانداردا، بارلىق ايماقتاردا ءوزىمىزدىڭ ناسيحات جۇمىستارىمىزدى باستايتىن بولامىز», - دەپ ايتىپ ءوتتى.

سونداي-اق بۇگىن نۇرلان نىعماتۋلين قازاقستان رەسپۋبليكاسىنىڭ پرەزيدەنتى نۇرسۇلتان ءابىشۇلى نازارباەۆتىڭ باستاماسىن قولداي وتىرىپ، «نۇر وتان» پارتياسى سايلاۋ ناۋقانىنا قاتىساتىن بارلىق ساياسي پارتيالارعا 2012 جىلعى 15 قاڭتاردا قازاقستان رەسپۋبليكاسى پارلامەنتى ءماجىلىسى مەن ءماسليحاتتار دەپۋتاتتارىنىڭ ءادىل دە اشىق سايلاۋىن وتكىزۋ تۋرالى مەموراندۋمعا قول قويۋ تۋرالى ۇسىنىس جاساعانىن ايتتى.

نۇروتاندىقتاردىڭ ويىنشا، الداعى سايلاۋ ناۋقانى ءبىزدىڭ ەلىمىزدەگى دەموكراتيالىق قۇندىلىقتاردى، زاڭدىلىقتى، ويىن بىلدىرۋدەگى ەرىكتىلىك، سايلاۋ پروتسەسىنىڭ اشىقتىعى مەن ايقىندىعىن كورسەتۋ الاڭىنا اينالۋى ءتيىس. سوندىقتان ولار سايلاۋ پروتسەسىنىڭ بارلىق قاتىسۋشىلارىن ساياسي توزىمدىلىك پەن ءوزارا سىيلاستىق پرينتسيپتەرىن ساقتاۋعا، ۇگىت-ناسيحات ناۋقانىن تەك قازاقستان كونستيتۋتسياسى مەن سايلاۋ زاڭناماسى تالاپتارىنا سايكەس جۇرگىزۋگە شاقىرادى.