اسىلبەك ۋلۋ قازاقستاندا، كەيىن قىرعىزستاندا ۇيىمداسقان قىلمىستىق توپ قۇردى جانە كونتراباندامەن اينالىستى دەپ ون جىلعا سوتتالعان.
مالىمەتكە قاراعاندا، جوگوركۋ سوت داميربەك اسىلبەك ۋلۋن بوساتۋ تۋرالى 19 تامىزدا شەشىم شىعاردى. ول بىشكەكتەگى №1 تەرگەۋ اباقتىسىندا جازاسىن وتەپ جاتقان. جوگوركۋ سوت ەكس-دەپۋتاتقا قاتىستى شىققان شەشىم تۋرالى تۇسىنىك بەرمەدى.
جوگوركۋ كەڭەشتىڭ بۇرىنعى دەپۋتاتى، قازاقستاندا 10 جىلعا سوتتالعان داميربەك اسىلبەك ۋلۋ بىلتىر 18 قاراشادا قىرعىزستانعا ەكستراديتسيالانعان.
2018 جىلدىڭ اقپانانىندا قازاقستاننىڭ كۇش قۇرىلىمدارى ارنايى وپەراتسيا جۇرگىزدى. ونىڭ اياسىندا جوگوركۋ كەڭەشتىڭ سول كەزدەگى دەپۋتاتى مەن قىرعىزستاننىڭ ەكى ازاماتى – ۋلانبەك مۋراديلوۆ جانە چىڭگىز اباكيروۆ ۇستالىپ، ولار دا تۇرمە جازاسىنا كەسىلگەن.
قىرعىزستاننىڭ ورتالىق سايلاۋ كوميسسياسى داميربەك اسىلبەك ۋلۋن دەپۋتاتتىق مانداتتان 2018 جىلدىڭ 16 ساۋىرىندە اجىراتقان.
ول "قىرعىزستان" پارتياسى تەزىمىمەن 2015 جىلى جوگوركۋ كەڭەشتىڭ دەپۋتاتتىعىنا سايلانعان.
