قر پرەزيدەنتى قاسىم-جومارت توقاەۆتىڭ بيىلعى جولداۋىنداعى پرەزيدەنتكە تىكەلەي باعىناتىن ستراتەگيالىق جوسپارلاۋ جانە رەفورمالار اگەنتتىگىن قۇرۋ جايىنداعى وي ماعان قاتتى ۇنادى.

وسى اگەنتتىك قۇرىلا قالعان جاعدايدا ءبىرىنشى كەزەكتە تەرەڭ ويلاستىرۋعا جانە ۇلتتىق-مەملەكەتتىك مۇددە تۇرعىسىنان تۇبەگەيلى شۇعىلدانۋعا ءتيىس ءبىر ماسەلەگە نازار اۋدارعىم كەلەدى.

بۇل پاتشالىق ءداۋىرى مەن سوۆەت وكىمەتى تۇسىندا ءسوز جۇزىندە عانا ايتىلىپ، ءىس جۇزىندە كوشپەندىلەردى جەردەن ايىرعان، تيىسىنشە قىرعىنعا ۇشىراتقان سولاقاي رەفورمالار سالقىنىن جويۋعا بايلانىستى ماسەلە. ياعني جاڭا اگەنتتىك قازاق ەلىنىڭ بايىرعى جۇرتىن زامانا تالابىنا ساي كەلەتىندەي نورمامەن جەرگە ورنالاستىرۋ ەرەجەسىن جاساپ، جۇزەگە اسىرىلۋعا ءتيىس قاجەتتى شارالار كەشەنىن ويلاستىرسا دەگەن ۇسىنىس ايتقىم كەلەدى.

عىلىمي تۇرعىدا بەلگىلەنىپ، بولىنگەن جەر ۇلەسىن العان اركىمنەن، ىنتالى ازاماتتاردان قۇرىلعان سەرىكتەستىكتەردىڭ ماقساتتارىن – مال (جىلقى، سيىر، قوي-ەشكى) باعۋ، ەگىن ەگۋ سىندى ماقساتتارىن ايقىنداعان سوڭ بەلگىلى ءبىر تەلىم بەرىلىپ، العاشقى كەزدە مەملەكەت تاراپىنان ءتيىستى قارجى-قاراجاتپەن قامتاماسىز ەتىلۋى ءتيىس.

ونىڭ قايتارىلىمى جەدەل ارادا كورىنەرى ءارى مۇنداي ءىرى جوبا ەلىمىزدەگى جۇمىسسىزدىقتى جويۋدىڭ توتە جولى رەتىندە ءوزىن تەز-اق اقتارى ءسوزسىز. اگەنتتىك مۇنى مۇقيات سارالاپ قاراي العان بولار ەدى. جانە دە، ەڭ باستىسى، قازاق حالقىن ۇلان-عايىر جەر-سۋىمىزدىڭ شىنايى قوجايىنى رەتىندە الەمگە مويىنداتارى انىق.

بەيبىت قويشىباەۆ

Abai.kz