ولاردىڭ جازۋىنشا، ناۆالنىي تومسكىدەن ماسكەۋگە ۇشىپ بارا جاتقان كەزدە ياعني، ۋلاناردىڭ الدىندا بولعان وقيعالاردى ەسىنە تۇسىرە الۋى مۇمكىن.
جوعارىدا اتالعان باسىلىمداردىڭ مالىمەتىنشە، ناۆالنىيعا دارىگەر مەن ايەلىنەن باسقا ادامداردى دا كىرگىزە باستاعان. بىراق ساياساتكەرمەن كەزدەسۋ ءۇشىن قاتاڭ كۇزەتتەن ءوتۋ كەرەك. ال ساياساتكەردىڭ ءباسپاسوز حاتشىسى كيرا يارمىش ماقالالارداعى كەيبىر جايتتار ۇلعايتىلىپ كورسەتكەنىن جازدى.
Der Spiegel اقپارات كوزىنىڭ ايتۋىنشا، "شاريتە" كلينيكاسىندا كۇزەت كۇشەيگەن. ناۆالنىيدىڭ ەسىن جيعانى تۋرالى اقپارات شىققاننان كەيىن 9 قىركۇيەكتە كەشكە قاراي ساياساتكەر جاتقان اۋماق قاۋىپسىزدىكتىڭ "ەڭ جوعارى دەڭگەيى" رەجيمىنە كوشكەن. اقپارات كوزىنىڭ ايتۋىنشا، گەرمانيانىڭ ارنايى قىزمەتى تەك قوقان-لوقى عانا ەمەس، "شاريتە" كلينيكاسىن قارالاۋ سياقتى "جالعان اقپاراتتار لەگىنە" توتەپ بەرۋگە قامدانىپ جاتىر.
دارىگەرلەردىڭ ايتۋىنشا، ناۆالنىي فيزيكالىق تۇرعىدا 90 پايىز قالپىنا كەلە الادى، ال پسيحيكاسى تولىق قالىپقا كەلگەن. ولار ومبىعا ۇشاقتى شۇعىل تۇردە قوندىرۋ تۋرالى شەشىم قابىلداعان ۇشقىشتىڭ جىلدام رەاكتسياسى مەن ناۆالنىيعا اتروپين ءدارىسىن ەككەن جەدەل جاردەم قىزمەتكەرلەرىنىڭ ارەكەتى امان قالۋىنا قاتتى كومەكتەستى دەپ وتىر.
بۇعان دەيىن Die Zeit باسىلىمىقۇپيا دەرەككوزگە سۇيەنە وتىرىپ، ناۆالنىيعا "نوۆيچوكتان" دا قاۋىپتىرەك ۋ بەرگەن، ونى تەك ارنايى جابدىقتالعان زەرتحانادا عانا جاساۋعا بولادى، سوندىقتان بۇل وپەراتسيانى رەسەيلىك فسب ۇيىمداستىرعان بولۋى ىقتيمال دەپ جازعان ەدى. گازەتتىڭ مالىمەتىنشە، نەمىس بيلىگى ساياساتكەردى اڭدىعان ارنايى قىزمەت وكىلى قاۋىپتى زاتتى ناۆالنىي ءشاي ىشكەن كەسەنىڭ جيەگىنە نەمەسە كەسەنىڭ وزىنە شاشىپ كەتكەن بولۋى مۇمكىن دەپ بولجاپ وتىر. ۋدىڭ قالدىقتارى ساياساتكەر سۋ ىشكەن بوتەلكەنىڭ اۋزى مەن ساياساتكەردىڭ قولىنان دا تابىلعان
نەمىس باسىلىمىنىڭ جازۋىنشا، ۋدىڭ اسەر ەتۋ ۋاقىتىن ەسەپتەگەن قىلمىسكەرلەر ناۆالنىي تومسكىدەن ماسكەۋگە قاراي ۇشقان كەزدە جولدا قايتىس بولادى دەپ شامالاعان بولۋى مۇمكىن.
رەسەيلىك وپپوزيتسيونەر، جەمقورلىقپەن كۇرەس قورىنىڭ جەتەكشىسى 44 جاستاعى ناۆالنىي 20 تامىز كۇنى تومسكىدەن ماسكەۋگە باعىت العان ۇشاقتا جاعدايى كۇرت ناشارلاعان. ۇشاق ساياساتكەر دەنساۋلىعىنىڭ ناشارلاۋىنا بايلانىستى ومبى قالاسىنا قونۋعا ءماجبۇر بولعان. ساياساتكەر ومبى اۋرۋحاناسىندا ەكى كۇن جاتتى. ونداعى دارىگەرلەر ناۆالنىيدىڭ زات الماسۋ پروتسەسى بۇزىلعان دەپ مالىمدەدى. ولار "ساياساتكەر ۋلاندى" دەگەن ناۆالنىي جاقتاستارىنىڭ تۇجىرىمىن جوققا شىعارعان. دەگەنمەن "مەدۋزانىڭ" جازۋىنشا، ومبىدا ساياساتكەردىڭ ۋلانعانى "ايدان انىق بولعاندىقتان" جەدەل جاردەم كولىگىندە وعان اتروپين سالعان.
22 تامىزدا تۋىستارى مەن جاقتاستارىنىڭ تالابىمەن ساياساتكەر بەرليندەگى "شاريتە" كلينيكاسىنا اۋىستىرىلدى. نەمىس دارىگەرلەرى زەرتحانادا تەكسەرگەننەن كەيىن گەرمانيا ۇكىمەتى الەكسەي ناۆالنىي قۇرامى جاعىنان سوۆەت وداعى كەزىندە شىعارىلعان اسكەري "نوۆيچوك" ۋىنا ۇقساس زاتپەن ۋلاندى دەپ مالىمدەدى.
دۇيسەنبى كۇنى نەمىس دارىگەرلەرى ناۆالنىيدىڭ دەنساۋلىعى جاقسارعانىن، كومادان شىققانىن حابارلاعان ەدى.
Abai.kz
