182 ميلليون تەڭگە. اتىراۋدا ەكى شەنەۋنىك پارامەن ۇستالدى
اتىراۋ وبلىسى اكىمىنىڭ ورىنباسارى مەن وبلىستىق قۇرىلىس باسقارماسىنىڭ باسشىسى پارا الدى دەگەن كۇدىكپەن ۇستالدى. بۇل تۋرالى اق جايىق سايتى حابارلادى.
ونداعى مالىمەتتەرگە سۇيەنسەك، كەشە، ياعني، 10 قىركۇيەك كۇنى اتىراۋ وبلىسى اكىمىنىڭ ءبىرىنشى ورىنباسارى نۇرلان تاۋباەۆ پەن اتىراۋ وبلىستىق قۇرىلىس باسقارماسىنىڭ باسشىسى تيمۋر باساروۆ ۇستالعان. ولارعا 182 ميلليون تەڭگە كولەمىندە پارا الدى دەگەن كۇدىك تاڭىلعان.
;feature=emb_titleكۇدىكتى شەنەۋنىكتەردى ەلوردادان اتىراۋعا ارنايى بارعان قر سىبايلاس جەمقورلىققا قارسى ءىس-قيمىل اگەنتتىگىنىڭ ءبىر توپ قىزمەتكەرلەرى ۇستاعان. ال ءىستىڭ ءمان-جايىنا قاتىستى ەگجەي-تەگجەيلى اقپارات تاراتىلماعان.
نۇرلان تاۋباەۆ - اتىراۋ وبلىسى اكىمىنىڭ ءبىرىنشى ورىنباسارى.
1976 جىلى 26 مامىردا اتىراۋ قالاسىندا دۇنيەگە كەلگەن. ۇلتى - قازاق، جوعارى ءبىلىمدى، 1998 جىلى اتىراۋ مەملەكەتتىك مۇناي جانە گاز ينستيتۋتىن تاۋ-كەن گەولوگيا ينجەنەرى، 2003 جىلى قازاقستاندىق ەكونوميكا جانە قۇقىق ينستيتۋتىن يۋريسپرۋدەنتسيا، 2004 جىلى ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىن ەكونوميست-مەنەدجەر ماماندىقتارى بويىنشا بىتىرگەن.
ەڭبەك جولى:
- 1995 جىلى اتىراۋ قالاسىندا «ەكسپرەسس-يۋگ» جاۋاپكەرشىلىگى شەكتەۋلى سەرىكتەستىگى ديرەكتورىنىڭ ورىنباسارى قىزمەتىنەن باستاعان.
- 2000-2006 جىلدارى اتىراۋ قالالىق تۇرعىن ءۇي-كوممۋنالدىق شارۋاشلىعى، جولاۋشىلار كولىگى جانە اۆتوكولىك جولدارى ءبولىمىنىڭ باستىعى،
2006-2008 جىلدارى قر يندۋستريا جانە ساۋدا مينيسترلىگىنىڭ باسەكەلەستىكتى قورعاۋ كوميتەتىنىڭ اتىراۋ وبلىسى بويىنشا مونوپولياعا قارسى باسقارماسىنىڭ باستىعى،
- 2008-2012 جىلدارى قر باسەكەلەستىكتى قورعاۋ اگەنتتىگىنىڭ (مونوپولياعا قارسى اگەنتتىك) اتىراۋ جانە ماڭعىستاۋ وبلىستارى بويىنشا وڭىرارالىق ينسپەكتسياسىنىڭ باستىعى،
- 2012-2014 جىلدارى قر باسەكەلەستىكتى قورعاۋ اگەنتتىگىنىڭ (مونوپولياعا قارسى اگەنتتىك) اتىراۋ وبلىسى بويىنشا مونوپولياعا قارسى ينسپەكتسياسىنىڭ باستىعى،
- 2014-2015 جىلدارى قر ۇلتتىق ەكونوميكا مينيسترلىگىنىڭ تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتىنىڭ ستراتەگيالىق تالداۋ باسقارماسىنىڭ باس ساراپشىسى،
- 2015-2017 جىلدارى قر ۇلتتىق ەكونوميكا مينيسترلىگىنىڭ تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتى اتىراۋ وبلىسى بويىنشا دەپارتامەنتىنىڭ باسشىسى،
- 2017-2018 جىلدارى قر ۇلتتىق ەكونوميكا مينيسترلىگىنىڭ تابيعي مونوپوليالاردى رەتتەۋ، باسەكەلەستىكتى جانە تۇتىنۋشىلاردىڭ قۇقىقتارىن قورعاۋ كوميتەتى اتىراۋ وبلىسى بويىنشا دەپارتامەنتىنىڭ باسشىسى،
- 2018-2019-2020 جىلدارى اتىراۋ وبلىسى اكىمىنىڭ ورىنباسارى، ءبىرىنشى ورىنباسارى لاۋازىمدارىن اتقارعان.
ماراتاپتتارى:
- 2011 جىلى «قازاقستان رەسپۋبليكاسىنىڭ تاۋەلسىزدىگىنە 20 جىل»،
- 2016 جىلى «قازاقستان رەسپۋبليكاسى تاۋەلسىزدىگىنە 25 جىل» مەرەكەلىك مەدالدارىمەن ناگرادتالعان.
تيمۋر باساروۆ - اتىراۋ وبلىستىق قۇرىلىس باسقارماسىنىڭ باسشىسى.
1979 جىلى تۋعان. 1994 جىلى ورال قۇرىلىس تەحنيكۋمىن، سودان كەيىن باتىس قازاقستان ينجەنەرلىك-گۋمانيتارلىق ۋنيۆەرسيتەتىن «قۇرىلىس باكالاۆرى» ماماندىعى بويىنشا ءبىتىردى.
ەڭبەك جولى:
- 1998 جىلى قۇرىلىس الاڭىندا شەبەر بولىپ باستاعان. ورالداعى وندىرىستىك كووپەراتيۆتە قۇرىلىس ينجەنەرى بولىپ جۇمىس ىستەدى.
- 2004 جىلدان باستاپ باتىس قازاقستان وبلىسىنىڭ «ءورت ءسوندىرۋ جانە اۆاريالىق-قۇتقارۋ قىزمەتىندە» ەڭبەك ەتتى.
- 2008 جىلدان باستاپ 2016 جىلعا دەيىن - باتىس قازاقستان وبلىسىنىڭ قۇرىلىس باسقارماسىندا ءتۇرلى لاۋازىمدار اتقاردى.
وسى قىزمەتكە دەيىن - اتىراۋ قالالىق قۇرىلىس ءبولىمىنىڭ باسشىسى بولدى.
Abai.kz
