جاڭا جىل «اق جول» ءۇشىن توسىنسىيمەن باستالدى.  «ازات» جالپىۇلتتىق سوتسيال-دەموكراتيالىق پارتياسى رەسپۋبليكالىق باسشىلارى ساياساتىنان تۇڭىلگەن  الماتى وبلىستىق فيليالىنىڭ بۇرىنعى جەتەكشىلەرى پارتيا قۇرامىنان شىعىپ، «اق جول» قازاقستاننىڭ دەموكراتيالىق پارتياسىنا وتۋگە  ءوتىنىش تاپسىردى.

الماتىدا 3 قاڭتاردا وتكەن ءباسپاسوز ءماسليحاتىندا «ازات» جسدپ الماتى وبلىستىق فيليالىنىڭ بۇرىنعى  توراعاسى نۇرلان ايشىمباەۆ پەن  فيليال كەڭەسى مۇشەلەرى مارات رعاليەۆ، ەرمەك مىرزاحمەتوۆ جانە نۇرلان شۋداباەۆتار مۇنداي قادامعا بارۋ سەبەپتەرىن «بىرقاتار قاتارداعى پارتيا مۇشەلەرى «ازات» جسدپ رەسپۋبليكالىق جەتەكشىلەرىنىڭ جۇرگىزىپ وتىرعان ساياساتىنان تۇڭىلگەندىكتەرىمەن تۇسىندىرەدى.

ونىڭ ىشىندە، بۇرىنعى سەرىكتەستەردىڭ  جسدپ جەتەكشىلەرىنىڭ «كوسەمشىلدىگىنە» قارىندارى اشادى.  قاتارداعى پارتيا مۇشەلەرىنىڭ قاجەتتىلىكتەرىنە كوڭىل اۋدارمايتىن «كوسەمدەردىڭ»  جەرگىلىكتى جەرلەردە نە بولىپ جاتقانىنان حابارلارى جوق. پارتيا بەلسەندىلەرى ناقتى ادامدار تاعدىرى ويلاندىرمايتىن، تەك جەكە مۇددەلەرى ءۇشىن عانا بيلىككە ۇمتىلىپ جاتقان  جسدپ-نىڭ  سايلاۋالدى كامپانياسىن كەيبىر  تۇلعالاردىڭ جارناماسى عانا قىزىقتىرادى دەپ سانايدى.

«بۇگىندە تالدىقورعاندا ءتىپتى، پارتيانىڭ شتابى دا جوق. كولدەنەڭ كوك اتتىلار ارقىلى عانا قالانىڭ ءبىر جەرىندە جاڭا شتاب اشىلدى دەپ ەستيمىز. ونىڭ ەشكىم تانىمايتىن جاڭا جەتەكشىلەرىن ءبىز بىلمەيمىز دە جانە ەشقاشان قولداعان ەمەسپىز»،-دەيدى جۋرناليستەرگە مارات رعاليەۆ.

جاڭا جىل «اق جول» ءۇشىن توسىنسىيمەن باستالدى.  «ازات» جالپىۇلتتىق سوتسيال-دەموكراتيالىق پارتياسى رەسپۋبليكالىق باسشىلارى ساياساتىنان تۇڭىلگەن  الماتى وبلىستىق فيليالىنىڭ بۇرىنعى جەتەكشىلەرى پارتيا قۇرامىنان شىعىپ، «اق جول» قازاقستاننىڭ دەموكراتيالىق پارتياسىنا وتۋگە  ءوتىنىش تاپسىردى.

الماتىدا 3 قاڭتاردا وتكەن ءباسپاسوز ءماسليحاتىندا «ازات» جسدپ الماتى وبلىستىق فيليالىنىڭ بۇرىنعى  توراعاسى نۇرلان ايشىمباەۆ پەن  فيليال كەڭەسى مۇشەلەرى مارات رعاليەۆ، ەرمەك مىرزاحمەتوۆ جانە نۇرلان شۋداباەۆتار مۇنداي قادامعا بارۋ سەبەپتەرىن «بىرقاتار قاتارداعى پارتيا مۇشەلەرى «ازات» جسدپ رەسپۋبليكالىق جەتەكشىلەرىنىڭ جۇرگىزىپ وتىرعان ساياساتىنان تۇڭىلگەندىكتەرىمەن تۇسىندىرەدى.

ونىڭ ىشىندە، بۇرىنعى سەرىكتەستەردىڭ  جسدپ جەتەكشىلەرىنىڭ «كوسەمشىلدىگىنە» قارىندارى اشادى.  قاتارداعى پارتيا مۇشەلەرىنىڭ قاجەتتىلىكتەرىنە كوڭىل اۋدارمايتىن «كوسەمدەردىڭ»  جەرگىلىكتى جەرلەردە نە بولىپ جاتقانىنان حابارلارى جوق. پارتيا بەلسەندىلەرى ناقتى ادامدار تاعدىرى ويلاندىرمايتىن، تەك جەكە مۇددەلەرى ءۇشىن عانا بيلىككە ۇمتىلىپ جاتقان  جسدپ-نىڭ  سايلاۋالدى كامپانياسىن كەيبىر  تۇلعالاردىڭ جارناماسى عانا قىزىقتىرادى دەپ سانايدى.

«بۇگىندە تالدىقورعاندا ءتىپتى، پارتيانىڭ شتابى دا جوق. كولدەنەڭ كوك اتتىلار ارقىلى عانا قالانىڭ ءبىر جەرىندە جاڭا شتاب اشىلدى دەپ ەستيمىز. ونىڭ ەشكىم تانىمايتىن جاڭا جەتەكشىلەرىن ءبىز بىلمەيمىز دە جانە ەشقاشان قولداعان ەمەسپىز»،-دەيدى جۋرناليستەرگە مارات رعاليەۆ.

«ءبىز باسشىلاردان كوپىرگەن كوپ ءسوز ەستيمىز، بىراق ءىستىڭ اۋلى الىس. مىسالى، ءامىرجان قوسانوۆتىڭ پارتيا فيليالىنا مۇلدەم جاڭا، شاماسى، ءوز ادامىن اكەلىپ، توراعا مىندەتىن اتقارۋشى ەتىپ تاعايىنداپ كەتە سالعانىنان  تۇڭىلىپ كەتتىك. ءتىپتى، ءبىزدىڭ پىكىرىمىزدى  كەرەك ەتكەن دە  جوق. سوندا دەموكراتيالىق دەگەن اتى بار پارتيا سايلامايتىن، تەك  تاعايىندايتىن بولىپ تۇر عوي»،-دەيدى ناقتىلاپ بۇرىنعى ازاتتىقتار.

حالىققا قاجەتى «اق جول» پارتياسى دەپ سانايدى ارىپتەستەر. «اق جول» دا، ارينە، وپپوزيتسيا، بىراق ول قوعامدى بولۋگە ەمەس، بىرلىككە جۇمىس ىستەيدى. بۇل پارتيا ديالوگ جۇرگىزۋگە بەيىم، جانجالعا ەمەس،  جاراسىمعا شاقىرىپ، بيزنەسكە جاعداي جاسايدى»،-دەيدى ءباسپاسوز ءماسليحاتىن وتكىزۋشىلەر.

وسىعان بايلانىستى فيليالدىڭ بۇرىنعى جەتەكشىلەرى مەن مۇشەلەرى  «اق جول» پارتياسى جەتەكشىلىگىنە پارتيا قاتارىنا ءوتۋ ءۇشىن وتىنىشتەرىن تاپسىردى. «ءبىز «اق جول» پارتياسى سايلاۋالدى تۇعىرناماسىن مۇقيات وقىپ شىعىپ، وندا ءبىزدىڭ حالىققا بۇگىندە قاجەتتى قۇندىلىقتار قامتىلعانىنا كوز جەتكىزدىك. ءبىرىنشى كەزەكتە بۇل ۇلتتىق ەكونوميكا، ەل بىرلىگى، قازاق ءتىلىنىڭ مەملەكەتتىك ستاتۋسىن كوتەرۋ، رۋحاني-مادەني قۇندىلىقتاردى ساقتاپ، قالپىنا كەلتىرۋ جانە دامىتۋ. ءبىز كوپتەن بەرى پارتيا توراعاسى ازات پەرۋاشەۆتىڭ ءىس-ارەكەتىن قاداعالاپ كەلەمىز. ونىڭ ديناميكالىق جۇمىسى جانە  ماسەلەنى قويا بىلۋمەن قاتار ونىڭ شەشىمىن تابا ءبىلۋى قادىر  تۇتقىزادى. مىسالى ، قازاقستان پرەزيدەنتى   نۇرسۇلتان نازارباەۆتىڭ ءوزى دە بىزدەگى كوپ زاڭداردىڭ شيكىلىگىن، ولاردى جەتىلدىرۋ كەرەكتىگىن  قانشا رەت ايتتى. «اق جول» پارتياسى بۇعان قاتتى نازار اۋدارىپ وتىر. تۇعىرنامادا سالىق جۇيەسىن جەتىلدىرۋ، بيزنەسكە قولداۋ، جاستارعا ارنالعان الەۋمەتتىك ساتىنى جەتىلدىرۋ جانە ت.ب. زاڭدىق رەتتەۋگە تۇتاس بلوك ارنالعان»،-دەدى نۇرلان ايشىمباەۆ.

ولار جاڭارعان پارتيانىڭ تولىققاندى مۇشەسى بولۋعا تولىق قۇقىلارى بار ەكەندىكتەرىن مالىمدەدى. «ءسوز پارتياعا جاڭادان مۇشە بولۋ تۋرالى ەمەس... قايتا ورالۋ تۋرالى بولىپ وتىر»،-دەپ ناقتىلادى ولار.- ءبىزدىڭ ىشىمىزدە ءبىرازىمىز «اق جولدا» 2003 جىلدان مۇشەمىز، ءبولىنۋ كەزىندە «ناعىز «اق جولمەن» بىرگە شىققامىز. ەندى «اق جولعا» ىسكەر كاسىپكەرلەردىڭ كەلۋىمەن جاڭارعان پارتيا جاڭا مۇمكىندىكتەرگە يە بولدى جانە سوزدەن ىسكە كوشكەنىن كورىپ وتىرمىز. «اق جول» بيلىكپەن باسەكەگە بارادى، بىراق تەك ماسەلە كوتەرىپ قانا قويماي، ونى شەشۋ ءۇشىن ناقتى قادامدار جاسايدى. سوندىقتان، ءبىز «اق جولعا» قايتا ورالۋعا شەشىم قابىلدادىق. ونىڭ ۇستىنە 2002-2004 جىلدارى «اق جولدى» قۇرعان ءبىزدىڭ كوپتەگەن ارىپتەستەرىمىز جاڭا باسشىلىق كەلگەن سوڭ، پارتياعا قايتا ورالىپ، بۇرىنعى سەرىكتەرىمەن قايتا بىرىكتى».

جۋرناليستەر بۇل قادامعا بايلانىستى «اق جول» بۇگىنگى جاعدايىمەن وپپوزيتسيانى بىرىكتىرۋشى كۇشكە اينالۋى مۇمكىن بە دەگەن سۇراق قويدى. «بۇگىنگى ءوتىپ جاتقان ۇدەرىسكە قاراساق جانە ءبىزدىڭ پارتياعا وتكىمىز كەلگەنىندەي، كوپتەگەن ادامداردىڭ دا ىنتاسى بار ەكەنىن ەسكەرسەك، «اق جولدىڭ» بۇعان تولىق قۋاتى بار. ونىڭ ۇستىنە، سوڭعى بىرنەشە ايدىڭ ىشىندە پارتيا قاتارىنا كوپتەگەن بەلگىلى دە، بەدەلدى قازاقستاندىقتار كىردى. دەمەك، ولار دا، ءبىز سەكىلدى «اق جولعا» سەنەدى»-دەدى مارات رعاليەۆ.

بۇرىنعى جسدپ مۇشەلەرىنىڭ ايتۋىنشا، بۇل شەشىمدى ولار ءوز ەرىكتەرىمەن قابىلداعان، «اق جول» قدپ جەتەكشىلىگىنە  ەشقانداي شارت قويمايدى جانە ەشقانداي قىزمەتتىك لاۋازىمعا ۇمتىلمايدى. «بۇل ءبىزدىڭ ازاماتتىق ۇستانىمىمىز. ءبىز پاتريوتپىز جانە ادامدارعا ناقتى كومەك بەرۋ ءۇشىن ءبارىن جاسايمىز. ءبىز وزگە مۇشەلەرى دە جسدپ-دان شىعىپ، ارتىمىزدان ەرەدى دەپ بىلەمىز. ولار دا ءبىز سەكىلدى ءوز شەشىمدەرىن قابىلداۋعا قۇقى بار»- دەيدى ءباسپاسوز ءماسليحاتىنا قاتىسۋشىلار.

جيىن قورىتىندىسىندا ولار «اق جول» قدپ ساياسي كەڭەسى وزدەرىنىڭ پارتياعا كىرۋ تۋرالى وتىنىشتەرىنە بايلانىستى دۇرىس شەشىم قابىلدايدى  دەپ سەنىم ءبىلدىرىپ، سايلاۋشىلاردى 15 قاڭتاردا «اق جول» پارتياسىنا داۋىس بەرۋگە شاقىردى.

«ازات» پارتياسىنان شىعىپ، ازاتتىڭ «اق جول» پارتياسىنا وتۋشىلەر قادامىن قولداۋشىلار از بولماس دەپ بىلەمىز.