وسىمەن بەسىنشى جىل ۇكىمەتتى باسقارىپ وتىرعان كارىم ءماسىموۆ رەسەيدىڭ «كوممەرسانت» گازەتىنە سۇحبات بەرىپتى. وسى جەردە ايتپاسقا بولماس ءبىر جايت بار. وسى قاشان كورسەڭ ءبىزدىڭ  پرەزيدەنت پەن پرەمەر-مينيستر قازاقستاننىڭ ساياسي-ەكونوميكالىق احۋالى مەن بولاشاعى جايلى ويلارىن  رەسەي گازەتتەرىنە ماقالا، بولماسا، سۇحبات تۇرىندە شىعارادى دا جاتادى. مىسالى، پرەزيدەنتتىڭ «روسسيسكايا گازەتاعا» ماقالاسى شىقتى. ءماسىموۆ بۇعان دەيىن رەسەي ارنالارىنىڭ بىرىندە كوسىلىپ سۇحبات بەردى. ەندى، مىنە،  - «كوممەرسانت». سوندا بۇ قالاي؟ ءبىزدىڭ ەلدەگى باق بۇ كىسىلەردىڭ دۇنيەسىن شىعارۋعا قاۋقارسىز با، الدە «اۋىلداعىنىڭ اۋزى ساسىق پا؟» جارايدى، - بۇل ءوزى باسقا اڭگىمەنىڭ تاقىرىبى. ورايى كەلىپ تۇرعان سوڭ ايتتىق.

سونىمەن، ءماسىموۆ مىرزا جوعارىدا اتالعان گازەتكە بەرگەن سۇحباتىندا: «قارجى داعدارىسىن اينالىپ وتە المايمىز. 2012-2013-ءىنشى جىلدارى بولادى دەلىنىپ وتىرعان داعدارىسقا الەمنىڭ كەز كەلگەن ەلى، قانداي ساياساتكەرى بولسا دا قارسى تۇرا المايدى»، - دەپتى. مويىنداعانىنا دا تاۋبە! ايتپەسە، وتكەن جىلدارداعىداي «الەمدىك قارجى داعدارىسى قازاقستاندى اينالىپ وتەدى» دەپ بەت باقتىرماي قويا ما دەپ قورقىپ ەدىك.

وسىمەن بەسىنشى جىل ۇكىمەتتى باسقارىپ وتىرعان كارىم ءماسىموۆ رەسەيدىڭ «كوممەرسانت» گازەتىنە سۇحبات بەرىپتى. وسى جەردە ايتپاسقا بولماس ءبىر جايت بار. وسى قاشان كورسەڭ ءبىزدىڭ  پرەزيدەنت پەن پرەمەر-مينيستر قازاقستاننىڭ ساياسي-ەكونوميكالىق احۋالى مەن بولاشاعى جايلى ويلارىن  رەسەي گازەتتەرىنە ماقالا، بولماسا، سۇحبات تۇرىندە شىعارادى دا جاتادى. مىسالى، پرەزيدەنتتىڭ «روسسيسكايا گازەتاعا» ماقالاسى شىقتى. ءماسىموۆ بۇعان دەيىن رەسەي ارنالارىنىڭ بىرىندە كوسىلىپ سۇحبات بەردى. ەندى، مىنە،  - «كوممەرسانت». سوندا بۇ قالاي؟ ءبىزدىڭ ەلدەگى باق بۇ كىسىلەردىڭ دۇنيەسىن شىعارۋعا قاۋقارسىز با، الدە «اۋىلداعىنىڭ اۋزى ساسىق پا؟» جارايدى، - بۇل ءوزى باسقا اڭگىمەنىڭ تاقىرىبى. ورايى كەلىپ تۇرعان سوڭ ايتتىق.

سونىمەن، ءماسىموۆ مىرزا جوعارىدا اتالعان گازەتكە بەرگەن سۇحباتىندا: «قارجى داعدارىسىن اينالىپ وتە المايمىز. 2012-2013-ءىنشى جىلدارى بولادى دەلىنىپ وتىرعان داعدارىسقا الەمنىڭ كەز كەلگەن ەلى، قانداي ساياساتكەرى بولسا دا قارسى تۇرا المايدى»، - دەپتى. مويىنداعانىنا دا تاۋبە! ايتپەسە، وتكەن جىلدارداعىداي «الەمدىك قارجى داعدارىسى قازاقستاندى اينالىپ وتەدى» دەپ بەت باقتىرماي قويا ما دەپ قورقىپ ەدىك.

سۇحبات بارىسىندا ۇكىمەت باسشىسى: «قازاقستان ءۇشىن تابيعي رەسۋستاردىڭ باعاسى ماڭىزدى بولماق. سەبەبى، مەملەكەتتىك بيۋدجەتتىڭ نەگىزىن وسى تابيعي بايلىقتان تۇسەتىن قارجى قۇراپ وتىر»،- دەپ تۇتاس ەلدىڭ جاعدايى مۇناي مەن گازدىڭ الەمدىك باعامىنا بايلاۋلى تۇرعانىن كەزەكتى رەت قايتالايدى. ال مۇناي مەن گازدىڭ قازاقستاندا نەگىزگى ەكونوميكالىق سەكتور ءارى قۇتقارۋشى سالا ەكەندىگىن ۇكىمەتىمىز  ايتپاسا دا تۇسىندىك.
ءارى قاراي كارىم قاجىمۇقانۇلى داعدارىستىڭ الەۋمەتتىك اسەرى بولاتىنىن جوققا شىعارمايدى. سونى ايتا كەلىپ: «ءبىز وزگە ەلدەردىڭ دە، ءوزىمىزدىڭ دە تاجىربيەمىزدەن كورىپ وتىرعانىمىزداي الەۋمەتتىك ماسەلەلەرگە باسا نازار اۋدارماساق، قارجى داعدارىسى  وكشەلەپ قۋىپ وتىرادى. جۇمىسسىزدىق الەۋمەتتىك قارسىلىقتارعا اكەلەدى. سوندىقتان بۇل ماسەلەمەن ۇداي اينالىسۋ كەرەك»، - دەيدى.
«ءوز تاجىربيەمىزدەن» دەگەن ءسوزىن وقىعاندا مەنىڭ ەسىمە ارتى قىرعىنعا ۇلاسقان مۇنايشىلاردىڭ جەتى ايعا سوزىلعان ەرەۋىلى مەن ولاردىڭ ماسەلەسىن شەشپەگەن ءماسىموۆتىڭ ۇكىمەتى ءتۇستى.
بۇدان ءارى سۇحباتتا «داعدارىسقا قارسى» جوسپارلار مەن ازاماتتاردىڭ كاسىپتىك بىلىكتىلىگىن كوتەرۋ، ەۋرازيالىق ەكونوميكالىق كەڭىستىك پەن كەدەندىك وداقتىڭ «كەرەمەتتەرى» جايلى ەرتەگىنىڭ جالعاسى ايتىلادى.
P.S.
ءبىر قىزىعى، وسى جولداردىڭ اۆتورى مىنا مەن - ەلدىڭ قاراپايىم تۇرعىنىنىڭ ءبىرى -  داعدارىسقا ەتىم ۇيرەنىپ كەتكەن. سەبەبى، باسقانى قايدام، مەن ءۇشىن داعدارىس (ساياسي، قارجىلىق، الەۋمەتتىك) كۇندەلىكتى، ادەتتەگى نارسە. ءتىپتى، مەنىڭ سەرىگىم دەسەم دە بولادى...
«اباي-اقپارات»