جاڭا ءماجىلىستىڭ قولداۋىمەن ورنىندا قالعان ەسكى دە جاڭا ۇكىمەتتە ءىشىنارا وزگەرىستەر مەن تاعايىنداۋلار جالعاسىپ جاتىر. سونىڭ كەزەكتىسى كەشە كەشكە بولدى. پرەزيدەنتتىڭ جارلىعىمەن مادەنيەت ءمينيسترى مۇحتار قۇل-مۇحاممەد مەملەكەتتىك حاتشى بولىپ تاعايىندالدى. ال، بۇرىنعى اتاۋىن قايتا العان مادەنيەت جانە اقپارات مينيسترىلىگىنىڭ ەكى تىزگىن ءبىر شىلبىرى دارحان مىڭباي مىرزانىڭ قۇزىرىنا ءتيدى.

قازاقتىڭ ءسوزىن، جانىن تۇسىنەتىن، مەملەكەتشىل ازاماتتاردىڭ جاڭا تاعايىندالعان لاۋازمدى قىزمەتتەرىندە ۇلتتىڭ ۇلى مۇراتتارىنا جۇمىس ىستەپ، تابىس بيىكتەرىنەن كورىنە بەرەتىندىگىنە سەنەمىز.

«پوليتيچەسكي زناچەنيەسى» بار ساياسي ناۋقانداردى اق تەر، كوك تەر بولىپ ءجۇرىپ «ءساتتى»  وتكەرگەن قانات ساۋداباەۆ مىرزا «نازارباەۆ ورتالىعىنىڭ» ديرەكتورى قىزمەتىنە بەكىدى.

قۇل-مۇحاممەد مۇحتار ابرارۇلى

1960 جىلى 12 جەلتوقساندا قحر شاۋەشەك قالاسىندا دۇنيەگە كەلدى. ءال-فارابي اتىنداعى قازاق مەملەكەتتىك ۋنيۆەرسيتەتىنىڭ تۇلەگى. زاڭ عىلىمدارىنىڭ دوكتورى، پروفەسسور. 100-دەن اسا عىلىمي ەڭبەكتەرى، ونىڭ ىشىندە 6 مونوگرافياسى جارىق كوردى. عىلىمي قىزمەتىنىڭ نەگىزگى باعىتى: مەملەكەت جانە قۇقىق تاريحى، ساياسي جانە قۇقىقتىق ىلىمدەر تاريحى.
1983-1992 جج. قازاق ەنتسيكلوپەدياسىندا اعا عىلىمي رەداكتور، جاۋاپتى حاتشى، باس رەداكتوردىڭ ورىنباسارى قىزمەتتەرىن اتقاردى.
1992-1999 جج. «اتامۇرا» كورپوراتسياسىن باسقاردى.

جاڭا ءماجىلىستىڭ قولداۋىمەن ورنىندا قالعان ەسكى دە جاڭا ۇكىمەتتە ءىشىنارا وزگەرىستەر مەن تاعايىنداۋلار جالعاسىپ جاتىر. سونىڭ كەزەكتىسى كەشە كەشكە بولدى. پرەزيدەنتتىڭ جارلىعىمەن مادەنيەت ءمينيسترى مۇحتار قۇل-مۇحاممەد مەملەكەتتىك حاتشى بولىپ تاعايىندالدى. ال، بۇرىنعى اتاۋىن قايتا العان مادەنيەت جانە اقپارات مينيسترىلىگىنىڭ ەكى تىزگىن ءبىر شىلبىرى دارحان مىڭباي مىرزانىڭ قۇزىرىنا ءتيدى.

قازاقتىڭ ءسوزىن، جانىن تۇسىنەتىن، مەملەكەتشىل ازاماتتاردىڭ جاڭا تاعايىندالعان لاۋازمدى قىزمەتتەرىندە ۇلتتىڭ ۇلى مۇراتتارىنا جۇمىس ىستەپ، تابىس بيىكتەرىنەن كورىنە بەرەتىندىگىنە سەنەمىز.

«پوليتيچەسكي زناچەنيەسى» بار ساياسي ناۋقانداردى اق تەر، كوك تەر بولىپ ءجۇرىپ «ءساتتى»  وتكەرگەن قانات ساۋداباەۆ مىرزا «نازارباەۆ ورتالىعىنىڭ» ديرەكتورى قىزمەتىنە بەكىدى.

قۇل-مۇحاممەد مۇحتار ابرارۇلى

1960 جىلى 12 جەلتوقساندا قحر شاۋەشەك قالاسىندا دۇنيەگە كەلدى. ءال-فارابي اتىنداعى قازاق مەملەكەتتىك ۋنيۆەرسيتەتىنىڭ تۇلەگى. زاڭ عىلىمدارىنىڭ دوكتورى، پروفەسسور. 100-دەن اسا عىلىمي ەڭبەكتەرى، ونىڭ ىشىندە 6 مونوگرافياسى جارىق كوردى. عىلىمي قىزمەتىنىڭ نەگىزگى باعىتى: مەملەكەت جانە قۇقىق تاريحى، ساياسي جانە قۇقىقتىق ىلىمدەر تاريحى.
1983-1992 جج. قازاق ەنتسيكلوپەدياسىندا اعا عىلىمي رەداكتور، جاۋاپتى حاتشى، باس رەداكتوردىڭ ورىنباسارى قىزمەتتەرىن اتقاردى.
1992-1999 جج. «اتامۇرا» كورپوراتسياسىن باسقاردى.
1999-2001 جج. دەپۋتات، قازاقستان رەسپۋبليكاسى پارلامەنتى سەناتىنىڭ زاڭناما جانە قۇقىقتىق رەفورما جونىندەگى كوميتەتىنىڭ حاتشىسى. الەۋمەتتىك-مادەني دامۋ جونىندەگى كوميتەتتىڭ توراعاسى.
2001-2003 جج. - قازاقستان رەسپۋبليكاسى مادەنيەت، اقپارات جانە قوعامدىق كەلىسىم ءمينيسترى.
2003-2004 جج. - پرەزيدەنت كەڭەسشىسى.
2004 جىلدىڭ ساۋىرىنەن جەلتوقسانىنا دەيىن قازاقستان رەسپۋبليكاسى پرەزيدەنتىنىڭ ءباسپاسوز حاتشىسى.
2004-2006 جج. - قازاقستان رەسپۋبليكاسى پرەزيدەنتىنىڭ كەڭەسشىسى - ءباسپاسوز حاتشىسى.
2007 ج. قاڭتار ايىنان قىزىلوردا وبلىسىنىڭ اكىمى. قازاقستان رەسپۋبليكاسى پرەزيدەنتىنىڭ «بايقوڭىر» كەشەنىندە ارناۋلى وكىلى.
2008 ج. مامىر ايىنان قازاقستان رەسپۋبليكاسى مادەنيەت جانە اقپارات ءمينيسترى.
قازاقستان رەسپۋبليكاسى مەملەكەتتىك سىيلىعىنىڭ لاۋرەاتى (1996 ج.). «قۇرمەت» وردەنىمەن ماراپاتتالعان (2004 ج.).

دارحان قامزابەكۇلى مىڭباي

1962 جىلى 26 قاڭتاردا شىمكەنت وبلىسى تۇلكىباس اۋدانىنىڭ ديميتروۆ اۋىلىندا تۋعان.
م.ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىن (1985) جۋرناليست ماماندىعى بويىنشا; شىمكەنت ۋنيۆەرسيتەتىن (2006) ەكونوميست ماماندىعى بويىنشا بىتىرگەن. تەحنيكا عىلىمدارىنىڭ كانديداتى.
«وڭتۇستىك قازاقستان: «شىعارماشىل زيالىلار»، «نۇرلى الەم» (2001), «نۇرىن شاشقان وڭتۇستىك» («زەمليا يۋجنوگو كازاحستانا»), «ەففەكت» (2003), «ونەرلى ولكە سۋرەتشىلەرى» («حۋدوجنيك يۋجنوگو كازاحستانا») (2008) كىتاپتارىنىڭ اۆتورى.

1978-1979 جىلدارى - شىمكەنت وبلىسى سايرام اۋدانى «قايناربۇلاق» ۇجىمشارىنىڭ ۆ.ي. لەنين اتىنداعى بولىمشەسىندە جۇمىسشى. 1985 جىلدان - وداقتىق جانە شەتەلدىك باسپاعا ارنالعان باس اقپارات رەداكتسياسىنىڭ (قازكسر مينيسترلەر كەڭەسى جانىنداعى اقپاراتتىق اگەنتتىك- قازتاگ) رەداكتورى، 1986 جىلدان - اعا رەداكتورى، 1989 جىلدان - وداقتىق باسپاعا ارنالعان اقپارات رەداكتسياسىنىڭ اعا باقىلاۋشى ادەبي رەداكتورى. 1990 جىلدان - قازكسر جوعارعى كەڭەسىنىڭ اكتىلەردى جاريالاۋ ءبولىمىنىڭ اعا كەڭەسشىسى. 1992 جىلدان - قازكسر جوعارعى كەڭەسىنىڭ رەداكتسيالىق-باسپا بولىمىنىڭاعا رەفەرەنتى. 1994 جىلدان - «وركەنيەت- گوريزونت» رەسپۋبليكالىق گازەتىنىڭ باس رەداكتورى. 1996 جىلدان - «قازاقستان تەلەديدارى جانە راديوسى» رەسپۋبليكالىق كورپوراتسياسىنىڭ ۆيتسە - پرەزيدەنتى. 1997 جىلدان - شىعارماشىلىق قىزمەتتى جانە وبلىستىق تەلەراديوكومپانيالارمەن جۇمىستى ۇيلەستىرۋ جونىندەگى باسقارمانىڭ باستىعى. 1997 جىلدان  وقو اكىمىنىڭ ورىنباسارى. 2002 جىلدان - وقو جاستار ءىسى جانە ىشكى ساياسات دەپارتامەنتىنىڭ باستىعى. 2004 جىلدان - وقو تۇلكىباس اۋدانىنىڭ اكىمى. 2006 جىلدان - وقو اكىمنىڭ ورىنباسارى. 
- قر مادەنيەت جانە اقپارات ۆيتسە-ءمينيسترى.
2008 جىلدان بەرى - قر پرەزيدەنتى اكىمشىلىگىنىڭ ىشكى ساياسات ءبولىمىنىڭ مەڭگەرۋشىسى.
«اباي-اقپارات»